Weather: રાજ્યમાં કમોસમી વરસાદનું વધુ એક સંકટ, 2 થી 4 ડિસેમ્બર દરમિયાન ભારેથી અતિભારે વરસાદની આગાહી
Weather: રાજ્યમાં કમોસમી વરસાદનું વધુ એક સંકટ ઘેરાયું છે. તો 3 દિવસ ભારેથી અતિભારે વરસાદની આગાહી કરવામાં આવી છે. ચાલો જાણીએ વિગત.
Gujarat: રાજ્યમાં બે સપ્તાહના ગાળામાં જ કમોસમી વરસાદનું (Unseasonal Rain) વધુ એક સંકટ ઘેરાયું છે. સાયક્લોનિક સર્ક્યુલેશનને પગલે આગામી 2થી 4 ડિસેમ્બર દરમિયાન દક્ષિણ ગુજરાત, ઉત્તર ગુજરાત અને સૌરાષ્ટ્રમાં ભારેથી અતિભારે વરસાદની (Heavy Rain) આગાહી છે. હવામાન (Weather) વિભાગ પ્રમાણે, 2 ડિસેમ્બરે દાદરાનગર હવેલી, અમદાવાદ, આણંદ, ખેડા, પંચમહાલ, દાહોદ, સુરેન્દ્રનગર, રાજકોટ, પોરબંદર, જૂનાગઢ, ભાવનગર, અમરેલી, ગીરસોમનાથ અને દીવમાં 40થી 60 કિલોમીટરની ઝડપે પવન ફૂંકાશે.
આ ઉપરાંત હળવાથી મધ્યમ વરસાદની આગાહી છે. 3 અને 4 ડિસેમ્બરે કમોસમી વરસાદ કેર વર્તાવી શકે છે. 3 ડિસેમ્બરે આણંદ, ભરૂચ, નવસારી, વલસાડ, દમણ, અમરેલી, ભાવનગરમાં અતિભારે વરસાદ પડી શકે છે. જ્યારે પંચમહાલ, દાહોદ, છોડાઉદેપુર, સુરત અને બોટાદમાં ભારે વરસાદ પડી શકે છે.
તેવી જ રીતે 4 ડિસેમ્બરે બનાસકાંઠા, સાબરકાંઠા, અરવલ્લી, મહીસાગર, ડાંગ અને તાપીમાં ભારે અને મધ્યમ વરસાદ વરસી શકે છે. કમોસમી વરસાદના વધુ એક રાઉન્ડના કારણે ખેડૂતોના માથે ચિંતાના વાદળો ઘેરાયા છે. 1 ડિસેમ્બરથી જ રાજ્યના ઘણા વિસ્તારોમાં વારાવરણ પલટાવાનું શરૂ થઈ જશે.
આ પણ વાંચો: ગુજરાત ગ્રામ પંચાયતોની ચૂંટણીની પ્રક્રિયાના આજથી શ્રી ગણેશ, આ તારીખ સુધી ભરી શકાશે ફોર્મ, જાણો વિગત
સાંસદ ગેનીબેન ઠાકોરે ગળામાં બટાટાનો હાર પહેરી કલેક્ટર કચેરી પહોંચ્યા
મોદી સરકારે ગિફ્ટ સિટીથી શાહપુર સુધીના મેટ્રોના વિસ્તરણને આપી મંજૂરી
જામીન મળ્યા બાદ ભવનાથ પોલીસ સ્ટેશનમાં હાજર થઈ કીર્તિ પટેલ
કપાસ પકવતા ખેડૂતો માટે માઠા સમાચાર: CCI ખરીદી બંધ કરશે
