Rajkot : ગોંડલમાં મેઘરાજાની તોફાની બેટિંગ, સાડા 3 ઇંચ વરસાદથી ઠેરઠેર પાણી ભરાયા

Rajkot : ગોંડલ શહેરમાં મેઘરાજાએ તોફાની બેટિંગ કરી છે. શહેરમાં 3.5 ઈંચ વરસાદ વરસતા ઠેર-ઠેર પાણી ભરાઈ ગયા. જેતપુર રોડ, જેલ ચોક, વિક્રમસિંહજી કૉમ્પલેક્સ રોડ પર નદીઓ વહેતી હોય તેવા દ્રશ્યો જોવા મળ્યા. ધોધમાર વરસાદને પગલે ગુંદાળા શેરીમાં પાણી વહેતા થયા. આ તરફ નાની બજારમાં વરસાદી પાણી ભરાતા વેપારીઓના જીવ તાળવે ચોંટી ગયા હતા. તો બીજી તરફ જેતપુર રોડ પર ભારે વરસાદને પગલે ભૂવા પડી ગયા હતા. ભૂવામાં પાણી ભરવાને લીધે અકસ્માત થતા જોવા મળ્યા હતા. ભારે વરસાદથી શહેરના ઉમવાળા અંડરબ્રિજમાં પાણી ભરાયા હતા. અંડરબ્રિજમાં કેડસમા પાણી ભરાઈ જતા વાહન-વ્યવહાર ખોરવાયો હતો.