Morbi Breaking News: મોરબીમાં ખેડૂતોનું આંદોલન 17મા દિવસે પણ યથાવત, હકાભાના આરોપો પર નિલેશ એરવાડિયાએ આપ્યો વળતો જવાબ

મોરબી જિલ્લામાં વીજ ટાવર અને જમીન વળતર મુદ્દે ખેડૂતોનું આંદોલન 17મા દિવસે પણ યથાવત છે. સરકાર દ્વારા વળતરની જાહેરાત કરવામાં આવી હોવા છતાં ખેડૂતો તરફથી સ્પષ્ટ કહેવામાં આવ્યું છે કે સત્તાવાર પરિપત્ર જાહેર થયા બાદ જ આંદોલન સમાપ્ત કરવાની જાહેરાત કરવામાં આવશે.

આંદોલનને તોડવાના પ્રયાસો થઈ રહ્યા છે?

આ દરમિયાન આંદોલન સાથે જોડાયેલા હકાભાના આરોપો અંગે નિલેશ એરવાડિયાએ પોતાનો જવાબ આપ્યો છે. તેમણે કહ્યું કે આંદોલનને તોડવાના પ્રયાસો થઈ રહ્યા છે અને તેમને લોભ-લાલચ તેમજ ધમકીઓ આપવામાં આવી રહી છે. નિલેશ એરવાડિયાના જણાવ્યા અનુસાર, આવા આક્ષેપો સાબિત કરવું સરળ નથી અને કેટલાક લોકો ખેડૂતોની એકતા તોડવાનો પ્રયાસ કરી રહ્યા છે.

સત્તાવાર દસ્તાવેજ બહાર પડશે ત્યાર બાદ જ આગળની રણનીતિ નક્કી કરવામાં આવશે

ખેડૂતોનું કહેવું છે કે માત્ર મૌખિક જાહેરાતથી સંતોષ માનવો મુશ્કેલ છે. તેઓ સરકાર પાસેથી લેખિત પરિપત્ર અને અમલ અંગેની સ્પષ્ટતા માંગે છે. આંદોલનકારીઓનું માનવું છે કે સત્તાવાર દસ્તાવેજ બહાર પડશે ત્યાર બાદ જ આગળની રણનીતિ નક્કી કરવામાં આવશે.

કેટલાક દિવસોથી રાજ્યભરમાં ચર્ચાનું કેન્દ્ર બન્યું

મોરબીમાં ચાલી રહેલું આ આંદોલન છેલ્લા કેટલાક દિવસોથી રાજ્યભરમાં ચર્ચાનું કેન્દ્ર બન્યું છે. ખેડૂતો વળતર મુદ્દે સ્પષ્ટ અને અમલયોગ્ય નિર્ણયની રાહ જોઈ રહ્યા છે, જ્યારે બીજી તરફ સરકાર તરફથી પણ પરિસ્થિતિને શાંતિપૂર્ણ રીતે ઉકેલવાના પ્રયાસો ચાલી રહ્યા હોવાનું માનવામાં આવે છે.

Breaking News: ગુજરાતમાં મેઘરાજાની ધમાકેદાર એન્ટ્રી! 24 કલાકમાં 225 તાલુકામાં વરસાદ, માંગરોળમાં ખાબક્યો 22.6 ઇંચ