દેવભૂમિદ્વારકાના કલ્યાણપુરના જામરાવલ ગામે ખેતરોમાં 5 ફૂટ પાણી ભરાઈ ગયા,કિસાન કોંગ્રેસે પાણીથી લબાલબ ખેતરોમાં તરણ સ્પર્ધા યોજીને વિરોધ વ્યક્ત કર્યો, મુખ્યમંત્રી કિસાન સહાય યોજનાને લોલીપોપ ગણાવી

મેઘરાજા શાંત થતા જ હવે વિરોધનો વંટોળ શરૂ થઈ ગયો છે. દેવભૂમિદ્વારકાના કલ્યાણપુરના જામરાવલ ગામે ખેતરોમાં 5 ફૂટ પાણી ભરાઈ ગયા છે જ્યાં કિસાન કોંગ્રેસે અનોખું વિરોધ પ્રદર્શન યોજ્યું છે. કિસાન કોંગ્રેસે પાણીથી લબાલબ ખેતરોમાં તરણ સ્પર્ધા યોજીને વિરોધ વ્યક્ત કર્યો છે. કોંગ્રેસનો આક્ષેપ છે કે સાની ડેમના દરવાજા તોડી નાખવાના કારણે અને વર્તુ ડેમના 20 દરવાજા એક સાથે 6 ફૂટ ખોલવાના કારણે ખેડૂતોને મુશ્કેલીનો સામનો કરવો પડી રહ્યો છે. કિસાન કોંગ્રેસનો આક્ષેપ છે કે રાવલમાં થયેલી તારાજી માનવ સર્જિત છે. તંત્રની બેદરકારીના કારણે રાવલના લોકો તારાજીનો ભોગ બન્યા છે. કિસાન કોંગ્રેસે મુખ્યમંત્રી કિસાન સહાય યોજનાને લોલીપોપ ગણાવીને ખેડૂતોને તાત્કાલીક સહાય ચૂકવવાની માંગ કરી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો