Breaking News: ગુજરાતમાં સસ્તુ થયુ દૂધ, અમૂલે દૂધના ભાવ વધાર્યા નહીં, ઘટાડ્યા, આટલા રૂપિયાનો કર્યો ઘટાડો
Jan 24, 2025 | 5:51 PM
અમૂલે ગુજરાતની પ્રજાને આનંદના સમાચાર આપ્યા છે. અમૂલે દૂધની જૂદી જૂદી ત્રણ પ્રોડક્ટ્સના ભાવમાં ઘટાડો કર્યો છે. અમૂલ દૂધવા 1 લીટરના પાઉચના ભાવમાં એક રૂપિયાનો ઘટાડો કર્યો છે.
અમૂલે ગુજરાતના લોકો માટે ખુશખબર આપી છે. અમૂલ ગોલ્ડ, તાજા અને ટી સ્પેશિયલ દૂધના ભાવમાં એક રૂપિયાનો ઘટાડો કરવામાં આવ્યો છે. આ ઘટાડાથી ગ્રાહકોને રાહત મળશે. પહેલાં 66 રૂપિયા હતો તે અમૂલ ગોલ્ડ હવે 65 રૂપિયામાં મળશે. આ ઉપરાંત અન્ય બે પ્રોડક્ટ્સના ભાવમાં પણ એક રૂપિયાનો ઘટાડો થયો છે. અમૂલ ફેડરેશનના MD એ આ અંગે જાહેરાત કરી છે.
અમૂલે દૂધની જૂદી જૂદી ત્રણ પ્રોડક્ટના ભાવમાં ઘટાડો કર્યો છે. જેમા એક લીટરના પાઉટ પર ₹1 નો ઘટાડો કર્યો છે. જેમા અમૂલ ગોલ્ડના ભાવ લીટરના 636 રૂપિયાથી ઘટાડી 65 રૂપિયા કર્યા છે. તાજા અને ટી સ્પેશ્યિલના એક લીટરના ભાવમાં ₹1 નો ઘટાડો કર્યો છે. અમુલ ગોલ્ડ, તાજા અને ટી સ્પેશિયલના એક લીટર પાઉચના ભાવમાં ઘટાડો કરાયો છે.
અમૂલ ટી સ્પેશ્યિલ 1 લીટર પાઉચનો જૂનો ભાવ 62 રૂપિયા હતો જે હવે ઘટીને 61 રૂપિયા થયો છે. અમૂલ તાજા 1 લીટર પાઉચનો જૂનો ભાવ 54 રૂપિયા હતો જે હવે ઘટીને 53 રૂપિયા થયો છે. અમૂલ દ્વારા દૂધના ભાવ વધારા બાદ પ્રથમવાર ઘટાડો કરવામાં આવ્યો છે.
Input Credit- Dhrmendra Kapasi- Anand
Published On - 3:10 pm, Fri, 24 January 25