Bigg Boss 16 : સલમાન ખાન કે ફરાહ ખાન નહીં પરંતુ આ સેલિબ્રિટી વીકએન્ડ કા વાર હોસ્ટ કરશે?

કલર્સ ટીવીનો રિયાલિટી શો બિગ બોસ 16 તેના ફિનાલે તરફ આગળ વધી રહ્યો છે. ફિનાલે પહેલા, ચાહકોને અપેક્ષા હતી કે સલમાન આ સિઝનના છેલ્લો વીકએન્ડ કા વાર હોસ્ટ કરશે. પરંતુ બિગ બોસના ચાહકો એ જાણીને નિરાશ થશે કે સલમાન ખાન બિગ બોસ સિઝન 16ના છેલ્લા વીકએન્ડ કા વાર હોસ્ટ કરવાના નથી. તેમજ ફરાહ ખાન પણ શોને હોસ્ટ કરશે નહીં. આ બંનેની જગ્યાએ પ્રખ્યાત નિર્દેશક કરણ જોહર આ શોને હોસ્ટ કરતો જોવા મળશે.

કરણ જોહરે બિગ બોસ ઓટીટી હોસ્ટ કર્યો છે. એવું કહેવામાં આવી રહ્યું છે કે, બિગ બોસ 16 પછી Voot પર બિગ બોસ ઓટીટીની સીઝન શરૂ થવા જઈ રહી છે. આ જ કારણ છે કે, બિગ બોસના છેલ્લા વીકએન્ડ કા વાર હોસ્ટ કરવાની જવાબદારી કરણ જોહરને સોંપવામાં આવી છે. આ અઠવાડિયે, છેલ્લા વીકએન્ડ કા વારમાં એક સ્પર્ધક શોમાંથી બહાર થઈ જશે. શિવ ઠાકરે, એમસી સ્ટેન અને સુમ્બુલ તૌકીર ખાન નોમિનેટ થયા છે.

ગ્રાન્ડ ફિનાલેમાં સલમાન ખાન પરત ફરશે

ભલે સલમાન છેલ્લા વીકએન્ડને હોસ્ટ કરશે નહીં, પરંતુ દબંગ ખાન ચોક્કસપણે ગ્રાન્ડ ફિનાલેમાં હાજરી આપશે. ફિલ્મના શૂટિંગને કારણે, સલમાન શોમાં પોતાનો સમય આપી શક્યો ન હતો અને આ જ કારણ છે કે એક્સટેન્શન દરમિયાન, ફરાહ ખાન અને કરણ જોહરને શો હોસ્ટ કરવા માટે સંપર્ક કરવામાં આવ્યો હતો.

શું મંડળીને નિશાન બનાવવામાં આવી રહ્યું છે?

બિગ બૉસના ઘરમાં બે જૂથ બનાવવામાં આવ્યા છે. આ મંડળમાં સુમ્બુલ તૌકીર, શિવ ઠાકરે, એમસી સ્ટેન અને નિમ્રિત કૌર આહલુવાલિયાનો સમાવેશ થાય છે. તો બીજા ગ્રુપમાં અર્ચના ગૌતમ, પ્રિયંકા ચહર ચૌધરીનો સમાવેશ થાય છે. શાલીન બંને ગ્રુપ સાથે વાત કરે છે, પરંતુ બિગ બોસમાં ચાલી રહેલા ટાસ્કને કારણે તેને બીજા ગ્રુપમાં સામેલ કરવામાં આવ્યો છે. આ અઠવાડિયે બિગ બોસે શિવ ઠાકરેની ટીમ પર નિશાન સાધ્યું છે. આ જ કારણ છે કે, શોના ચાહકોને લાગે છે કે આ જૂથ સાથે અન્યાય છે.