સુરતના પાંડેસરા વડોદ ગામમાંથી દિવાળીની રાત્રે ઘર આંગણે રમતી બાળકી ગુમ થઇ છે. અઢી વર્ષની બાળકી રહસ્યમય રીતે ગુમ થઈ જતા પોલીસ બેડામાં દોડધામ મચી છે. છેલ્લા 48 કલાકથી સુરત પોલીસના DCB, PCB સહિતના જવાનોએ સમગ્ર વિસ્તાર ખુંદી નાંખ્બાયો છે. અને, પોલીસ તંત્ર બાળકીને શોધી કાંઢવા માટે રાત-દિવસ એક કરી નાખ્યા છે. બાળકી રમતા રમતા ક્યાંય ચાલી ગઈ કે માસૂમ બાળકીનું અપહરણ કરાયું એ વાતને લઈ પોલીસે પણ ચિંતા વ્યક્ત કરી છે.
પોલીસના જણાવ્યા પ્રમાણે આ ઘટના દિવાળીની રાત્રિની છે. બાળકીના પિતા મિલમાં મજૂરી કામ કરે છે. બે બાળકીઓમાં આ મોટી દીકરી છે. આ બાળકી ઘર આંગણે રમતા રમતા કયાંક ગુમ થઈ ગઈ છે. ઘરની આજુબાજુ વૃક્ષો આચ્છાદિત વિસ્તાર છે, પોલીસ બધા જ કામ છોડીને આ બાળકીને રાત-દિવસથી શોધી રહી છે.
પોલીસે વધુમાં જણાવ્યું હતું કે આજુબાજુના સીસીટીવી પણ ચેક કરવામાં આવી રહ્યા છે. પોલીસે વિશ્વાસ વ્યક્ત કર્યો છે કે આ બાળકીને શોધી કાંઢવામાં આવશે. PCB, DCB સહિતની ટીમો દિવાળીનો તહેવારની મજા માણવાની જગ્યાએ બાળકીને શોધવાના કામમાં જોતરાઇ ગઇ છે. 100થી વધુ પોલીસ જવાનો બાળકીના ફોટો લઈ શેરીએ-શેરીએ-નાકાએ નાકા ફરી રહ્યા છે.
આ પણ વાંચો : Eternals BO Collection Day 1: થિયેટરમાં ચાલ્યો ‘Eternals’નો જાદુ, પહેલા દિવસે કરી આટલા કરોડની કમાણી