Ahmedabad: 12 વર્ષે બદલાશે કાંકરિયાની અટલ એક્સપ્રેસ ટ્રેનના પાટા, જે સેકન્ડ હેન્ડ હશે, તેથી ખર્ચમાં થશે મોટો ઘટાડો

અમદાવાદની ઓળખ બનેલા કાંકરિયા કે જેને પહેલાના સમયમાં કોઈ જોવા પણ જતા ન હતા. પણ જ્યારથી કાંકરિયાનો વિકાસ થયો અને કાંકરિયાને એક નવી ઓળખ મળી ત્યારથી દરરોજ હજારો લોકો કાંકરિયાની મુલાકાત લે છે.

  • Updated On - 9:56 pm, Mon, 21 June 21 Edited By: Bhavesh Bhatti
Ahmedabad: 12 વર્ષે બદલાશે કાંકરિયાની અટલ એક્સપ્રેસ ટ્રેનના પાટા, જે સેકન્ડ હેન્ડ હશે, તેથી ખર્ચમાં થશે મોટો ઘટાડો
12 વર્ષે બદલાશે કાંકરિયાની અટલ એક્સપ્રેસ ટ્રેનના પાટા

અમદાવાદની ઓળખ બનેલા કાંકરિયા કે જેને પહેલાના સમયમાં કોઈ જોવા પણ જતા ન હતા. પણ જ્યારથી કાંકરિયાનો વિકાસ થયો અને કાંકરિયાને એક નવી ઓળખ મળી ત્યારથી દરરોજ હજારો લોકો કાંકરિયાની મુલાકાત લે છે. એટલું જ નહીં પણ કાંકરિયામાં વધુને વધુ લોકો આવે અને જે લોકો આવે તેમને મનોરંજન મળી રહે તે માટે વિવિધ રાઈડ સહિત સુવિધા પણ ઉભી કરાઇ છે.

કાંકરિયામાં અટલ એક્સપ્રેસ ટ્રેન શરૂ થતાં બાળકો સહિત લોકોને અલગ નજરાણું મળ્યું અને ઓળખ પણ મળી. જે કાંકરિયા આજે રાજ્યમાં પ્રખ્યાત છે. આજે કાંકરિયા ખાતે ચાલી રહેલ અટલ એક્સપ્રેસના પાટા બદલવાનો નિર્ણય કર્યો છે. જેથી 12 વર્ષ પહેલાં શરૂ કરાયેલ અટલ એક્સપ્રેશન પાટા બદલાશે. પણ તમને જાણીને નવાઈ લાગશે કે તે પાટા નવા નહીં પણ સેકન્ડ હેન્ડ નાંખવામાં આવશે.

રોડ એન્ડ બિલ્ડીંગ કમિટીના ચેરમનેનું માનવું છે કે જો નવા પાટા નાખવામાં આવે તો 2.5 થી 3 કરોડ રૂપિયા જેટલો ખર્ચ થાય. જોકે સેકન્ડ હેન્ડ પાટાના કારણે તે જ પાટા બદલવાનું કામ 50 લાખમાં પૂર્ણ થઈ શકશે. ચેરમેને એ પણ જણાવ્યું કે તમામ નિરીક્ષણ બાદ અને પાટાની મજબૂતાઈની રેલવેની ખરાઈ કર્યા બાદ આ નિર્ણય લેવાયો છે.

મેઇન્ટેનન્સના ભાગ રૂપે આ કામગીરી હાથ લેવાઈ હોવાનું પણ રોડ એન્ડ બિલ્ડીંગ કમિટીના ચેરમેને જણાવ્યું હતું. આમ, અટલ એક્સપ્રેસ ટ્રેનના પાટા સેકન્ડ હેન્ડ હશે તો ખર્ચમાં મોટો ઘટાડો થશે.

Click on your DTH Provider to Add TV9 Gujarati