Gujarat : અમિત ચાવડા કોંગ્રેસના નવા પ્રમુખની નિમણૂક ન થાય ત્યાં સુધી કાર્યકારી પ્રમુખ રહેશે

Gujarat :  ગુજરાતમાં મહાનગર પાલિકા, જિલ્લા પંચાયત, તાલુકા પંચાયત અને નગર પાલિકામાં કોંગ્રેસના ખરાબ પ્રદર્શનને લઇને કોંગ્રેસ પ્રમુખ અમિત ચાવડા અને વિપક્ષ નેતા પરેશ ધાનાણીએ પોતાનું રાજીનામું કોંગ્રેસ અધ્યક્ષ સોનિયા ગાંધીને રાજીનામું મોકલી દીધું છે. તેમજ જ્યાં સુધી નવા પ્રમુખની નિમણૂક ન થાય ત્યાં સુધી તે કાર્યકારી પ્રમુખ સુધી કામગીરી સંભાળશે. અમિત ચાવડાએ જણાવ્યું કે લોકોએ અમને મત આપ્યા છે તેમજ કાર્યકરોએ પણ મહેનત કરી હતી. આશા હતી કે અનેક જગ્યાઓ વિજય મેળવીશું. પરંતુ ચુંટણી પ્રક્રિયા પર અનેક સવાલો ઉભા થયા છે.