Ahmedabad: રેલવે પોલીસે એપ્રિલ 2023માં અનધિકૃત ટિકિટના દલાલો પર કરી કાર્યવાહી, માત્ર એક પખવાડિયામાં 45 કેસમાં 26 લાખથી વધુની ટિકિટો જપ્ત કરાઈ
Ahmedabad: પશ્ચિમ રેલવેની RPF ટીમે એપ્રિલ 2023માં અનધિકૃત રેલવે ટિકિટ દલાલો પર કાર્યવાહી કરતા માત્ર એક પખવાડિયામાં પકડાયેલા 46 કેસમાં રૂ 46 લાખથી વધુની ટિકિટ જપ્ત કરાઈ.
પશ્ચિમ રેલવેએ નિર્દોષ મુસાફરોને લલચાવીને અને અતિશય ગેરકાયદે કમિશન વસુલતા દલાલો સામે વિશેષ અભિયાનો અને દરોડા પાડી રહી છે. દલાલો સામે સઘન કાર્યવાહી કરીને, ત્યારે પશ્ચિમ રેલવેના રેલવે પ્રોટેક્શન ફોર્સ (RPF) દ્વારા તમામ છ વિભાગોમાં નિયમિતપણે વિશેષ ડ્રાઈવો હાથ ધરવામાં આવી છે. આના પરિણામે આશરે 1088 ઈ-ટિકિટ તેમજ મુસાફરી -કમ- રિઝર્વેશન ટિકિટોની ગેરકાયદેસર રીતે વેચાણ કરવાના 46 કેસ જપ્ત કરવામાં આવ્યા છે. અને એપ્રિલ 2023માં 26.70 લાખની ટીકીટ જપ્ત કરાઈ છે.
પશ્ચિમ રેલવેના મુખ્ય જનસંપર્ક અધિકારી સુમિત ઠાકુરના જણાવ્યા મુજબ, RPF WR એ RPF ક્રાઈમ બ્રાન્ચ, સાયબર સેલ અને વિભાગોની ડિટેક્ટીવ વિંગમાંથી સમર્પિત સ્ટાફની વિશેષ ટીમો બનાવી છે. જેથી દલાલો સામે વિશેષ અભિયાન ચલાવવામાં આવે. એવું જોવામાં આવ્યું હતું કે દલાલો ઘણા નકલી ઓળખ કાર્ડનો ઉપયોગ કરીને ટિકિટ બુક કરાવતા હતા.
જેમાં કેટલાક અધિકૃત IRCTC એજન્ટો પણ સામેલ હતા. જેમણે ટિકિટ આપવા માટે નકલી ID નો ઉપયોગ કર્યો હતો. જેનાથી નિર્દોષ મુસાફરો પાસેથી વધારાના પૈસા વસૂલવામાં આવ્યા હતા. વર્ષ 2022 માં RPF WR એ 769 આરોપીઓની ગેરકાયદેસર દાવપેચના આરોપમાં ધરપકડ કરી હતી અને 629 કેસમાં 32.63 કરોડ રૂ.થી વધુની ટિકિટો જપ્ત કરી હતી.
સુમિત ઠાકુરે ઉમેર્યું હતું કે એપ્રિલ 2023 ના માત્ર 15 દિવસમાં, પશ્ચિમ રેલ્વેના આરપીએફએ સ્પેશિયલ ડ્રાઇવ દ્વારા ગેરકાયદેસર ટોટિંગના 46 કેસ શોધી કાઢ્યા હતા. અને 49 વ્યક્તિઓની ધરપકડ કરી હતી. આશરે કિંમતની ઈ-ટિકિટ સહિત 1088 પ્રવાસ ટિકિટ 1 એપ્રિલથી 15 મી એપ્રિલ દરમિયાન મળી આવેલા કેસોમાં 26.70 લાખની રકમ જપ્ત કરવામાં આવી હતી. જેમાં રેલ્વે એક્ટની કલમ 143 હેઠળ કેસ નોંધી કાર્યવાહી કરી હતી.
આ પણ વાંચો: અમદાવાદ મંડળ રેલ પ્રબંધક દ્વારા બે રેલવે કર્મચારીઓ સન્માનિત, સતર્કતા અને તકેદારીની કામગીરી માટે બિરદાવાયા
સુમિત ઠાકુરે વધુમાં જણાવ્યું હતું કે દલાલની ધરપકડ અને કાર્યવાહી માટે આવા નિયમિત અભિયાનો ઉપરાંત, RPF WR એ ગેરકાયદેસર દલાલો દ્વારા ટિકિટ ખરીદવાને નિરુત્સાહિત કરવા માટે લોકોને જાગૃત કરવા માટે અનેક જાગૃતિ અભિયાનો પણ હાથ ધર્યા છે. આ અભિયાનનો ઉદ્દેશ્ય મુસાફરોને રેલવે અધિનિયમની કલમ 143 ની કાયદાકીય જોગવાઈઓ અને દલાલ પાસેથી ટિકિટ/ઈ-ટિકિટ ખરીદવાના પરિણામો વિશે પણ શિક્ષિત કરવાનો હતો.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…