Ahmedabad : સુપરસ્ટાર વિજય દેવેરાકોંડા (Actor Vijay Devarkonda) અને અભિનેત્રી અનન્યા પાંડે (Ananya panday) અભિનીત લાઈગર ફિલ્મના પ્રમોશન માટે ફિલ્મની ટિમ અમદાવાદની મહેમાન બન્યા છે. વસ્ત્રાલમાં (Vastral) આવેલ વેદ આર્કેડ મોલમાં ફિલ્મની ટિમ પહોંચી હતી. જ્યાં મોટા પ્રમાણમાં ચાહકોએ (Fans) બંનેનું ઉત્સાહ સાથે સ્વાગત કર્યું હતું. લોકોએ પોતાના ચાહિતા ફિલ્મસ્ટાર (Filmstar) ઉત્સાહથી આવકાર્ય હતા. સાઉથના સુપરસ્ટાર વિજય દેવેરાકોંડાની બૉલીવુડમાં આ પ્રથમ ફિલ્મ છે.
ફિલ્મનું ટ્રેલર લોન્ચ થયા પછી ચાહકોનો વધુ પ્રેમ કલાકોરોને મળી રહ્યો છે.અભિનેતાએ અમદાવાદના આંગણે ગુજરાતીમાં (Gujarati) વાત કરી તેમજ ફિલ્મ લાઈગરના ડાયલોગ્સ બોલી ચાહકોને ફિલ્મ જોવા આગ્રહ કર્યો. તો ચાહકોએ પણ ગુજરાતીમાં વિજય દેવરાકોંડાને ‘અમે તમને પ્રેમ કરીએ છીએ’ કહીને પોતાનો પ્રેમ દર્શાવ્યો. ચાહકોને ખુશ કરતા અનન્યા પાંડે અને વિજયે ફિલ્મના ગીત પર ડાન્સ કર્યો.
મહત્વનું છે કે, વિજય દેવરાકોંડાની ફિલ્મ ‘લાઇગર'(Liger movie) 25 ઓગસ્ટના રોજ રિલીઝ થવાની છે. વિજય દેવરાકોંડા તથા અનન્યા પાંડે હાલમાં ફિલ્મના પ્રમોશનમાં વ્યસ્ત છે. 31 જુલાઈના રોજ મુંબઈમાં વિજય દેવરાકોંડા તથા અનન્યા એક મોલમાં ગયા હતા પરંતુ ત્યાં ભીડ બેકાબૂ થઈ ગઈ હતી જેને કંટ્રોલ કરવી મુશ્કેલ થઈ ગઈ હતી. એટલું જ નહીં એક યુવતીની તો આ ઈવેન્ટમાં બેભાન થઈ ગઈ હતી. જેને કારણે ઈવેન્ચ કેન્સલ કરવામાં આવી હતી.
Published On - 8:46 am, Mon, 8 August 22