Ahmedabad : એક તરફ રાજ્ય સરકાર રૂપાણી સરકારના પાંચ વર્ષ પૂર્ણ થયાની ઉજવણી કરે છે, ત્યારે કોંગ્રેસે આ ઉજવણીનો વિરોધ કર્યો છે. અમદાવાદમાં પ્રદેશ પ્રમુખ અમિત ચાવડાના અધ્યક્ષ સ્થાને કોંગ્રેસ દ્વારા શિક્ષણ બચાવો કાર્યક્રમ યોજાયો. અમિત ચાવડાએ સરકાર પર પ્રહાર કરતા કહ્યું કે સરકાર શિક્ષણનું ખાનગીકરણ કરી રહી છે, વાલીઓ પાસેથી મસમોટી ફી વસૂલી રહી છે. અને લોકોના ટેક્સના રૂપિયાથી ઉજવણીઓ કરી રહી છે. અમિત ચાવડા એ રૂપાણી સરકાર પર આક્ષેપ કરતાં કહ્યુ હતું કે મુખ્યમંત્રી બદલાવાના ભાગ સ્વરૂપે સરકાર આ ઊજવણી કરી રહી છે. તો બીજી બીજુ સીએમ રૂપાણીએ અમિત ચાવડાના આ નિવેદનને હાસ્યાસ્પદ ઠરાવી કહ્યું હતું કે અમિત ચાવડાની અંતિમ ઘડીઓ હવે ઘડાઈ રહી છે.