ગુજરાતમાં (Gujarat) આજે બદલાયેલ વાતાવરણ બાદ અનેક જિલ્લાઓમાં વરસાદ(Rain)પડ્યો છે. જેમાં રાજ્યના 40 તાલુકામાં નોંધપાત્ર વરસાદ નોંધાયો છે. તેમજ 40 તાલુકામાં 1થી પોણા ત્રણ ઇંચ જેટલો વરસાદ નોંધાયો છે. જેમાં સૌથી વધુ વરસાદ સુરતના ઉમરપાડામાં પોણા ત્રણ ઇંચ વરસાદ નોંધાયો છે. જ્યારે વલસાડના ધરમપુરમાં 2 ઇંચ વરસાદ નોંધાયો છે. જયારે તાપીના સોનગઢમાં 2 ઇંચ વરસાદ નોંધાયો છે. આ ઉપરાંત દાહોદના ફતેપુરમાં દોઢ ઇંચ વરસાદ નોંધાયો છે. તેમજ રાજકોટ શહેરમાં 1 ઇંચ વરસાદ નોંધાયો છે. જ્યારે બનાસકાંઠા જિલ્લામાં 1 ઇંચ વરસાદ નોંધાયો છે.
ડાંગ જિલ્લામાં ધોધમાર વરસાદ
ડાંગ જિલ્લામાં ધોધમાર વરસાદ, આહવા, વઘઇ, સાપુતારામાં વરસ્યો વરસાદ #TV9News pic.twitter.com/Trx6VmgSIF
— Tv9 Gujarati (@tv9gujarati) June 27, 2022
Gujarat Rains LIVE Updates: ઓખાથી યાત્રાધામ બેટ દ્વારકા જતી ફેરી બોટ સર્વિસ બંધ કરી દેવામાં આવી છે. ઓખા બંદર પર 3 નંબરના સિગ્નલ લગાવ્યા બાદ સાવચેતીના ભાગરૂપે ફેરી બોટ સર્વિસ બંધ કરાઇ છે. ઓખાથી બેટ દ્વારકા જતી ફેરી બોટ બંધ થતાં ભાવિકો બેટ દ્વારકા દર્શને નહીં જઇ શકે.
Gujarat Rains LIVE Updates: તાપી જિલ્લામાં બપોર બાદ વ્યારામાં વાતાવરણમાં પલટો આવ્યો હતો અને કાળા વાદળો છવાઈ ગયાં હતાં ત્યાર બાદ વરસાદ તૂટી પડ્યો હતો. જિલ્લાના વ્યારા, પાનવાડી, તાડકુંવા, મદાવ, કપુરા જેવા ગામોમાં વરસાદ નોંધાયો છે.
Gujarat Rains LIVE Updates: ભારે વરસાદ અને પવન ફૂંકાવાની સંભાવનાને પગલે અમરેલી જિલ્લાના જાફરાબાદ બંદર પર 3 નંબરનું સિગ્નલ લગાવ્યું છે. આ સાથે માછીમારોને દરિયો ન ખેડવા સૂચના પણ આપવામાં આવી છે. તમામ પરિસ્થિતિઓને પહોંચી વળવા માટે જાફરાબાદ બંદર પર તંત્રને એલર્ટ કરી દેવામાં આવ્યું છે.
Gujarat Rains LIVE Updates: વરસાદને લઈને હવામાન વિભાગે આગાહી કરી છે કે આગામી 5 દિવસ સાર્વત્રિક મેઘમહેર રહેશે. રાજ્યમાં આજે ભારે વરસાદની આગાહી કરવામાં આવી છે. જેમાં દક્ષિણ ગુજરાત, ઉત્તર ગુજરાત અને સૌરાષ્ટ્રમાં અતિભારે વરસાદની આગાહી કરાઈ છે. દક્ષિણ ગુજરાતમાં સુરત, વલસાડ, નવસારી, તાપી, ડાંગ, મહીસાગર અને ભરૂચમાં વરસાદની આગાહી છે. આ સાથે સૌરાષ્ટ્રમાં અમરેલી, ભાવનગર, જૂનાગઢ અને સોમનાથમાં ભારે વરસાદની આગાહી સાથે કચ્છમાં પણ સામાન્ય વરસાદની આગાહી કરાઈ છે. આગામી 28 જૂનથી 1 જુલાઈએ વરસાદનું જોર વધશે. આ સાથે અરબી સમુદ્રમાં લો પ્રેશર સિસ્ટ્મ શક્રિય થવાથી ફિશરમેન વોર્નિંગ પણ જાહેર કરાઈ છે. રાજ્યમાં જૂન મહિનામાં પોણા બે ઇંચ વરસાદ સાથે 54 ટકા વરસાદ નોંધાયો છે. હજુ જૂન મહિનાનો 46 ટકા વરસાદ બાકી છે. હવામાન વિભાગની આગાહી પ્રમાણે 1 જુલાઈએ રાજ્યમાં સાર્વત્રિક વરસાદ રહેશે.
Gujarat Rains LIVE Updates: ગિરનેર રોપ-વે ફરી બેધ કરી દેવામાં આવ્યો છે. ખરાબ હવામાનને કારણે રોપ-વે બંધ કરાયો છે. રાજ્યમાં ભારે પવન સાથે વરસાદ પડી રહ્યો છે ત્યારે આજે ફરી ભારે પવન શરૂ થતાં ગિરનાર રોપ વે બંધ કરાયો છે જેના કારણે યાત્રિકો નિરાશ થઈને પરત ફર્યા છે. હવામાન નોર્મલ થયા બાદ રોપ-વે ફરી શરૂ કરાશે.
Gujarat Rains LIVE Updates: અમદાવાદમાં પ્રથમ વરસાદમાં ૧૦૫ જેટલા વૃક્ષો ધરાશાયી થઈ ગયાં છે. અમદાવાદા મ્યુનિસિપલ કોર્પોરેશન દ્વારા આ તૂટી પડેલા વૃક્ષો હટાવવાની કામગીરી શરૂ કરી દેવામાં આવી છે. બગીચા ખાતા તેમજ ફાયર વિભાગની ટીમ દ્વારા યુદ્ધના ધોરણે કામગીરી શરૂ કરાઈ છે. જોકે ભયજનક મકાન કે હોર્ડિંગ પડવાની એક પણ ફરિયાદ કંટ્રોલ રૂમમાં આવી નથી. આ જાણકારી ડે. સિટી એન્જિનિયર મિનેશ શાહે આપી હતી.
Gujarat Rains LIVE Updates: કપડવંજના નિરમાલીના મુવાડા ગામે વીજ પોલ ધરાશાયી થતા 60 વર્ષીય વૃદ્ધનું થયું મોત થયું હતું. પોતાના ઘરની બહાર ખાટલામાં સુતા હતા ત્યારે અચાનક પવન આવતા ઘરની બહાર ઉભો કરેલો વીજપોલ તેમના પર જ ધરાશાયી થયો હતો. જવાનસિંહ પરમાર નામના વૃદ્ધનું ઘટનાસ્થળે જ મોત થયું હતું. વહીવટીતંત્રમાંથી એક ટીમ ગામ ની સાથે સાથે ઘટના સ્થળની પણ મુલાકાત લીધી હતી. મૃતક જવાનસિંહ પરમારના મૃતદેહને પીએમ અર્થે કપડવંજ ખસેડવામાં આવ્યો હતો.
60 yrs old died as electric pole falls on him, Kapadvanj | #GujaratRains #Monsoon2022 #Gujarat pic.twitter.com/OzdF832sWE
— Tv9 Gujarati (@tv9gujarati) June 27, 2022
Gujarat Rains LIVE Updates: ભારે પવનથી અમદાવાદમાં મોટું નુકસાન સામે આવ્યું છે. શહેરમાં વિવિધ જગ્યાઓ પર 131 થી વધુ વૃક્ષો ધરાશાઈ થયા છે. AMC ગાર્ડન વિભાગ દ્વારા રોડ પર પડેલા વૃક્ષો હટાવવાની કામગીરી શરૂ કરી છે. ગઈકાલથી મોન્સુન કંટ્રોલ રૂમમાં કોલ આવી રહ્યા છે. રોડ સેટલમેન્ટની બોડકદેવ ખાતેની 1 ફરિયાદ મળી છે. બગીચા ખાતું, ફાયર બ્રિગેડ અને amc કંટ્રોલ રૂમના કુલ 131થી વધુ કોલ આવ્યા છે.
Gujarat Rains LIVE Updates: અમદાવાદમાં સામાન્ય વરસાદમાં જ અનેક વૃક્ષો ધરાશાયી થયા. તો કેટલાક વિસ્તારોમાં ભૂવા પણ પડ્યા છે. સદનસીબે આ દુર્ઘટનામાં કોઈ જાનહાનિ નથી થઈ પરંતુ વાહનચાલકોને ભારે મુશ્કેલીનો સામનો કરવો પડ્યો છે. બીજી તરફ સ્થાનિકોએ રોષ પણ વ્યક્ત કર્યો કે, ચોમાસા પહેલાં જો વૃક્ષોની યોગ્ય માવજત થઈ હોત તો આ સ્થિતિનું નિર્માણ ન થયું હોત.
Heavy Downpour in #Ahmedabad leaves a trail of destruction in western part #Monsoon2022 #TV9News #Gujarat pic.twitter.com/FE0YXaFGsb
— Tv9 Gujarati (@tv9gujarati) June 27, 2022
Gujarat Rains LIVE Updates: રાજ્યમાં વરસાદી માહોલ વચ્ચે કેટલાક જિલ્લામાં વીજળી પણ પડી. રાજકોટના પડધરી અને દેવભૂમિ દ્વારકાના ખંભાળિયામાં વીજળી પડી હતી જે કેમેરામાં કેદ થઈ ગઈ હતી. તો પંચમહાલના ગોધરામાં ઝાડ પર વીજળી પડી હતી જેના કારણે ઝાડમાં આગ લાગી ગઈ હતી. તો આ તરફ સુરેન્દ્રનગરના પાટડીમાં ચક્રવાત સર્જાયું હતું જે દ્રશ્યોને પણ સ્થાનિકોએ કેમેરામાં કેદ કરી લીધા હતા.
Several instances of lightning in #Rajkot, Panchmahal, Dwarka and Surendranagar #Gujarat #TV9News #Monsoon2022 pic.twitter.com/6Hb46DQWNP
— Tv9 Gujarati (@tv9gujarati) June 27, 2022
Gujarat Rains LIVE Updates: ગઈકાલે મોડી રાત્રે ખેડા જિલ્લામાં અતિભારે પવનને કારણે કપડવંજ પંથકમાં નુકશાન પહોંચ્યું છે. ભારે પવનને કારણે કપડવંજ તાલુકાના નિરમાલીના મુવાડા ગામે તથા તેના આજુબાજુના વિસ્તારમાં અનેક વૃક્ષો અને વીજપોલ ધરાશાયી થયા હતા. નિરમાલીના મુવાડા, દુધાથલ લાટ, મુખીના મુવાડા,અલવાના મુવાડા અને સુલતાનપુરમાં ભારે પવનથી નુકશાન થયું છે. નાના નાના ઝૂંપડાઓના છાપરા પવનમાં ઉડી ગયાં હતાં. નિરમાલીના મુવાડા ગામે વીજ પોલ ધરાશાયી થતા 60 વર્ષીય વૃદ્ધનું થયું મોત થયું હતું. પોતાના ઘરની બહાર ખાટલામાં સુતા હતા ત્યારે અચાનક પવન આવતા ઘરની બહાર ઉભો કરેલો વીજપોલ તેમના પર જ ધરાશાયી થયો હતો. જવાનસિંહ પરમાર નામના વૃદ્ધનું ઘટનાસ્થળે જ મોત થયું હતું. વહીવટીતંત્રમાંથી એક ટીમ ગામ ની સાથે સાથે ઘટના સ્થળની પણ મુલાકાત લીધી હતી. મૃતક જવાનસિંહ પરમારના મૃતદેહને પીએમ અર્થે કપડવંજ ખસેડવામાં આવ્યો હતો.
Gujarat Rains LIVE Updates: વિરમગામ શહેર સહિત ગ્રામ્ય વિસ્તારમાં મોડી રાત્રીએ વાવાઝોડા સાથે વરસાદથી તારાજી સર્જાઈ હતી. વિરમગામ તાલુકાના થોરી વડગાસ, નાનીકુમાદ, કાંકરાવાડી, વણી, વલાણા સહિત ગામોમાં નુકસાન પહોંચ્યું છે. થોરી વડગાસ ગામમાં 15થી વઘુ મકાનનાં પતરાં ,10 થી વઘુ વૃક્ષ અને વીજપોલ ધરાશાયી થઈ ગયા છે. અન્ય કાંકરાવાડી, વણી, નાનીકુમાદ ગામોમા પણ મકાનના પતરા, વૃક્ષ ધરાસાઇ થયાં છે. જોકે કોઇ જાનહાનિ થઈ નથી.
દક્ષિણ ગુજરાતમાં આજે વલસાડ અને દમણ, દાદરા નગર હવેલીમાં હળવાથી ભારે વરસાદ થવાની સંભાવના છે.તો સૌરાષ્ટ્રના જિલ્લાઓમાં પોરબંદર અને જૂનાગઢમાં વીજળી સાથે આછું વાવાઝોડું અને સપાટી પરનો પવન 30- 40 કિમી પ્રતિ કલાકની ઝડપે પવ ફુંકાવાની શક્યતા છે.
દાહોદના દેવગઢ બારીયામાં MGVCLની વીજ લાઈનના ટ્રાન્સફોર્મર પર પડી વીજળી પડતા આગ ફાટી નીકળી હતી.જેને કારણે આસપાસના વિસ્તારોમાં વીજપુરવઠો ખોરવાયો હતો.
Transformer caught fire in Devgadh Bariya after lightning, #Dahod #Monsoon2022 #TV9News pic.twitter.com/YX7lpt6qIX
— Tv9 Gujarati (@tv9gujarati) June 27, 2022
દક્ષિણ ગુજરાત-સૌરાષ્ટ્ર સહિત સમગ્ર રાજ્યમાં ચોમાસું આગળ વધી રહ્યું છે, જેને કારણે આગામી 5 જુલાઇ સુધી અમદાવાદ સહિત રાજ્યમાં ઝાપટાંથી માંડી ભારે વરસાદ પડવાની શક્યતા છે. હવામાન વિભાગ પ્રમાણે, આજે વલસાડ સહિત રાજ્યના કેટલાક વિસ્તારોમાં વરસાદ પડી શકે છે અને રાજ્યમાં 30થી 40 કિલોમીટરની ઝડપે પવન ફૂંકાઈ શકે છે.જ્યારે 29 અને 30 જૂને સૌરાષ્ટ્ર અને દક્ષિણ ગુજરાતમાં ભારે વરસાદની આગાહી છે.29 જૂને ભરૂચ, સુરત, નવસારી, અમરેલી અને ભાવનગર ભારે વરસાદ વરસી શકે છે.. જ્યારે 30 જૂને ભરૂચ, સુરત, નવસારી, વલસાડ, પોરબંદર, જૂનાગઢ અને દેવભૂમિદ્વારકામાં ભારે વરસાદ વરસી શકે છે.હવામાન વિભાગની આગાહી પ્રમાણે, 5 જુલાઇ સુધીમાં રાજ્યના મોટાભાગના વિસ્તારોમાં વરસાદી ઝાપટા અને હળવો વરસાદ પડશે.
Heavy downpour in #Valsad, rain forecast on June 29 and 30: Weather department #Gujarat #Monsoon2022 #TV9News pic.twitter.com/HXBDbMgN4S
— Tv9 Gujarati (@tv9gujarati) June 27, 2022
પવન સાથે વરસાદ શરૂ થતાંની સાથે રાયપુર દરવાજા પાસે અમદાવાદ મ્યુનિસિપલ કોર્પોરેશનનું બોર્ડ પડી ગયું.#amc #Monsoon2022 #Ahmedabad pic.twitter.com/QypEMvpEQs
— Tv9 Gujarati (@tv9gujarati) June 26, 2022
અમદાવાદ: કાંકરીયામાં એસટી બસ પર વૃક્ષ પડતા મુસાફરો અટવાયા #TV9News #Monsoon2022 #rainfall pic.twitter.com/sUX1ZH8lkZ
— Tv9 Gujarati (@tv9gujarati) June 26, 2022
ગુજરાતમાં અનેક જગ્યાએ ધોધમાર વરસાદ
Posted by TV9 Gujarati on Sunday, June 26, 2022
અમદાવાદ: ભારે પવનના કારણે 50 જગ્યાએ ઝાડ પડવાના બનાવો સામે આવ્યા #TV9News #Monsoon2022 pic.twitter.com/tIQVIPDCVH
— Tv9 Gujarati (@tv9gujarati) June 26, 2022
શહેરમાં ભારે પવનના કારણે 50 જગ્યાએ ઝાડ પડવાના બનાવો સામે આવ્યા
અલગ અલગ 50 જગ્યાએ પવનના કારણે ઝાડ પડયા
કેટલીક જગ્યાએ રસ્તા પર ઝાડ પડવાના કારણે રસ્તા થયા બ્લોક
ફાયર ની ટિમ દ્વારા ઝાડ હટાવવા ની કામગીરી ચાલુ
વીજળીના કડાકા ભડાકા સાથે અમદાવાદમાં વરસાદ
અમદાવાદમાં ભારે પવન સાથે વરસાદ પડવાથી સેંકડો વૃક્ષ ઘરાશાયી
વસ્ત્રાપુર, જજીસ બંગલો વિસ્તારમાં વૃક્ષો પડવાથી અનેક માર્ગો બંધ
માર્ગો ઉપર વાહનોની કતારો લાગી, વૃક્ષો પડવાથી અનેક વાહનને નુકશાન
ફાયર બ્રિગેડ સહિતની ટીમ ઘટના સ્થળે દોડી આવી, ફરી વરસાદ શરુ થતા ટ્રાફીકજામ સર્જાયો
વસ્ત્રાપુર, જજીસ બંગલો વિસ્તારમાં વૃક્ષો પડવાથી અનેક માર્ગો બંધ. માર્ગો ઉપર વાહનોની કતારો લાગી, વૃક્ષો પડવાથી અનેક વાહનને નુકશાન. ફાયર બ્રિગેડ સહિતની ટીમ ઘટના સ્થળે દોડી આવી, ફરી વરસાદ શરુ થતા ટ્રાફીકજામ સર્જાયો.
Published On - 9:03 pm, Sun, 26 June 22