KUTCH : મારું ગામ, મારી પંચાયતમાં આજે આપણે વાત કરવાના છીએ એ ગામની જ્યાં લગાન અને મોહે-જો-દડો જેવા ફિલ્મનું શૂટિંગ થયું છે. આ ગામ છે કચ્છ જિલ્લાના ભુજ તાલુકાનું કુનારિયા. ગામના સરપંચે દાવો કર્યો છે કે, કુનારિયા ગામમાં છેલ્લા પાંચ વર્ષમાં અનેક એવા કામ થયા જે જેની નોંધ ગાંધીનગરથી દિલ્હી સુધી લેવાઈ છે. તો ગામલોકો પણ માની રહ્યા છે કે કુનારિયાની કાયાપલટ થઈ છે.
કુનારિયા ગામમાં 3 કરોડના મનરેગાના કામ થયા છે. મહિલાઓને રોજગારી મળે તે માટે સિઝનલ સ્ટોર શરૂ કરવામાં આવ્યાં છે. બેટી પઢાવો બેટી બચાવો અભિયાન અંતર્ગત પણ વિવિધ કામો થયા છે. કુનારિયા ગામની સરકારી સ્કૂલનુ માળખું બદલાતા વાલીઓ ખાનગીથી સરકારી સ્કૂલ તરફ વળ્યા છે. આદર્શ ગામ તરીકે કુનારિયા ગામની ઓળખ ઉભી થઇ છે.
ગામમાં પર્યાવરણ જાગૃતિ સાથે વૃક્ષોનો ઉછેર કરવામાં આવે છે, તો મનરેગા હેઠળ દરેકને રોજગારીનો દાવો કરવામાં પણ આવે છે. બાલિકા પંચાયતથી બાળકોને પંચાયતી રાજનું જ્ઞાન અપાયું છે. સરકારની દરેક યોજનાના સંપૂર્ણ લાભ સાથે કુનારિયા ગામમાં દરેક ઘરમાં પાણી પહોચાડવામાં આવ્યું છે.ગામમાં રસ્તા, સ્કૂલ તથા લાઈબ્રેરીની સુવિધા ઉભી કરવામાં આવી છે. તો કોરોના રસીકરણ અભિયાનમાં કુનારિયા ગામમાં 100 ટકા રસીકરણ થયું છે.
આ પણ વાંચો : પાટણમાં ખાતરની અછતના પગલે ખેડૂતો પરેશાન, ઝડપથી ખાતર પહોંચાડવા માંગ
આ પણ વાંચો : ગુજરાતમાં વાપી નગરપાલિકા ચૂંટણી માટે મતદાન શરૂ, 43 બેઠક માટે 109 ઉમેદવારો મેદાનમાં