ફિલ્મ ‘ભૂલ ભલૈયા 2’નું (Bhool Bhalaiya 2) ટીઝર લોકોમાં અત્યારે ખુબ લોકપ્રિય થઇ રહ્યું છે. અત્યારે દર્શકો ફિલ્મને લઈને ખૂબ જ ઉત્સાહિત છે. તાજેતરમાં, કાર્તિક આર્યનનો (Karthik Aryan) લૂક સામે આવ્યો હતો, જે ચાહકોને પસંદ આવ્યો હતો અને હવે ફિલ્મની અગ્રણી કલાકાર કિયારા અડવાણીનો (Kiara Advani) ફર્સ્ટ લૂક પણ જાહેર કરવામાં આવ્યો છે. જેમાં કિયારા અલગ અંદાજમાં જોવા મળી રહી છે. ચાહકોએ લાંબી રાહ જોયા પછી, કિયારા અડવાણીએ આખરે પ્રેક્ષકોને તેની બહુપ્રતીક્ષિત ફિલ્મ ભૂલભલૈયા 2મા તેના પાત્રની ઝલક સાથે પરિચય કરાવ્યો છે.
કિયારા અડવાણી આ મોશન પિક્ચરમાં તેના માથા પર ડરામણા હાથ સાથે અને બેકગ્રાઉન્ડમાં ‘અમી ચે તુમ્હાર’ ગીત વગાડતી નજરે પડે છે. કિયારાએ તેના પાત્રને ઇન્ટરડ્યુસ કરતી વખતે તેના ઇન્સ્ટાગ્રામ પરથી લખ્યું છે. ‘રીતને મળો – મૂર્ખ ન બનો – આ સુંદર નથી’. તેના આ લુક પર સોશિયલ મીડિયા પર અનેક પ્રકારની પ્રતિક્રિયાઓ આવી રહી છે. લોકોને એવી આશા પણ છે કે તે વિદ્યા બાલનના પાત્રને માત આપી શકે છે. આ ફિલ્મ આગામી તા. 20 મેના રોજ રીલિઝ થશે.
ગઈકાલે કાર્તિક આર્યન પણ તેના અનોખા લુકમાં લોકોની વચ્ચે આવ્યો હતો. કાળા કપડા પહેરીને, માથા પર કાળું કપડું બાંધીને અને હાથમાં રુદ્રાક્ષની માળા પકડીને તેણે સોશિયલ મીડિયા પર લખ્યું, ‘રુહ બાબા આવી રહ્યા છે. તારીખ 20/05/2022ના રોજ’. અત્યાર સુધી, કાર્તિક દરેક ફિલ્મમાં ડેપર બોય બનીને લોકોને પ્રભાવિત કરતો હતો, જ્યારે તેનો નવો લૂક પણ અત્યારે સમાચારોમાં છે, કાર્તિકનો સ્વેગ આમાં ખરેખર આગળ વધી રહ્યો છે અને તેના ચાહકોને પણ કાર્તિકનો તાંત્રિક બાબા બનતો જોવા માટે તલપાપડ થઇ રહયા છે.
ભૂલ ભલૈયા 2 એ વર્ષ 2022ની સૌથી વધુ રાહ જોવાતી ફિલ્મોમાંની એક છે. પહેલા આ ફિલ્મ 2021માં રિલીઝ થઈ રહી હતી, પરંતુ પછી કોરોનાને કારણે આ ફિલ્મની રિલીઝ મોકૂફ રાખવામાં આવી હતી. આ પછી તે માર્ચમાં રિલીઝ થવાની હતી, પરંતુ પછી કેટલાક કારણોસર તે મોકૂફ રાખવામાં આવી હતી પરંતુ હવે ચાહકોની રાહનો અંત આવવાનો છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો