Gujarat Board GSEB Result 2022 Highlights: ધોરણ 12 સામાન્ય પ્રવાહનું 86.91 ટકા પરિણામ જાહેર, વડોદરા જિલ્લાનું સૌથી ઓછુ 76.49 ટકા પરિણામ

Gujarat Board GSEB Result 2022 Live: છોકરાઓ કરતાં છોકરીઓનું પરિણામ પાંચ ટકા વધુ આવ્યુ છે. રાજકોટની હર્ષિતા કીડી 99.99 PR સાથે ગુજરાત બોર્ડમાં ટોપર બની છે. કારખાનામાં મજૂરી કરતા પિતાની દીકરી બોર્ડમાં ફર્સ્ટ આવતા પરિવારમાં ખુશીનો માહોલ છવાયો છે. હર્ષિતાએ પરિણામનો શ્રેય પરિવારને આપ્યો છે.

Gujarat Board GSEB Result 2022 Live: રાજકોટ જિલ્લાનું 88.72 ટકા પરિણામ આવ્યું છે. રાજકોટ જિલ્લામાં સૌથી વધુ 99.34 ટકા વાંગધ્રા કેન્દ્રનું અને સૌથી ઓછું રાજકોટ સેન્ટ્રલ જેલનું 0 ટકા પરિણામ છે.. રાજકોટ સેન્ટ્રલ જેલમાં એક કેદીએ પરીક્ષા આપી હતી અને તે પણ ફેલ થતા શૂન્ય પરિણામ આવ્યું છે.રાજકોટ જિલ્લામાં A1 ગ્રેડમાં 402 વિદ્યાર્થીઓ, A2 ગ્રેડમાં 2 હજાર 558 વિદ્યાર્થીઓ, B1 ગ્રેડમાં 4 હજાર 166 વિદ્યાર્થીઓ, B2માં 4 હજાર 876 વિદ્યાર્થીઓ, C1 ગ્રેડમાં 3 હજાર 811 વિદ્યાર્થીઓ, C2 ગ્રેડમાં 1 હજાર 562 વિદ્યાર્થીઓ D1 ગ્રેડમાં 12 વિદ્યાર્થીઓ અને E1 ગ્રેડમાં 3 વિદ્યાર્થીનો સમાવેશ થાય છે.

Gujarat Board GSEB Result 2022 Live: ધોરણ -12 સામાન્ય પ્રવાહમાં ગુજરાતી વિષયનું 99.18 ટકા પરિણામ જાહેર થયુ છે. અંગ્રેજી પ્રથમ ભાષા વિષયનું 98.78, હીન્દી વિષયનું 99.28, અંગ્રેજી ગૌણ ભાષાનું 97.16 ટકા પરિણામ જાહેર થયુ છે. અર્થશાસ્ત્રમાં 97.23, વાણિજ્ય વ્યવસ્થામાં 97.07, સંસ્કૃતમાં 98.40, આંકડાશાસ્ત્ર વિષયમાં 90.20, તત્વજ્ઞાન વિષયમાં 94.94, સમાજશાસ્ત્રમાં 99.04, મનોવિજ્ઞાનમાં 98.48, ભૂગોળમાં 99.09, નામના મૂળતત્વો (અકાઉન્ટ) વિષયમાં 93.33 ટકા પરિણામ જાહેર થયુ છે. તો કમ્પ્યુટર વિષયમાં 85.72 ટકા પરિણામ જાહેર થયુ છે.

Gujarat Board GSEB Result 2022 Live: આ વર્ષે ગુજરાતમાં જુદી જુદી જેલમાં કેદીઓ માટે પરીક્ષા કેન્દ્રની વ્યવસ્થા કરવામાં આવી હતી. કેદીઓ પણ તેમનું ભવિષ્ય ઉજ્જવળ બનાવી શકે તે માટે બોર્ડ દ્વારા પ્રયાસ કરવામાં આવ્યો છે. ત્યારે ગુજરાતભરની જેલમાંથી કુલ 50 કેદીઓએ પરીક્ષા આપી હતી. જેમાંથી 29 ઉમેદવાર સફળ થયા છે.

Gujarat Board GSEB Result 2022 Live: ધોરણ-12 સામાન્ય પ્રવાહમાં રાજકોટનો સ્મિત નામનો વિદ્યાર્થી ત્રીજા ક્રમે આવ્યો છે. રાજકોટમાં સ્મિતની  શાળા દ્વારા તેનું સન્માન કરવામાં આાવ્યુ હતુ. સ્મિતની સાથે તેની માતાના ચહેરા પર ખુશીનો માહોલ જોવા મળી રહ્યો છે.  સ્મિતની સહપાઠીઓ દ્વારા પણ સ્મિતને અભિનંદન આપવામાં આવ્યા હતા.

Gujarat Board GSEB Result 2022 Live: શિક્ષણ પ્રધાન જીતુભાઇ વાઘાણીએ  ધોરણ-12 સામાન્ય પ્રવાહમાં પાસ થનારા વિદ્યાર્થીઓને ટ્વીટ કરીને અભિનંદન પાઠવ્યા છે. સાથે જ તેમના ઉજ્જવળ ભવિષ્ય માટે શુભકામનાઓ પાઠવી છે.

Gujarat Board GSEB Result 2022 Live: સામાન્ય પ્રવાહમાં 2544 ગેરરીતિના કેસ નોંધાયા છે. બીજી તરફ 2092 વિદ્યાર્થીઓએ A1 ગ્રેડ મેળવ્યો છે. તો 25215 વિદ્યાર્થીઓને A2 ગ્રેડ મેળવ્યો છે. 62734 વિદ્યાર્થીઓને B1 ગ્રેડ, 84629 વિદ્યાર્થીઓને B2 ગ્રેડ, 76449 વિદ્યાર્થીઓને C1 ગ્રેડ મેળવ્યો છે.

Gujarat Board GSEB Result 2022 Live: ધોરણ 12 સામાન્ય પ્રવાહના પરિણામમાં ગુજરાતી માધ્યમનું 87.22 ટકા પરિણામ, જ્યારે અંગ્રેજી માધ્મમનું 86.85 ટકા પરિણામ જાહેર થયુ છે.  3610 વિદ્યાર્થીઓએ 99થી વધુ પર્સેન્ટાઈલ મેળવ્યા છે.

Gujarat Board GSEB Result 2022 Live: રીપીટર ઉમેદવારોનું 45.45 ટકા પરિણામ જાહેર થયુ છે. 30014 રીપીટર વિદ્યાર્થીઓ માંથી 13641 વિદ્યાર્થીઓ પાસ થયા છે.

Gujarat Board GSEB Result 2022 Live: 1064 શાળાઓનું 100 ટકા પરિણામ જાહેર થયુ છે. સુબીર, છાપી, અલારસા કેન્દ્રનું પરિણામ 100 ટકા જાહેર થયુ છે. વિદ્યાર્થીઓનું 84.67 ટકા અને વિદ્યાર્થીનીઓનું 89.23 ટકા પરિણામ જાહેર થયુ છે.

Gujarat Board GSEB Result 2022 Live: ડાંગ જિલ્લાનું સૌથી વધુ 95. 41 ટકા પરિણામ જાહેર થયુ છે. તો અમદાવાદ શહેરનું 79.87 ટકા પરિણામ જાહેર. જામનગર જિલ્લાનું 89.39 ટકા પરિણામ જાહેર. વડોદરા જિલ્લાનું સૌથી ઓછુ 76.49 ટકા પરિણામ જાહેર થયુ છે. ડભોઇ કેન્દ્રનું સૌથી ઓછુ 56.43 ટકા પરિણામ છે. માત્ર એક જ શાળાનું 10 ટકાથી ઓછું પરિણામ છે.

Gujarat Board GSEB Result 2022 Live: સુરતમાં પરિણામ જાહેર થયા બાદ વિદ્યાર્થિનીઓમાં ખુશીનો માહોલ જોવા મળી રહ્યો છે. વાલીઓએ પણ પરિણામ જાહેર થયા બાદ મીઠાઇ ખવડાવીને ખુશી વ્યક્ત કરી હતી.

Gujarat Board GSEB Result 2022 Live:  ધોરણ 12 સામાન્ય પ્રવાહમાં 4 લાખ 25 હજાર 834 વિદ્યાર્થીઓએ પરીક્ષા આપી છે. 28 માર્ચના રોજ ધોરણ 10 અને 12ની બોર્ડની પરીક્ષાનું આયોજન કરવામાં આવ્યું હતું. દર વર્ષની જેમ બોર્ડની વેબસાઈટ પર પરિણામ જાહેર થયુ છે.