BOTAD : શહેર-જિલ્લાના અનેક વિસ્તારોમાં ધોધમાર વરસાદ પડ્યો હતો. બોટાદ, ગઢડા, ગોરડકા, સેથળી, સાળંગપુર ,પાળીયાદ સહિત ગામોમાં વરસાદવનું જોર રહ્યું હતું. વરસાદના પગલે ખેતરોમાં ઉભા પાકને જીવતદાન મળતા ખેડૂતોમાં પણ ખુશીની લહેર છવાઈ હતી. તો નદીઓમાં વરસાદી નીરની આવક થઈ હતી તેમજ જિલ્લાના જળાશયો પણ પાણીથી છલકાયા હતા. બીજી તરફ વરસાદ સાથે સાથે ગ્રામિણ વિસ્તારોમાં વિજ-ધાંધીયા પણ સર્જાયા હતા. હજુ પણ આ વિસ્તારમાં સતત વરસાદ વરસી રહ્યો છે. અને, હજુ વરસાદનું જોર વધે તેવી શક્યતાઓ દેખાઇ રહી છે. ત્યારે વરસાદને કારણે સમગ્ર પંથકમાં ખેડૂતો અને સ્થાનિકોમાં ખુશાલીનો માહોલ છે.