સમગ્ર ગુજરાતમાં ખેડૂતોને થયેલા ભારે વરસાદથી નુકસાનનુ વળતર ચુકવવા માટેની માંગ ઉઠી છે. ત્યારે આજે કચ્છમાં કચ્છ ભારતીય કિસાન સંઘ દ્રારા તાત્કાલીક અતિવૃષ્ટી જાહેર કરી વળતર ચુકવવા માટેની માંગ સાથે આજે કચ્છ કલેક્ટર કચેરી ખાતે ધરણા કરી રામધુન બોલાવી કલેકટરને આવેદનપત્ર આપવામાં આવ્યુ હતુ. કચ્છમાં સિઝનનો કુલ 260 ટકા જેટલો વરસાદ પડ્યો છે ત્યારે કચ્છના તમામ તાલુકામાં ખેડૂતોને મોટો પાયે નુકસાન ગયુ છે. બાગાયતી પાકો હોય કે રોકડીયા પાકો તમામ ખેતરોમાં પાણી ભરાતા નિષ્ફળ ગયા છે. ત્યારે ખેડૂતો સર્વેની કામગીરી નહી પરંતુ તાત્કાલીક મુખ્યમંત્રી સહાય યોજનામાંથી સહાયનું ચુકવણુ કરવામાં આવે તેવી માંગણી કરી છે. કચ્છના અબડાસા, ભચાઉ, રાપર, નખત્રાણા, માંડવી,મુન્દ્રા તાલુકામાં ખેડૂતોને વધુ નુકસાન ગયુ છે ત્યારે સરકાર જો સહાય નહી ચુકવે તો આગામી દિવસોમાં ઉગ્ર લડત કચ્છના કિસાનો કરશે આજે કચ્છના તમામ તાલુકા મથકોમાંથી ખેડૂત પ્રતિનિધિઓ ભુજ આવ્યા હતા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 2:28 pm, Thu, 3 September 20