Indian Telly Awards : છોટી અનુથી લઈને સાવી સુધી, આ 4 બાળ કલાકારો બેસ્ટ બાળ એક્ટ્રેસ માટે થયા નોમિનેટ

Indian Telly Awards and Content Hub 2023 : ભારતીય ટીવી સિરિયલોમાં બાળકોના આગમન સાથે રેટિંગમાં અનેક ગણો વધારો જોવા મળ્યો છે. આ જ કારણ છે કે ટીવી જગતના ઘણા ટોપ શોની વાર્તા બાળકોની આસપાસ ફરે છે. 25 એપ્રિલ 2023ના રોજ યોજાનાર ઈન્ડિયન ટેલી એવોર્ડ્સમાં બાળકો માટે બે એવોર્ડ કેટેગરી જોવા મળી રહી છે. ચાલો ભારતીય ટેલી એવોર્ડ્સ 2023 ની શ્રેષ્ઠ બાળ અભિનેત્રી ફિમેલ કેટેગરી માટેના નામાંકન પર એક નજર કરીએ.

આ પણ વાંચો : ટીવી સિરિયલોને ડેઈલી સોપ શા માટે કહેવામાં આવે છે ? જાણો તેની પાછળનું રસપ્રદ કારણ

આરિયા સાકરિયા (ગમ હૈ કિસી કે પ્યાર મેં)

આરિયા સાકરિયા સ્ટાર પ્લસના ફેમસ શો ગમ હૈ કિસી કે પ્યારમાં સાંઈની દીકરી સાવીનું પાત્ર ભજવી રહી છે. શોમાં છલાંગ લગાવ્યા બાદ સ્ટોરી સાવી અને તેના ભાઈની આસપાસ ફરવા લાગી અને આજે પણ આ શો ટીઆરપીમાં નંબર 2 પર છે.

અસ્મી દેવ (અનુપમા)

અનુપમાની જેમ દર્શકો પણ નાની અનુને ખૂબ પ્રેમ કરે છે. તાજેતરમાં અમે જોયું કે, અસ્મી એટલે કે નાની અનુ અનુપમા અને અનુજને એકબીજાની નજીક લાવવાનો પ્રયાસ કરી રહી છે. અનુપમા છેલ્લા બે વર્ષથી TRP ચાર્ટ પર રાજ કરી રહી છે.

દેશના દુગ્ગડ (પુષ્પા ઈમ્પોસિબલ)

દેશના આ પહેલા ઘણા ટીવી શોમાં અદભૂત એક્ટિંગ બતાવી ચૂકી છે. હાલમાં તે સોની સબ ટીવી શો પુષ્પા ઈમ્પોસિબલમાં મહત્વની ભૂમિકા ભજવતી જોવા મળે છે.

માહી સોની (વાગલે કી દુનિયા)

ચાઈલ્ડ આર્ટિસ્ટ માહી ટીવી સિરિયલ વાગલે કી દુનિયામાં કિટ્ટુની ભૂમિકા ભજવતી જોવા મળે છે. તેની શાનદાર અભિનય માટે તેને ઈન્ડિયન ટેલી એવોર્ડ્સ 2023માં નોમિનેટ કરવામાં આવ્યો છે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…