આગામી લોકસભા ચૂંટણીને ધ્યાનમાં રાખીને વડાપ્રધાન નરેન્દ્ર મોદી સોમવારે શિવમોગામાં જાહેર સભાને સંબોધશે. વડાપ્રધાન મોદીએ શનિવારે કર્ણાટકમાં ભાજપના લોકસભા ચૂંટણી પ્રચારની શરૂઆત કોંગ્રેસ અધ્યક્ષ મલ્લિકાર્જુન ખડગેના ગઢ ગણાતા કલાબુર્ગીમાં જાહેર સભા સાથે કરી હતી. લોકસભા ચૂંટણી માટે કર્ણાટકમાં બીજી જાહેર સભા બીજેપી નેતા બીએસ યેદિયુરપ્પાના ગૃહ જિલ્લામાં યોજાશે. યેદિયુરપ્પાના મોટા પુત્ર બીવાય રાઘવેન્દ્ર શિમોગા લોકસભા મતવિસ્તારથી ભાજપના ઉમેદવાર છે.
સુપ્રીમ કોર્ટે ઈલેક્ટોરલ બોન્ડની સંખ્યા અંગે SBI પાસેથી 18 માર્ચ સુધીમાં જવાબ માંગ્યો છે. આરજેડી નેતા અને બિહારના પૂર્વ ડેપ્યુટી સીએમ તેજસ્વી યાદવ અને કોંગ્રેસ અધ્યક્ષ મલ્લિકાર્જુન ખડગે વચ્ચે મુલાકાત થઈ શકે છે. બિહારની સીટો પર આજે મહોર લાગી શકે છે. બીજી તરફ મુખ્યમંત્રી નીતિશ કુમાર પણ દિલ્હી પહોંચીને સીટ વહેંચણીને લઈને બીજેપી હાઈકમાન્ડ સાથે બેઠક કરશે. નીતિશ કુમાર 21 માર્ચ સુધી દિલ્હીમાં રહેશે. દેશ અને દુનિયા સાથે જોડાયેલા દરેક મોટા સમાચાર માટે TV9 સાથે રહો…
ભાવનગરમાં આવેલા મહુવાના બગદાણા- કોટિયા રોડની સ્થિતિને લઈને ગામલોકોમાં ભારે રોષની સ્થિતિ છે. અત્યંત બિસ્માર રસ્તાને લઈને ગામલોકોને પારાવાર હાલાકી સહન કરવી પડે છે. જિલ્લા પંચાયતના રોડ વિભાગની બેદરકારીના પાપે ગામલોકો છેલ્લા બે વર્ષથી મુશ્કેલી સહન કરી રહ્યા છે.
લોકસભા ચૂંટણી પહેલા ગીરસોમનાથનુ જિલ્લા તંત્ર એલર્ટ મોડમાં મૂકાયુ છે. કલેક્ટર કચેરી ખાતે મીડિયા કંટ્રોલ રૂમ અને જિલ્લા કંટ્રોલ રૂમ સાથે સી-વિજિલ કામગીરી માટે કંટ્રોલરૂમ કાર્યરત કરવામાં આવ્યા છે.
સંરક્ષણ પ્રધાન રાજનાથ સિંહે યુએસ સંરક્ષણ સચિવ લોયડ ઓસ્ટિન સાથે ટેલિફોન પર વાત કરી અને દ્વિપક્ષીય, પ્રાદેશિક સુરક્ષા અને સંરક્ષણ સહયોગના મુદ્દાઓ પર ટૂંકમાં ચર્ચા કરી. રક્ષા મંત્રીએ ખુદ ટ્વીટ કરીને આ જાણકારી આપી છે.
જામનગરના જાણીતા ઉદ્યોગપતિ પાસેથી ફિલ્મ દિગ્દર્શક રાજકુમાર સંતોષીએ 1 કરોડથી વધુની રકમ ઉછીની લીધી હતી. જેના બદલામાં ઉદ્યોગપતિને ચેક આપ્યા હતા. જે ચેક રિટર્ન થતાં ઉદ્યોગપતિએ જામનગરની કોર્ટમાં ચેક રિટર્નનો કેસ દાખલ કર્યો હતો.
પંચમહાલમાં પાર્સલના નામે ટ્રકમાં દારૂની હેરાફેરી થતી હોવાની ઘટના સામે આવી છે. વડોદરા-ગોધરા હાઈવે નજીક ટ્રક પર ડાક પાર્સલ અને એર કુરિયરનું લખાણ લખી દારૂની હેરાફેરી કરવામાં આવતી હતી. સ્ટેટ મોનિટરિંગ સેલની ટીમે દારૂ ભરેલો ટ્રક ઝડપી પાડી રૂપિયા 23 લાખનો મુદ્દામાલ જપ્ત કર્યો હતો.
ગૃહ વિભાગનો ચાર્જ એકે રાકેશને સોંપાયો છે. મહત્વનું છે કે, કેન્દ્રીય ચૂંટણી પંચ દ્વારા છ રાજ્યોના ગૃહ સચિવ પાસેથી ચાર્જ લેવાયા છે. ગુજરાત, ઉત્તર પ્રદેશ , બિહાર ઉત્તરાખંડ હિમાચલ પ્રદેશ તથા ઝારખંડના ગૃહ સચિવનો હવાલો લેવાયો હતો.
વર્ષ 2019માં આઝમ ખાન વિરુદ્ધ કુલ 84 કેસ નોંધાયા હતા. જેમાંથી મોટા ભાગના કેસ કોર્ટમાં હાલમાં પેન્ડિંગ છે. અત્યાર સુધીમાં કુલ 5 કેસમાં ચુકાદો આવી ચૂક્યો છે. જેમાંથી ત્રણ કેસમાં આઝમખાનને દોષિત ઠેરવવામાં આવ્યો હતો. જ્યારે બે કેસમાં આઝમ ખાનને નિર્દોષ જાહેર કરવામાં આવ્યો હતો.
કર્ણાટકના શિવમોગામાં રેલીને સંબોધિત કર્યા બાદ વડાપ્રધાન નરેન્દ્ર મોદી હવે તમિલનાડુ પહોંચી ગયા છે. જ્યાં તેઓ કોઈમ્બતુરમાં રોડ શો કરી રહ્યા છે. પીએમ મોદીનો આ રોડ શો કેટલાય કિલોમીટર લાંબો છે.
પોતાના ધારદાર નિવેદનોથી જાણીતી કાજલ હિન્દુસ્થાની ફરી એકવાર વિવાદમાં આવ્યા છે. જો કે આ વખતે પટેલ સમાજની દીકરીઓ પર કરેલું નિવેદન વિવાદનું કારણ બન્યું છે. કાજલ હિન્દુસ્તાનીએ Tv9 સાથેની Exclusive વાતચીત દરમિયાન આ વિવાદ પર સ્પષ્ટતા કરી છે.
અમદાવાદમાં ગુજરાત યુનિવર્સિટીમાં નમાઝ મામલે થયેલી બબાલ બાદ હવે પોલીસે તપાસનો ધમધમાટ તેજ કર્યો છે. આ ઘટનામાં મારામારી કરનારા 25 લોકો સામે ફરિયાદ નોંધવામાં આવી છ. જેમાંથી 5 લોકોની ધરપકડ કરી લેવામાં આવી છે. ઝડપાયેલા 5 આરોપીઓ વિશ્વ હિંદુ પરિષદના હોદ્દેદારો હોવાનો ખૂલાસો થયો છ. અન્ય આરોપીઓની શોધખોળ ચાલી રહી છે.
ડિમોલીશનની આ કામગીરી 3 દિવસ સુધી ચાલવાનું અનુમાન છે. ત્રણ દિવસ ચાલનારી કાર્યવાહીમાં કુલ 10 જેટલી ગેરકાયદે જગ્યાઓ પર બુલડોઝર ફેરવવામાં આવશે. લગભગ 2 લાખ ફૂટથી વધુ જગ્યા પરથી દબાણ દૂર કરવામાં આવશે. એટલે કે અંદાજીત 15 કરોડની કિંમતની જમીન દબાણ મુક્ત થશે.
પાટીદાર સમાજની દીકરીઓ વિશે વિવાદિત નિવેદન કરનાર કાજલ હિન્દુસ્થાની સામે SPGએ વિરોધ નોંધાવ્યો છે. લાલજી પટેલે કહ્યું કે સમગ્ર પાટીદાર સમાજ કાજલ હિન્દુસ્થાનીના નિવેદનની ટિકા કરે છે અને આગામી સમયમાં જ્યાં પણ કાજલબેનનો કાર્યક્રમ હશે ત્યાં વિરોધ કરવામાં આવશે
કેન્દ્રીય ચૂંટણી પંચ દ્વારા છ રાજ્યોના ગૃહ સચિવ પાસેથી ચાર્જ લેવાયા છે. ગુજરાત ઉત્તર પ્રદેશ , બિહાર ઉત્તરાખંડ હિમાચલ પ્રદેશ તથા ઝારખંડના ગૃહ સચિવ નો હવાલો લેવાયો. ચૂંટણી પહેલા ગુજરાતમાં સરકાર આઇપીએસની બદલી કરવામાં નિષ્ફળ
હવે કેન્દ્રીય ચૂંટણી પંચ કરશે બદલીના આદેશ. બદલી પહેલા ગૃહ વિભાગ નો ચાર્જ પાછો ખેંચાયો
દિલ્હી એક્સાઇઝ પોલિસી કેસની તપાસ કરી રહેલી CBIએ પૂર્વ ડેપ્યુટી સીએમ અને AAP નેતા મનીષ સિસોદિયાના જામીનનો વિરોધ કર્યો છે. સીબીઆઈએ કોર્ટમાં કહ્યું છે કે આ કેસમાં કેટલાક હાઈપ્રોફાઈલ લોકોની ધરપકડ થઈ શકે છે. સીબીઆઈએ કહ્યું કે કેસની તપાસ ચાલી રહી છે અને જો જામીન આપવામાં આવે તો આરોપી તેમાં અવરોધ બની શકે છે.
નેશનલ કોન્ફરન્સના નેતા ઓમર અબ્દુલ્લાએ કહ્યું કે અમે ઈચ્છતા હતા કે બંને ચૂંટણી એકસાથે થાય, પરંતુ તેમ થયું નહીં. અહીંની વર્તમાન સરકારે આમાં દખલગીરી કરી છે. તેઓ નથી ઈચ્છતા કે સત્તા લોકોના હાથમાં આવે. મુગટ વિનાનો રાજા બેઠો છે. સુપ્રીમ કોર્ટના આદેશ અનુસાર તેમને 30 સપ્ટેમ્બર પહેલા અહીં ચૂંટણી કરાવવાની રહેશે.
ચૂંટણી પંચે પશ્ચિમ બંગાળના ડીજીપી રાજીવ કુમારને હટાવી દીધા છે. પંચે ગુજરાત, ઉત્તર પ્રદેશ, બિહાર, ઝારખંડ, હિમાચલ પ્રદેશ અને ઉત્તરાખંડ એમ છ રાજ્યોમાં ગૃહ સચિવને હટાવવાનો આદેશ જારી કર્યો છે.
કોલકાતાના મેટિયાબ્રુઝમાં બાંધકામ હેઠળની પાંચ માળની ઈમારત તૂટી પડતાં બે લોકોનાં મોત થયાં હતાં અને લગભગ 13 લોકોને કાટમાળમાંથી બચાવી લેવાયા હતા. આ દરમિયાન ભાજપના નેતાએ દાવો કર્યો છે કે બચાવ કામગીરીમાં વિલંબ થઈ રહ્યો છે.
અમદાવાદ જિલ્લાના ધોળકામાં ધોરણ-12ની બોર્ડની પરીક્ષા આપવા આવેલો ડમી વિદ્યાર્થી ઝડપાઇ ગયો છે. ધોળકાની જ્ઞાનદીપ વિદ્યાલયમાં આ વિદ્યાર્થી તત્વજ્ઞાનનું પેપર આપવા આવ્યો હતો.જો કે મૂળ વિદ્યાર્થીના સ્થાને ડમી પરીક્ષા આપે તે પહેલા ઝડપી લેવાયો છે.
અત્યારે ધોરણ 10 અને 12ની બોર્ડની પરીક્ષા ચાલી રહી છે, ત્યારે ધોળકામાં જ્ઞાનદીપ વિદ્યાલયમાં ધોરણ-12ની પરીક્ષા આપવા આવેલો એક ડમી વિદ્યાર્થી ઝડપાયો છે. જ્ઞાનદીપ વિદ્યાલયમાં પરીક્ષા આપવા માટે વિદ્યાર્થી પહોંચે તે પહેલા જ વિદ્યાર્થી પકડાઇ ગયો હતો. મૂળ વિદ્યાર્થી ધોળકાના રૂપગઢ ગામનો હર્ષદ ચૌહાણ હતો, તેના બદલામાં અરણેજ ગામનો મેહુલ ચાવડા નામનો વિદ્યાર્થી પરીક્ષા આપવા આવ્યો હતો.
પીએમ મોદી દક્ષિણમાં તેલંગાણાના જગતિયાલના પ્રવાસ પર છે, આ દરમિયાન તેમણે કહ્યું છે કે કોંગ્રેસે તેલંગણાને તેનું એટીએમ રાજ્ય બનાવી દીધું છે. અહીંથી લૂંટવામાં આવેલા પૈસાનો ઉપયોગ જુઠ્ઠાણા અને ષડયંત્ર માટે કરવામાં આવી રહ્યો છે.
તેલંગાણાના રાજ્યપાલ તમિલિસાઈ સુંદરરાજને રાજીનામું આપી દીધું છે. તે લોકસભાની ચૂંટણી લડી શકે છે. ગત વખતે ભાજપે તેમને કનિમોઝી સામે મેદાનમાં ઉતાર્યા હતા.
વડોદરામાં નેશનલ હાઇવે પર બસમાં શોર્ટ સર્કિટ થયાની ઘટના સામે આવી છે. શોર્ટ સર્કિટના કારણે બસમાં આગ લાગી ગઇ હતી. જોત જોતામાં આગે વિકરાળ સ્વરુપ ધારણ કરી લીધુ હતુ, જો કે આગ લાગી તે સમયે બસમાં 20 મુસાફર સવાર હતા. સદનસીબે આ તમામ લોકોનો બચાવ થયો છે.
મની લોન્ડરિંગ કેસમાં સુપ્રીમ કોર્ટે આમ આદમી પાર્ટીના નેતા અને દિલ્હીના પૂર્વ મંત્રી સત્યેન્દ્ર જૈનની જામીન અરજી ફગાવી દીધી હતી અને તેમને તાત્કાલિક જેલમાં જવાનો આદેશ આપ્યો હતો.
દિલ્હીના મુખ્યમંત્રી અરવિંદ કેજરીવાલ આજે પણ ED સમક્ષ હાજર નહીં થાય. EDએ તેમને દિલ્હી જલ બોર્ડ કેસમાં સમન્સ મોકલ્યા હતા. APPનું કહેવું છે કે જ્યારે કોર્ટે જામીન મંજૂર કર્યા છે તો પછી ED શા માટે વારંવાર સમન્સ મોકલી રહી છે. ED સમન્સ ગેરકાયદેસર છે.
પશ્ચિમ બંગાળના દક્ષિણ કોલકાતાના મેટિયાબ્રુઝમાં નિર્માણાધીન 5 માળની ઇમારત ધરાશાયી થયા બાદ બચાવ કાર્ય ચાલુ છે. હાલ મળતી માહિતી મુજબ કાટમાળ નીચે 7 લોકો ફસાયા છે. દરમિયાન, પશ્ચિમ બંગાળના અગ્નિશમન અને કટોકટી સેવા મંત્રી સુજીત બોઝે જણાવ્યું હતું કે, “એક ઈમારત ધરાશાયી થઈ છે, બચાવ કામગીરીના ભાગરૂપે 13 લોકોને હમણાં જ બહાર કાઢવામાં આવ્યા છે. કાટમાળ નીચે હજુ વધુ લોકો ફસાયા હોવાની આશંકા છે.
અજમેરના મદાર સ્ટેશન પાસે એક મોટો ટ્રેન અકસ્માત થયો છે, જેમાં એક જ ટ્રેક પર માલસામાન ટ્રેન અને ટ્રેન નંબર 12548 સાબરમતી-આગ્રા કેન્ટ સુપરફાસ્ટ ટ્રેન વચ્ચે જોરદાર ટક્કર થઈ હતી. દુર્ઘટના સમયે ટ્રેનમાં મોટી સંખ્યામાં લોકો હાજર હતા, પરંતુ રિપોર્ટ અનુસાર, કોઈને ઈજા થઈ નથી. અકસ્માતમાં સુપરફાસ્ટ ટ્રેનના 4 ડબ્બા પાટા પરથી ઉતરી ગયા હતા.
આજે એટલે કે 18 માર્ચે PM નરેન્દ્ર મોદી દક્ષિણના ત્રણ રાજ્યો તેલંગાણા, કર્ણાટક અને તમિલનાડુની મુલાકાત લેશે. તમિલનાડુના કોઈમ્બતુરમાં યોજાનાર રોડ શો માટે રાજ્ય સરકારે મંજૂરી આપી ન હતી, પરંતુ કોર્ટમાંથી મંજૂરી મળી ગઈ છે. પીએમ મોદી તેલંગાણાના જગતિયાલ અને કર્ણાટકના શિવમોગ્ગામાં રેલી કરશે અને તમિલનાડુના કોઈમ્બતુરમાં રોડ શો કરશે.
સાબરમતી એક્સપ્રેસ ઉભી રહેલી માલસામાન ટ્રેન સાથે અથડાઈ છે, એન્જિન સહિત 4 ડબ્બા પાટા પરથી ઉતર્યા.
રશિયામાં વ્લાદિમીર પુતિનની સરકાર અકબંધ રહેશે, તેણે 87.97 ટકા મતો સાથે રાષ્ટ્રપતિની ચૂંટણી જીતી.
Russia releases early returns showing that Vladimir Putin has nearly 88% of the votes in an election where he stifled the opposition, reports The Associated Press (AP).
— ANI (@ANI) March 17, 2024
Published On - 6:27 am, Mon, 18 March 24