Bhuj The Pride of India: અજય દેવગણની ફિલ્મની રિયલ સ્ટોરી, પાકિસ્તાન સામેના યુધ્ધમાં માધાપરની વિરાંગનાઓએ 72 કલાકમાં બનાવી હતી એરસ્ટ્રીપ
માધાપરની મહિલાઓની શૂરતાને દર્શાવતી અજય દેવગણ અભિનીત ફિલ્મ 'ભુજ' ધ પ્રાઇડ ઓફ ઇન્ડિયા આગામી 13 ઓગસ્ટના રિલીઝ થવા જઈ રહી છે.
માધાપરની મહિલાઓની વિરતાને દર્શાવતી ફિલ્મ 'ભુજ' ધ પ્રાઇડ ઓફ ઇન્ડિયા આગામી 13 ઓગસ્ટના રિલીઝ થશે. 1971માં થયેલા યુદ્ધમાં પાકિસ્તાનનો ભારતના હાથે કારમો પરાજય થયો હતો તે ઇતિહાસ દેશવાસીઓ નિહાળી શકશે.
આ ફિલ્મની કહાની ભુજના માધાપરની વિરાંગનાઓ વિશે છે કે જેમણે 1971ના યુધ્ધ માટે માત્ર 72 કલાકમાં એરસ્ટ્રીપ બનાવીને અદ્દભુત બહાદુરીના દર્શન કરાવ્યા હતા.
ઉલ્લેખનીય છે કે,1971માં ભારત અને પાકિસ્તનના યુદ્ધ દરમિયાન એકમાત્ર એરસ્ટ્રીપ નષ્ટ થયુ હતુ,ત્યારે આ વિરાંગનાઓએ માત્ર 72 કલાકમાં એરપોર્ટના રનવેની કામગીરી પુર્ણ કરી હતી.
કચ્છ કલેકટરની એરસ્ટ્રીપ માટેની એક હાકલના પગલે માધાપરની 322 જેટલી સાહસી મહિલાઓ પુરા જોમ સાથે યુદ્ધમાં સહભાગી બની હતી.
કચ્છના માધાપરમાં 54 લાખના ખર્ચે વિરાંગના સ્મારક બનાવવામાં આવ્યું છે,જેનું 2015માં દેશના સંરક્ષણ મંત્રી મનોજ પારિકર દ્વારા લોકાર્પણ કરવામાં આવ્યું હતું.
એરસ્ટ્રીપ બનાવવામાં ભાગ લેનાર 322 મહિલાઓમાંથી હાલ 47 વીરાંગનાઓ હયાત છે, તેમાંની મોટા ભાગની મહિલાઓ માધાપરમાં જ રહે છે.
1971ના યુદ્ધમાં ભારતનો પાકિસ્તાન સામે ઝળહળતો વિજય થયો હતો, એ ભવ્ય જીતની સહભાગી રહેલી ખમીરવંતા કચ્છની લક્ષ્મીબાઈઓ દેશના ઇતિહાસમાં સુનહરા અક્ષરે પોતાનું યોગદાન અંકિત કર્યું છે.
ભુજ ધ પ્રાઇડ ઓફ ઇન્ડિયા નામથી રિલીઝ થતી બોલીવુડ હિન્દી ફિલ્મ બનવા પાછળ પણ માધપરની વીરાંગના મહિલાઓ છે.
Published On - 5:37 pm, Wed, 11 August 21