ખેડુતો માટે વરસાદ વરસે તો પણ તકલીફ અને ન વરસે તો પણ તકલીફ, સાબરકાંઠા વડાલીનાં ધરોઇ કાંઠા વિસ્તારમાં ભેજ ફુટી નિકળતા ખેતીમાં નુકશાન
સાબરકાંઠા જીલ્લામાં વરસાદ સો ટકાએ પહોંચવા પર છે આમ છેલ્લા કેટલાક વર્ષોની સરેરાશ મુજબ સારો વરસાદ વરસ્યો છે, તો બીજી તરફ વરસાદી માહોલ અને ધરોઇ જળાશય ભરાતા તેના કાંઠાના પ્રદેશની ખેતીને માઠી અસર પહોંચી છે. વિસ્તારના ખેડુતો ખેતરમાં ભેજ ફુટી નિકળતા ખેડુતોનો ઉભો પાક હવે સુકાવા લાગ્યો છે જો વરસાદ વધુ વરસે તો પણ સમસ્યા અને ના […]
https://tv9gujarati.in/kheduto-mate-var…-kheti-ma-nushan/
સાબરકાંઠા જીલ્લામાં વરસાદ સો ટકાએ પહોંચવા પર છે આમ છેલ્લા કેટલાક વર્ષોની સરેરાશ મુજબ સારો વરસાદ વરસ્યો છે, તો બીજી તરફ વરસાદી માહોલ અને ધરોઇ જળાશય ભરાતા તેના કાંઠાના પ્રદેશની ખેતીને માઠી અસર પહોંચી છે. વિસ્તારના ખેડુતો ખેતરમાં ભેજ ફુટી નિકળતા ખેડુતોનો ઉભો પાક હવે સુકાવા લાગ્યો છે
જો વરસાદ વધુ વરસે તો પણ સમસ્યા અને ના વરસે તો પણ સમસ્યા આવી તકલીફ વેઠી રહ્યા છે સાબરકાંઠા જીલ્લાના વડાલી તાલુકાના પશ્વિમી વિસ્તારના ખેડુતો. આ વિસ્તારના ખેડુતો ની મોટા ભાગની જમીન ધરોઇ જળાશયના ડાબા કાંઠાના ઉપરવાસના વિસ્તાર તરીકે માનવમાં આવે છે. આ વિસ્તારના ખેડુતોને ખેતી કરવી જાણે કે વરસાદી સિઝનમાં હાલ મુશ્કેલ થઇ પડી છે. ગત સપ્તાહ દરમ્યાન વરસેલા સતત વરસાદને લઇને વિસ્તારના ખેડુતો પરેશાન બન્યા છે. અહી જમીનમાં બેજનુ પ્રમાણ વધી જવાને લઇને વિસ્તારમાં તૈયાર થયેલો ઉભો પાક હવે સુકાવા લાગ્યો છે. આમ તો પાક સામાન્ય રીતે પાણી વિના સુકાતો હોય છે પરંતુ ઉલ્ટાનુ અહી તો પાણીનુ પ્રમાણ જ જમીનમાં વધી જવાથી પાકના મુળીયા કોહવાઇ જતા સુકાવા લાગ્યો છે. જેને લઇને વિસ્તારના સોયાબીન, તુવેર, મગફળી અને કપાસ અને શાકભાજીનુ ઉત્પાદન કરતા ખેડુતો માટે જાણે માથે આફત આવી છે
એક રીતે ખેડુતોના હિતમા વરસાદ વરસે તે માટે ખેડુતો સદાય પ્રાર્થના કરતા હોય છે. અને એટલે જ વડાલીના પશ્વીમ કાંઠાના ગામડાઓની નજીકમાં રહેલા ધરોઇ જળાશય તેની ૬૨૧ ફુટની સપાટી એ પહોંચ્યો છે પરંતુ તેને લઇને કાંઠા ના વિસ્તારના ગામડાઓને વરસાદ અને જળાશયના પાણીનો ભેજ બંને ભેગા થવાને લઇને વિસ્તારમાં ખેતીને અસર પહોંચી છે.
વિસ્તારના ખેડુતો પણ જોકે હવે પોતાને પાક ગુમાવવાને લઇને પરેશાન છે. વિસ્તારના નાદરી, ભંડવાલ, કુબાધરોલ અને કંપા તેમજ ધામડી સહીતના વિસ્તારના ગામડાઓના ખેડુતો પરેશાન બન્યા છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 6:10 am, Mon, 7 September 20
