રાજકોટમા ક્રિકેટ રમી રહેલા યુવકનું હાર્ટ એટેકથી મોત, યુવાનની અણધારી વિદાયથી પરીવાર પર શોકની કાલીમા છવાઈ, જુઓ VIDEO
ભરત બારૈયા ક્રિકેટ રમી પોતાના ઘરે પરત ફરતા હતા તેમને તે સમયે રસ્તામાં જ હાર્ટ એટેક આવ્યું હતું. આથી સાથે રહેલા મિત્રોએ 108ને જાણ કરતા 108નીટીમ તાત્કાલીક દોડી આવી હતી.
રાજકોટમાં હૃદયરોગથી થતા મોતનું પ્રમાણ વધી રહ્યું છે. છેલ્લા એક મહિનામાં યુવાન વયે રમતાં રમતાં ત્રણ યુવાન હાર્ટ એટેકથી મૃત્યુ પામ્યા છે. ત્યારે વધુ એક યુવાનનું હાર્ટ એટેકથી મોત થયાની ઘટના સામે આવી છે. ડીસામા રહેતા ભરત બારૈયા રાજકોટમાં પિતરાઇ બહેનના દીકરાના લગ્નપ્રસંગ માટે આવ્યા હતા. વહેલી સવારે તે શાસ્ત્રી મેદાનમાં ક્રિકેટ રમવા ગયા હતા.
આ પણ વાંચો : Gujarati video: સિંગતેલના ભાવમાં ભડકો, બે દિવસમાં જ ડબ્બામાં રૂપિયા 150નો વધારો
ભરત બારૈયા ક્રિકેટ રમી પોતાના ઘરે પરત ફરતા હતા તેમને તે સમયે રસ્તામાં જ હાર્ટ એટેક આવ્યું હતું. આથી સાથે રહેલા મિત્રોએ 108ને જાણ કરતા 108નીટીમ તાત્કાલીક દોડી આવી હતી. પરંતુ ઇએમટીએ ભરતને મૃત જાહેર કર્યો હતો. મહત્વનું છે કે ભરત બારૈયાના ભાણેજનું રિસેપ્શન હતું. પરંતુ મામાની અણધારી વિદાયથી પરિવાર ઘેરા આઘાતમાં સરી પડ્યો છે.
બનાવની જાણ થતાં જ ભરતની પત્ની, સાસુ સહિતનાં પરિવારજનો હોસ્પિટલ પહોંચ્યાં હતાં. હોસ્પિટલમાં ભરતના મૃતદેહને ગળે વળગાડીને મહિલાઓએ હૈયાફાટ રુદન કર્યું હતું. હોસ્પિટલમાં પણ ગમગીની છવાઇ હતી.
થોડા દિવસો અગાઉ પણ રાજકોટમાં એક સાથે બે રમતવીરોના હાર્ટ એટેકથી મૃત્યુ થયાની ઘટના બની હતી. રાજકોટમાં ક્રિકેટ રમતી વખતે એક યુવકને હાર્ટ એટેક આવતા તેની જિંદગીની ઇનિંગ પૂરી થઇ ગઇ હતી. રવિ વેગડા નામનો યુવક રેસકોર્સમાં મિત્રો સાથે ક્રિકેટ રમવા આવ્યો હતો, પરંતુ ક્રિકેટ રમતી વખતે તેને અચાનક હાર્ટએટેક આવતા તેનું મોત નિપજ્યું હતું. આશાસ્પદ યુવકના મોતને કારણે પરિવારજનો અને મિત્રોમાં શોકનો માહોલ છવાયો હતો.
આ અગાઉ પણ રાજકોટમાં જ એક રમતવીરનું પણ હાર્ટ એટેકેથી મોત થયુ હતું. મારવાડી કોલેજમાં અભ્યાસ કરતા ઓરિસ્સાનો એક યુવક ફુટ બોલ રમી રહ્યો હતો તે સમયે તેને હાર્ટ એેટેક આવ્યો હતો. જે પછી 21 વર્ષના વિવેક કુમાર નામના વિદ્યાર્થીનું મોત નીપજ્યુ હતું.
