ગુજરાતના મોટા શહેરો જેવા કે સુરત, નવસારી, અમરેલી, બનાસકાંઠા, વલસાડ અને જૂનાગઢની પોસ્ટ ઓફિસ અને પાસપોર્ટ ઓફિસને બોમ્બથી ઉડાવી દેવાની ધમકી મળી છે. આ ઘટના બાદ પોલિસ સતર્ક બની છે અને પોલીસની ટીમનો કાફલો પોસ્ટ ઓફિસ તેમજ પાસપોર્ટ ઓફિસે પહોંચ્યો છે.
મળતી માહિતી મુજબ સુરતમાં પાસપોર્ટ ઓફિસને સવારે 5 વાગે ઈમેલમાં બૉમ્બથી ઉડાવી દેવાની ધમકી મળી છે. પીપલોદ ગામમાં આવેલી ઓફિસમાં ધમકી ભર્યો ઈમેઈલ મળ્યો હતો, આ સિવાય ઉમરા પાસપોર્ટ ઓફિસને પણ મેલ મળ્યો છે. આ ઘટનાને લઇ બૉમ્બ સ્કોડ પોલીસ ઘટનાસ્થળે પહોંચી ગઈ છે.
અમરેલી પોસ્ટ ઓફિસને બોમ્બથી ઉડાડવાની ધમકી મળી છે, અહીં પણ મેઈલ મારફતે પોસ્ટ ઓફિસને ધમકી આપી હતી. અમરેલી ફાયર ટીમ અને બોંબ સ્કવોર્ડ ઘટનાસ્થળે પહોંચી ગઈ છે અને પોસ્ટ ઓફિસ ખાલી કરાવી શોધખોળ હાથ ધરી છે. આ સિવાય બનાસકાંઠાની પાલનપુર હેડ પોસ્ટ ઓફિસને પણ બોમ્બથી ઉડાવી દેવાની ધમકી મળી છે. જે બાદ પોસ્ટ ઓફિસથી પોલીસને જાણ કરવામાં આવી છે.
નવસારીના તલાવડી વિસ્તારમાં આવેલી પોસ્ટ ઓફિસને પણ બોમ્બની ઉડાવી દેવાની ધમકી મળી છે. અજાણ્યા ઇસમો દ્વારા ઇમેઇલથી ધમકી આપવામાં આવી હોવાની પ્રાથમિક માહિતી મળી રહી છે. બોમ્બ સ્કવોડ, ડોગ સ્કવોડ અને પોલીસની ટીમો ઘટનાસ્થળે પહોંચી ગઈ છે. પોસ્ટ ઓફિસને ખાલી કરાવીને તપાસ હાથ ધરવામાં આવી છે. ધમકીને પગલે ફાયર વિભાગની ટીમ પણ સ્ટેન્ડ બાય પર છે.
વલસાડની પાસપોર્ટ ઓફીસને બોંબથી ઉડાવી દેવાની ધમકી અપાઈ છે. વલસાડ જિલ્લા પોલીસ પાસપોર્ટ ઓફીસ પહોંચીને ઓફિસ ખાલી કરાવી છે. પોલીસની વિવિધ ટીમનો કાફલો પાસપોર્ટ ઓફીસ ખાતે પોંહચ્યો છે. આ સાથે જૂનાગઢના ગાંધીગ્રામમાં આવેલી પોસ્ટ ઓફિસને પણ ધમકીભર્યો મેલ મળ્યો છે. અહીં પણ કચેરીમાં બોમ્બ મુકાયો હોવાનો ઈમેલ આવ્યો હતો. ઈમેલ બાદ પોલીસ અને ફાયરની ટીમ ઘટના સ્થળે પહોંચી ગઈ છે.
આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..
Published On - 12:04 pm, Fri, 27 February 26
