Breaking News : અમદાવાદ એરપોર્ટ પરથી DRIએ 33 કરોડના બ્લેક કોકેઇન સાથે એક શખ્સની ધરપકડ કરી, જુઓ Video

Ahmedabad: અમદાવાદ એરપોર્ટ પરથી DRIએ 33 કરોડના બ્લેક કોકેઇન(Black Cocaine)  સાથે એક શખ્સની ધરપકડ કરી છે. જેમાં એરપોર્ટથી બ્રાઝિલના વ્યક્તિની ધરપકડ કરવામાં આવી છે. આ પ્રવાસી વિઝા લઈને બ્રાઝિલથી આવ્યો હતો.

જેમાં મળતી માહિતી મુજબ બ્રાઝિલનો નાગરિક, જે સાઉ પાઉલો એરપોર્ટથી અમદાવાદ ઇન્ટરનેશનલ એરપોર્ટ પર મુસાફરી કરી રહ્યો હતો, તે ભારતમાં કોકેઇનની દાણચોરી કરવાનો પ્રયાસ કરશે. DRI અધિકારીઓએ અમદાવાદ ઇન્ટરનેશનલ એરપોર્ટ પર બ્રાઝિલિયન નાગરિકને અટકાવ્યો હતો.

આ મુસાફર પ્રવાસી વિઝા પર મુસાફરી કરી રહ્યો હતો. પેસેન્જર, ટ્રોલી અને કેબિન બેગની વિસ્તૃત તપાસ કરવામાં આવી હતી અને તેમાં કોઈ છૂપાવવાની વાત બહાર આવી ન હતી.

જો કે, ડીઆરઆઈ અધિકારીઓએ અવલોકન કર્યું હતું કે બે બેગની નીચેનો ભાગ અને અન્ય ભાગ અસામાન્ય રીતે જાડા હતા. જે ખૂબ જ બરડ હતા અને દબાણ કરતા દાણાદાર બનતા હતા. ફોરેન્સિક સાયન્સ લેબ અધિકારીઓની ટીમ દ્વારા વિશિષ્ટ ફિલ્ડ-ટેસ્ટિંગ કીટ સાથે સામગ્રીની તપાસ કરવામાં આવી હતી

જેમાં કોકેઈનની હાજરી જોવા મળી હતી. તદનુસાર, NDPS એક્ટ 1985 ની જોગવાઈઓ હેઠળ 3.22 કિલો પદાર્થ જપ્ત કરવામાં આવ્યો હતો. મુસાફરે કોકેઈનની દાણચોરીમાં તેની સક્રિય ભૂમિકા સ્વીકારી હતી અને તેની ધરપકડ કરવામાં આવી હતી.

DRI ના અધિકારીઓનું કહેવું છે કે બ્લેક કોકેઇન એક ડિઝાઈનર ડ્રગ છે..જેમાં કોકેઇનને ચારકોલ અને અન્ય રસાયણ સાથે મિશ્રિત કરવામાં આવે છે..જેથી કાળો રબર જેવો દેખાવ મળે છે..હાલ બ્લેક કોકેઇન જપ્ત કરી બ્રાઝિલિયન નાગરિક ધરપકડ કરી પૂછપરછ શરૂ કરી છે કે બ્લેક કોકેઇન ભારતમાં કોને આપવાનું હતું અને પકડાયેલ આરોપી અગાઉ ભારત માં આવી ચુક્યો છે કે કેમ તે દિશામાં DRI તપાસ શરૂ કરી છે.

DRIના અધિકારીઓને એક માહિતી મળી હતી કે અમદાવાદ સરદાર વલ્લભભાઈ પટેલ ઇન્ટરનેશનલ એરપોર્ટ પરથી બ્રાઝિલયનનો એક નાગરિક જે સાઉ પોઉલો મુસાફરી કરી રહ્યો હતો.

અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો