Rajkot : ઉપલેટાના મેરવદળ ગામે દીપડાનો આતંક, હુમલાના પગલે 3 વર્ષની બાળકીનું મોત

રાજકોટના ઉપલેટાના મેરવદળ ગામે દીપડાના આતંકના પગલે લોકોમાં ભયનો માહોલ ફેલાયો છે. દીપડાએ 3 વર્ષની બાળકી પર હુમલો કરતા તેનું મોત નિપજયું છે. સારવાર દરમિયાન લક્ષ્મી ખરાળી નામની બાળકીનું મોત થતા પરિવારમાં શોકનો માહોલ છવાયો હતો. ખેતમજૂરી કરતા પરિવારની 3 વર્ષની બાળકીને દીપડો ખેતરમાંથી ઉઠાવી ગયો હતો. મુળ એમપીના પરિવારની બાળકી હતી. મૃતકના પરિવારે સરકાર પાસે મદદની માગ કરી હતી. ઘટનાને પગલે ગ્રામજનોમાં ફફડાટ ફેલાયો હતો.

ઘટનાને પગલે ગ્રામજનોમાં ફફડાટ ફેલાયો !

તો આ તરફ અમરેલી જિલ્લો સિંહનું ઘર મનાય છે અને સિંહો અહીં ઠેર- ઠેર આટાંફેરા મારતા નજરે પડે છે, જો કે હવે અહીં દીપડા પણ અવારનવાર જોવા મળી રહ્યા છે. ત્યારે હાલમાં જ સિંહ અને દીપડો થોડા થોડા સમયના અંતરે એક જ ટાંકીમાંથી પાણી પી રહ્યા હોય તેવા દ્રશ્યો CCTVમાં કેદ થયા હતા. અમરેલીના સાવરકુંડલાના મહુવા રોડ પર સિંહ અને દીપડાના આંટાફેરા જોવા મળ્યા છે. મહુવા રોડની ખોડિયાર પાર્ક સોસાયટી નજીક સિંહણ અને દીપડો સીસીટીવીમાં કેદ થયા છે.