ઉર્વશી રૌતેલાની ઇઝરાયલના પૂર્વ પ્રધાનમંત્રી બેન્જામિન નેતન્યાહુ સાથે ખાસ મુલાકાત, ભેટમાં આપી ‘ભગવદ ગીતા’
ઉર્વશીએ 2015 માં ભારત તરફથી મિસ યુનિવર્સ સ્પર્ધાનું પ્રતિનિધિત્વ કર્યું હતું અને હવે તે ફરીથી આ પ્લેટફોર્મ પર જજ તરીકે પાછી આવી છે.
બોલિવૂડ અભિનેત્રી ઉર્વશી રૌતેલા (Urvashi Rautela) હાલમાં જ ઈઝરાયેલ (Israel) ગઈ હતી. ત્યાં તે ઈઝરાયેલના પૂર્વ વડાપ્રધાન બેન્જામિન નેતન્યાહુને (Benjamin Netanyahu) પણ મળી હતી. આ મીટિંગમાં ઉર્વશીએ બેન્જામિન નેતન્યાહુને ભારત તરફથી એક યાદગાર ભેટ આપી હતી. તેણે પૂર્વ વડાપ્રધાનને ‘ભગવદ ગીતા’ અર્પણ કરી હતી. અભિનેત્રીએ તેના સોશિયલ મીડિયા એકાઉન્ટ પર આ માહિતી આપી છે. આ સાથે તેણે બેન્જામિન નેતન્યાહુ સાથેની તસવીર પણ શેર કરી છે.
તેના ઈન્સ્ટાગ્રામ એકાઉન્ટ પર ફોટો શેર કરતા ઉર્વશીએ લખ્યું, ‘મને અને મારા પરિવારને આમંત્રણ આપવા બદલ ઈઝરાયેલના પૂર્વ વડાપ્રધાનનો આભાર. #RoyalWelcome.’ ભેટનો ઉલ્લેખ કરતાં તેમણે લખ્યું, ‘મારી ભગવદ ગીતા: જ્યારે હૃદયમાંથી યોગ્ય વ્યક્તિને યોગ્ય સમયે અને યોગ્ય સ્થાને ભેટ આપવામાં આવે છે અને તેના બદલામાં બીજું કશું અપેક્ષિત નથી, તો તે ભેટ હંમેશા શુદ્ધ હોય છે.’
અભિનેત્રીએ જણાવ્યું કે આ મીટિંગમાં બંનેએ એકબીજાને પોતાના દેશની રાષ્ટ્રભાષા પણ શીખવી. ઉર્વશીની ઇઝરાયલની મુલાકાત પ્રતિષ્ઠિત આંતરરાષ્ટ્રીય સૌંદર્ય સ્પર્ધા, મિસ યુનિવર્સ 2021ના સંદર્ભમાં હતી. તેને આ સૌંદર્ય સ્પર્ધામાં જ્યુરી સભ્ય તરીકે આમંત્રિત કરવામાં આવી હતી. તમને જણાવી દઈએ કે ઉર્વશીએ 2015 માં ભારત તરફથી મિસ યુનિવર્સ સ્પર્ધાનું પ્રતિનિધિત્વ કર્યું હતું અને હવે તે ફરીથી આ પ્લેટફોર્મ પર જજ તરીકે પાછી આવી છે.
આ પણ વાંચો –
ખેડૂતોએ ડીસેમ્બર માસમાં વરિયાળી, જીરું, ઘાણા, મેથી, સુવા અને અજમો જેવા મરીમસાલાના પાકોમાં કરવાના થતા ખેતી કાર્યોની માહિતી
આ પણ વાંચો –
Saryu Canal National Project: ”ભારત શોકમાં છે, પરંતુ પીડા સાથે આગળ વધશે” CDS બિપિન રાવતના નિધન પર વડાપ્રધાન મોદીનું નિવેદન
આ પણ વાંચો –
