BOTAD : કથિત લઠ્ઠાકાંડ વચ્ચે પોલીસની હપ્તાખોરીનો ઓડિયો થયો વાયરલ, પોલીસ બેડામાં ખળભળાટ

બોટાદમાં (Botad) કથિત  લઠ્ઠાકાંડ વચ્ચે પોલીસની (Botad Police)  હપ્તાખોરીનો ઓડિયો વાયરલ (Audio Viral) થયો છે.જેમાં બરવાળા પોલીસ સ્ટેશનના ASI આસમીનબાનુ ઝડકીલા બોલતા જોવા મળી રહ્યા છે.જે દારૂકાંડમાં હપ્તાનું સેટિંગ કરતો હોવાનુ જાણવા મળી રહ્યુ છે.મહત્વનું છે કે, ASI આસમીનબાનુ સામે ACB માં ફરિયાદ છતા કોઇ કાર્યવાહી ન થયાનો આરોપ લગાવવામાં આવી રહ્યો છે.બરવાળાના (Barwala)  જાગૃત નાગરિક લક્ધીરસિંહ ઝાલાએ લેખિતમાં ફરિયાદ કરવા છતાં પગલાં ભરાયા નથી.  જો કે ટીવીનાઇન ઓડિયોની પુષ્ટી કરતું નથી.

બોટાદમાં સંભવિત લઠ્ઠાકાંડથી અત્યાર સુધીમાં 19 લોકોના મોતની પુષ્ટિ કરવામાં આવી છે અને 29 લોકો સારવાર હેઠળ છે. આ જિલ્લાના રોજીદ (Rojid)ગામના 5 લોકોનો સમાવેશ થાય છે.જેમાં ચંદરવા ગામના (Chandrava Village)  2 લોકોનો સમાવેશ થાય છે. સાથે જ આકરૂ ગામના 3 લોકોના મોત થયા છે. બોટાદના (Botad news)  ઝેરી દારૂકાંડ મામલે આંકડો હજુ પણ વધે તેવી શક્યતા છે. તો બીજી તરફ બરવાળાથી ઝેરી દારૂકાંડમાં પોલીસે કેમિકલ જપ્ત કર્યું છે અને ATS (Gujarat ATS) દ્વારા રાજુ નામના વ્યક્તિની ધરપકડ કરવામાં આવી છે. રાજુએ લાંભાની કેમિકલ ફેક્ટરીમાંથી (Chemical factory)  બરવાળામાં સંજય નામના વ્યક્તિને કેમિકલ સપ્લાય કર્યું હોવાનો ખુલાસો થયો છે.

રેન્જ આઇજી સહિતનો પોલીસ કાફલો ઘટના સ્થળે

બોટાદ જિલ્લાના બરવાળાના રોજીદ ગામે બનેલી આ ઘટનાની ગંભીરતાને જોતા રેન્જ આઇજી (Range IG) સહિત એસપી સહિતનો પોલીસ કાફલો ઘટના સ્થળે પહોંચ્યો હતો. ઉપરાતં રેન્જ આઇજીએ બોટાદ ખાતે હોસ્પિટલની મુલાકાત લઇને સમગ્ર મામલે માહિતી પ્રાપ્ત કરી હતી. દેશી દારૂની ઝેરી અસરની ઘટનામાં 19 લોકોના મોત થયા હોવાનું પોલીસ સૂત્રોએ જણાવ્યું છે.