ગુજરાતના 10 શહેરમાં ગરમીનો પ્રકોપ શરૂ, અંદાજીત 2 કરોડ લોકો ભોગવી રહ્યા છે ગરમી, 40 ડિગ્રીની પાર પહોંચ્યુ તાપમાન, અમરેલીમાં સૌથી વધુ ગરમી

આકરા ઉનાળાની અસર રાજ્યભરમાં વર્તાઈ રહી છે. ઉનાળાની શરૂઆતમાંજ રાજ્યના 10 શહેરોમાં ગરમીનો પારો 40 ડીગ્રીને વટાવી ચુક્યો છે.

માર્ચ મહિનાના અંતમાં જ ગરમીનો પારો 40 ડિગ્રીએ પહોંચી ગયો છે. રાજ્યભરમાં ગરમીએ પોતાનો પ્રકોપ વર્તાવ્યો છે. તેવામાં રાજ્યના 10 થી વધુ શહેરોમાં ગરમીનો પારો 40 ડિગ્રીને પાર પહોંચી ગયો છે. 43 ડિગ્રી સાથે આજે અમરેલી સૌથી ગરમ શહેર રહ્યું. તાપમાનના પારાની વાત કરીએ તો અમદાવાદમાં 42.2 ડિગ્રી, સુરેન્દ્રનગર 42.7 ડિગ્રી, રાજરોટ 42 ડિગ્રી, ભુજ 42.2 ડિગ્રી, ગાંધીનગર 40.5 ડિગ્રી, ડીસા 41.7, સુરત 40 ડિગ્રી અને ભાવનગરમાં 39.2 ડિગ્રી તાપમાન નોંધાયુ હતું.

હવામાન વિભાગ દ્વારા બે દિવસ હિટ વેવની શક્યતાઓ પણ વ્યક્ત કરી છે. હિટ વેવથી બચવા માટે ગાઈડલાઈન પણ જાહેર કરવામાં આવી છે. જેમા બપોરે 1 થી 5ના સમયમાં કામ સિવાય બહાર ન નીકળવું. પ્રવાહી વધુ પ્રમાણમા પીવુ. તકડામાં વધુ ફરવુ નહી. વગેરે માહિતી સાથે ગાઈડલાઈન જાહેર કરવામાં આવી છે.

ક્યાં કેટલી પડી ગરમી

સૌથી વધુ ગરમી અમરેલીમાં, 43 ડીગ્રી
અમદાવાદમાં 42.2 ડીગ્રી
સુરેન્દ્રનગરમાં 42.7 ડીગ્રી

રાજકોટમાં 42 ડીગ્રી
ભૂજમાં 42.2 ડીગ્રી
ગાંધીનગરમાં 40.5 ડીગ્રી
વડોદરામાં 40.6 ડીગ્રી
ડીસામાં 41.7 ડીગ્રી
સુરતમાં 40 ડીગ્રી
ભાવનગરમાં 39.2 ડીગ્રી

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]