YRKKH : રાજન શાહીએ સફળતાનો શ્રેય અક્ષરા-અભિમન્યુને નહીં પરંતુ આ પાત્રને આપ્યો, કહ્યું- શો બંધ થવાનો હતો

Yeh Rishta Kya Kehlata Hai Big Revelation : રાજન શાહીની ગણતરી ટેલિવિઝનના સૌથી સફળ નિર્માતાઓમાં થાય છે. નાના પડદાના ઘણા પ્રખ્યાત શો રાજન શાહીના ‘ડિરેક્ટર કટ’ હેઠળ આવે છે. હાલમાં ટીવીના ટોપ 2 શો એટલે કે સ્ટાર પ્લસના અનુપમા અને યે રિશ્તા ક્યા કહેલાતા હૈ રાજન શાહીના શો છે. બંને શો આ દિવસોમાં તેમના બેક ટુ બેક ટ્વિસ્ટ અને સારા રેટિંગ માટે ચર્ચામાં છે.

આ પણ વાંચો : TRP રિપોર્ટ 15 : TRPના મામલામાં ‘અનુપમા’ ફરી એકવાર નંબર 1 પર, ‘નાગિન 6’ ફેંકાઈ રેસમાંથી બહાર

તાજેતરમાં જ્યારે નિર્માતા રાજન શાહીએ એક ઓનલાઈન પોર્ટલ સાથેની વાતચીત દરમિયાન કહ્યું કે, યે રિશ્તા ક્યા કહેલાતા હૈમાં ઘણા મોટા ફેરફારો પણ તેમના વિચારો હતા. અક્ષરાથી લઈને નાયરા સુધી અને હવે અક્ષરા, અભિમન્યુ અને અભિનવની ભૂમિકાઓ સંબંધિત મોટાભાગના સૂચનો રાજન શાહીના હતા. તમને જણાવી દઈએ કે, આ સીરિયલમાં આ ત્રીજી મોટી જનરેશન લીપ છે.

યે રિશ્તા ક્યા કહેલાતા હૈ ઑફ એર થવાની હતી

રાજન કહે છે કે લાંબા ચાલતા શોમાં થોડાં સમય પછી બતાવવા માટે કંઈ બાકી રહ્યું નહોતું. આવી સ્થિતિમાં અમે નવા પાત્ર સાથે નવી વાર્તા રજૂ કરીએ છીએ. યે રિશ્તા ક્યા કહેલાતા હૈ ચાર-પાંચ મહિના પહેલા બંધ થવાના આરે હતી. કારણ કે શોમાં બતાવવા માટે કંઈ જ બચ્યું ન હતું અને પાત્રોની લવસ્ટોરીનો અંત આવી ગયો હતો. આ દરમિયાન બહુ ઓછા લોકોને શોમાં રસ હતો. આવી સ્થિતિમાં મેં શોમાં અભિનવની એન્ટ્રીનું આયોજન કર્યું હતું. અક્ષરા સાથે અભિનવની જોડીએ શોને વાર્તા આપી અને લોકો ફરીથી શોની વાર્તામાં રસ લેવા લાગ્યા.

રાજન કહે છે કે, અભિનવને શોમાં લાવવો એક મોટું જોખમ હતું. અભિમન્યુ અને અક્ષરાની લવ સ્ટોરી દર્શકોના મનમાં છવાયેલી હતી. બંનેની કેમેસ્ટ્રીને લોકોનો ઘણો પ્રેમ મળ્યો. તે જ સમયે ચાહકો તેને અભિરાના નામથી બોલાવવા લાગ્યા પરંતુ અક્ષરા અને અભિમન્યુની વાર્તાને આગળ લઈ જવાનું કંઈ નહોતું. આવી સ્થિતિમાં અભિનવની એન્ટ્રીએ શોના TRP રેટિંગને ફરીથી ટોચ પર લાવી દીધું. તમને જણાવી દઈએ કે, અભિનેતા જય સોની અભિનવનું પાત્ર ભજવી રહ્યો છે.

યે રિશ્તા ક્યા કહેલાતા હૈ ઘણા રેકોર્ડ ધરાવે છે

તમને જણાવી દઈએ કે, સ્ટાર પ્લસનો શો યે રિશ્તા ક્યા કહેલાતા હૈ ટેલિવિઝન પરની સૌથી લાંબી ડ્રામા સિરીઝમાંથી એક છે. આ સીરિયલે છેલ્લા 14 વર્ષમાં 4000 થી વધુ એપિસોડ ઓન એર કર્યા છે. તે જ સમયે અનુપમા પણ છેલ્લા અઢી વર્ષથી નાના પડદાના ટોપ રેટિંગ લિસ્ટમાં સામેલ છે.

2007થી પોતાની પ્રોડક્શન કંપની શરૂ કરી

નોંધપાત્ર વાત એ છે કે, રાજન શાહીએ 1993 થી આસિસ્ટન્ટ ડિરેક્ટર તરીકે તેની કરિયરની શરૂઆત કરી હતી. 2007માં તેણે પોતાની પ્રોડક્શન કંપની પણ શરૂ કરી. તે હાલમાં સ્ટાર પ્લસ માટે અનુપમા અને યે રિશ્તા ક્યા કહેલાતા હૈ જેવા શોનું નિર્માણ કરી રહ્યા છે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…