The Big Picture : રણવીર સિંહ કે નિશાંત ભટ? એકતા કપૂર નાગીન સિરીઝના નાગ માટે કોને પસંદ કરશે?
એકતા કપૂરની સુપર નેચરલ ડ્રામા સિરીઝ 'નાગિન' તમામ કલાકારોને પોતાની તરફ આકર્ષિત કરે છે. બોલિવૂડ એક્ટર હોય કે કોરિયોગ્રાફર, નાગિનના જાદુથી કોઈ પોતાને બચાવી શક્યું નથી.
સુપરસ્ટાર રણવીર સિંહે (Ranveer Singh) ભલે તેની કરિયરમાં ઘણા ઓડિશન આપ્યા હોય, પરંતુ દર્શકોએ તેને પહેલીવાર એકતા કપૂરની પ્રખ્યાત ફ્રેન્ચાઇઝી ‘નાગિન’માં (Naagin) ‘નાગ’ના પ્રખ્યાત પાત્ર માટે ઓડિશન આપતા જોયા છે. કલર્સ ટીવીના વિઝ્યુઅલ આધારિત રિયાલિટી શો ‘ધ બિગ પિક્ચર’ના એપિસોડમાં શોના ખૂબ જ ઉત્સાહી હોસ્ટ રણવીર સિંહે ટેલિવિઝનની એકતા કપૂર (Ekta Kapoor) અને ‘નાગિન’ ફેમ અભિનેત્રી મૌની રોયે (Mouni Roy) સ્વાગત કર્યું.
સવાલ-જવાબના સિલસિલા દરમિયાન એકતા કપૂરના સુપરહિટ શો ‘નાગિન’ વિશે વાત કરતી વખતે રણવીરે તેને પૂછ્યું કે તે નાગ વિશે શો કેમ નથી કરતી. તેણે જવાબ આપ્યો, “મને કોઈ હેન્ડસમ નાગ દેખાતો નથી,” રણવીરે તરત જ આ તક જવા ન દીધી અને સ્ટેજ પર જ ‘નાગરાજ’ના પાત્ર માટે ઓડિશન આપ્યું. આ પહેલા પણ રણવીરે નાની સરદારની સેહર અને ઉદારિયાની તેજો સામે ટીવી સિરિયલોમાં અભિનય કરવાની ઈચ્છા વ્યક્ત કરતી વખતે તેમની પાસેથી કેટલીક ટિપ્સ લીધી હતી.
નાગ માટે ઓડિશન આપવામાં આવ્યું
રણવીરે એકતા કપૂરને કહ્યું કે “હું સાબિત કરીશ કે મારામાં સાપ બનવાની ક્ષમતા છે.” આમ કહીને રણવીર સિંહે માત્ર સાપનો વેશ ધારણ કર્યો ન હતો પરંતુ સ્ટેજ પર તે પ્રખ્યાત ‘નાગિન’ ડાન્સ પણ બતાવ્યો હતો. તેના ઓડિશન દરમિયાન બધા તેના માટે તાળીઓ પાડી રહ્યા હતા. જ્યારે દરેક સેટ પર દરેક મસ્તીના મૂડમાં હતા ત્યારે અસલ નાગિન મૌની રોયે સ્વીકાર્યું કે સ્ક્રીન પર ‘નાગિન’નું પાત્ર ભજવવા છતાં તે વાસ્તવિક જીવનમાં સાપથી ડરે છે.
નિશાંત કે રણવીર સિંહ
તમને જણાવી દઈએ કે, બિગ બોસ 15ના સ્પર્ધક નિશાંત ભટે પણ કહ્યું હતું કે તે એકતા કપૂરની સીરિયલમાં સાપ બનવા માંગે છે. એટલું જ નહીં, જ્યારે એકતા બિગ બોસના ઘરમાં સ્પર્ધકોને મળવા ગઈ હતી, ત્યારે પણ એકતાએ નિશાંતને ‘માય નાગ’ કહીને પ્રોત્સાહિત કર્યા હતા. શૉમાં ઘણી વખત નિશાંત પોતાને નાગ કહી ચૂક્યો છે. હવે એ જોવાનું રસપ્રદ રહેશે કે એક તરફ રણવીર સિંહ છે અને બીજી તરફ નિશાંત ભટ ‘નાગ’ના ઓડિશનમાં કોણ પાસ થાય છે.
આ પણ વાંચો : અભિનેત્રી રકુલપ્રીત સિંહની બિલ્ડીંગમાં લાગી ભીષણ આગ, ફાયર બ્રિગેડની ટીમે આગ પર મેળવ્યો કાબુ