આરોગ્ય ક્ષેત્રે ગુજરત સરકારનો મહત્વનો નિર્ણય, સૌરાષ્ટ્રની સૌથી મોટી સરકારી હોસ્પિટલનું કરોડોના ખર્ચે થશે નવીનીકરણ
સૌરાષ્ટ્રની સૌથી મોટી ગુરૂ ગોવિંદસિંહજી સરકારી હોસ્પીટલને નવીનીકરણ કરાશે. વર્ષો જુની ઈમારત પાડીને અંદાજેે રૂ. 550 કરોડથી વધુનો ખર્ચ કરીને નવી હોસ્પીટલ તૈયાર કરાશે. તબક્કાવાર વિભાગને પાડીને નવા બનાવાશે. સૌરાષ્ટ્રભરના દર્દીઓ માટે સવલતોમાં થશે વધારો. ગુજરાત સરકારનો આ એક મહાત્વનો નિર્ણય સાબિત થાય છે.
જીજી હોસ્પીટલના વિવિધ વિભાગોને તબકકાવાર પાડીને ત્યાં નવી બીલ્ડીંગ બનાવશે. હાલ હોસ્પીટલની સાથે હોસ્ટેલ બનાવવાની કામગીરી ચાલુ છે. ટુંક સમયમાં બાળકોની હોસ્પીટલનો વિભાગની બીલ્ડીંગ પાડીને ત્યાં નવી બીલ્ડીંગ બનશે. રાજયસરકાર દ્રારા જામનગરની સરકારી હોસ્પીટલને નવીનીકરણ કરીને દર્દીઓની સવલતોમાં વધારો કરાશે.
જીજી હોસ્પીટલમાં છેલ્લા દોઢ વર્ષથી MRI મશીન ન હતુ. થોડા સમય પહેલા રાજય સરકાર દ્રારા 11 કરોડનુ આધુનિક MRI મશીન મુકવામાં આવ્યુ. તો લાંબા સમયથી ન્યુરો સર્જન તબીબ ના હોવાથી અન્ય શહેર કે ખાનગી હોસ્પીટલમાં દર્દીઓને જવુ પડતુ ખાસ ઈમરન્જસી વખતે દર્દીઓને મુશકેલી થતી. જે દુર થાય તે માટે ધારાસભ્ય દિવ્યેેશ અકબરી દ્રારા રાજય સરકારમાં રજુઆત કરાતા આ માટે રાજયસરકાર દ્રારા જીજી હોસ્પીટલમાં ન્યુરો સર્જન મુકીને તે દર્દીઓને સવલતો વધારી.
550 કરોડના ખર્ચે નવી હોસ્પીટલ બનાવવાની મંજુરી આપી. તબક્કાવાર તેનુ કામ શરૂ કરાયુ. હોસ્પીટલમાં પ્રથમમાં મેઈન બીલ્ડીંગની પાછળ આવેલી બાળકોની હોસ્પીટલ, પ્રસુતા વિભાગની બીલ્ડીંગ પાડીને નવી બનશે. બાદ અન્ય ભાગમાં કામગીરી કરાશે. લાલ બીલ્ડીંગથી ઓળખાતી ઈમારતને પ્રથમ તબકકામાં સમાવેશ કરાયો છે. જે માટે ટુંક સમયમાં ટેન્ડરની પ્રક્રિયા કરાશે. અને ટુંક સમયમાં તે માટેની કામગીરી શરૂ કરાશે.
Published On - 11:03 pm, Wed, 29 November 23
