Breaking News : અમદાવાદ ઇસ્કોન બ્રિજ અકસ્માત કેસમાં આરોપી તથ્ય પટેલની પોલીસે ધરપકડ કરી
અમદાવાદ ઇસ્કોન બ્રિજ અકસ્માત કેસમાં આરોપી તથ્ય પટેલની પોલીસે ધરપકડ કરી છે. આ ઉપરાંત તેની કારમાં હાજર તેના મિત્રોની પોલીસે અટકાયત કરી છે. પોલીસે કુલ 6 લોકોની અટકાયત કરીને તેમની પુછપરછ શરુ કરી છે.
Ahmedabad : અમદાવાદ ઇસ્કોન બ્રિજ અકસ્માત(ISKCON Bridge Accident) કેસમાં આરોપી તથ્ય પટેલની પોલીસે ધરપકડ કરી છે. આ ઉપરાંત તેની કારમાં હાજર તેના મિત્રોની પોલીસે અટકાયત કરી છે. પોલીસે કુલ 6 લોકોની અટકાયત કરીને તેમની પુછપરછ શરુ કરી છે. મળતી માહિતી પ્રમાણે તથ્ય પટેલ ઉપર IPCની 304 કલમ એટલે સદોષ મનુષ્ય વધની કલમ લગાવવામાં આવી છે. તો તથ્યના પિતા પ્રજ્ઞેશ પટેલની પણ અટકાયત કરવામાં આવી છે.
FIRની વિગતો થોડા કલાકોમાં જાહેર કરશે
ઇસ્કોન બ્રિજ પર અકસ્માત સર્જનાર તથ્ય પટેલ પણ અકસ્માત બાદ ઇજાગ્રસ્ત થયો હતો. જેથી તેને પ્રાથમિક સારવાર માટે હોસ્પિટલ ખસેડવામાં આવ્યો હતો. જો કે તેની સ્થિતિમાં થોડા સુધાર બાદ પોલીસ તથ્ય અને અકસ્માત સમયે જગુઆર કારમાં હાજર તેના મિત્રોની પણ અટકાયત કરવામાં આવી છે.
મળતી માહિતી મુજબ અકસ્માત સમયે કારમાં તથ્ય સાથે 3 યુવતી અને બે યુવક હાજર હતા. હાલ આ તમામની અટકાય કરી FIRમાં તેમના અંગેની વિગતો દાખલ કરવામાં આવી છે.
FIR થયા બાદ 24 કલાકમાં આરોપીઓને રિમાન્ડ માટે રજૂ કરાશે
FIRમાં લેવામાં આવેલી તમામ વિગતો થોડી વારમાં જાહેર કરવામાં આવશે. સામાન્ય રીતે FIRની વિગતો FIR થયાના થોડા કલાકો બાદ રજૂ કરવામાં આવશે. FIR થયા બાદ 24 કલાકમાં આરોપીઓને રિમાન્ડ માટે રજૂ કરતા હોય છે. જેથી તથ્યને પણ 24 કલાક સુધીમાં રિમાન્ડ માટે રજૂ કરવામાં આવે તેવી શક્યતા છે.
તથ્ય પટેલના તમામ રિપોર્ટ આવ્યા નોર્મલ
બીજી તરફ તથ્ય પટેલના બ્લડ રિપોર્ટ નોર્મલ આવ્યા છે. માનવામાં આવતુ હતુ કે આ કેસ ડ્રંક એન્ડ ડ્રાઇવનો કેસ હોઇ શકે છે. જેથી સિમ્સ હોસ્પિટલમાં તથ્ય પટેલના સીટી સ્કેન, બ્લડ રિપોર્ટ સહિતની મેડિકલ ટેસ્ટ કરાયા હતા. જો કે તથ્યના તમામ રિપોર્ટ નોર્મલ આવ્યા છે.
અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 6:03 pm, Thu, 20 July 23