ગુજરાતના(Gujarat) સરહદી જિલ્લામાં અન્ય રાજ્યો માંથી આવતા વાહનોથી થતી ગેરકાયદે સામાનની હેરાફેરીને રોકવા માટે સરકાર સજ્જ બની છે. જેમાં દાહોદ(Dahod)જિલ્લો મધ્ય પ્રદેશ અને રાજસ્થાન બંને રાજ્યને જોડે છે . તેમજ આ રાજ્યોમાંથી આવતી અને રાજ્યમાંથી જતાં વાહનો પર નજર રાખી શકાય તે માટે દાહોદ જિલ્લા પોલીસ તંત્રને અત્યાધુનિક ટેક્નોલોજીથી સજ્જ 2 વાન(Interceptor Van) ફાળવવામાં આવી છે.
જેમાં હવે ફૂલ સ્પિડમાં દોડતા વાહનોને પોલીસ રોક્યા વગર જ ઈ-મેમો ફટકારી દંડ કરી શકશે.રાજ્યના સરહદી જિલ્લા દાહોદમાં પોલીસ વિભાગને અત્યાધુનિક ટેક્નોલોજીથી સજ્જ 2 વાન ફાળવવામાં આવ્યા છે. આ બંને વાન લેસર ટ્રાફિક સ્પીડ વીડિયો સિસ્ટમથી સજ્જ કરાઈ છે. જેના થકી હવે પૂરપાટ ઝડપે દોડતા વાહનોનું સ્કેનિંગ કરી ઈ-મેમો ફટકારવો પોલીસ માટે સરળ બનશે. આ બંને વાનમાં પ્રિન્ટર, વીડિયો રેકોર્ડર, સાયરન સાથે લાઈટબાર, PTZ કેમેરા જેવા ઉપકરણો પણ આપવામાં આવ્યા છે.
દાહોદ પોલીસને આપવાના આવેલા આ અત્યાધુનિક વાનની મદદથી પોલીસ ઝડપથી ટ્રાફિકનો ભંગ કરતાં લોકો સુધી પહોંચી શકશે અને કાયદેસરની કાર્યવાહી કરી શકશે. તેમજ ટ્રાફિક નિયમોના ભંગના કેસમાં પણ ઘટાડો થશે.
આ પણ વાંચો : DAP ની અછતના કારણે સરકાર હવે SSP પર ફોકસ કરશે, ખેડૂતોને તેનો ઉપયોગ કરવા પ્રેરિત કરશે
આ પણ વાંચો : સાબરકાંઠાના ઇડરમાં ફટાકડાની લારીમાં લાગી આગ, નાસભાગ મચી, જુઓ વિડીયો