Bigg Boss 17 : આ વખતે બિગ બોસનો અલગ જ રંગ જોવા મળશે, સલમાન ખાનના શોનો પ્રોમો Video સામે આવ્યો

બિગ બોસ (Bigg Boss) OTT 2 14 ઓગસ્ટના રોજ Jio સિનેમા પર સમાપ્ત થયો. ટીવીની જેમ, સલમાન ખાને OTT પર પણ આ શોને હોસ્ટ કર્યો હતો. ત્યારથી દરેક વ્યક્તિ જાણવા માંગે છે કે સલમાન ખાન ટીવી પર બિગ બોસ સીઝન 17 ક્યારે લાવશે. તેના ચાહક આ શોની આતુરતાથી રાહ જોઈ રહ્યા છે. આ દરમિયાન મેકર્સે એક પ્રોમો વિડીયો જાહેર કર્યો છે.

અલગ-અલગ અવતારમાં જોવા મળ્યો

ગુરુવારે, કલર્સ ટીવીના ઇન્સ્ટાગ્રામ પર બિગ બોસ 17નો પ્રોમો વીડિયો પોસ્ટ કરવામાં આવ્યો છે, જેમાં સલમાન ખાન હંમેશાની જેમ શાનદાર અંદાજમાં જોવા મળી રહ્યો છે. પરંતુ આ વખતે ખાસ વાત એ છે કે પ્રોમોમાં તે ઘણા અલગ-અલગ અવતારમાં જોવા મળ્યો છે. તે સૂટ અને પેન્ટમાં જોવા મળી રહ્યો છે. તે ટી-શર્ટમાં પણ જોવા મળી રહ્યો છે. એક લુકમાં તે કુર્તા પાયજામા અને કેપ પહેરેલો જોવા મળી રહ્યો છે. આ તેનો નવો લુક છે.

આ પણ વાંચો : આલિયા ભટ્ટ ન્યુ યોર્કમાં માણી રહી છે વેકેશન જુઓ Video

બિગ બોસના ત્રણ અવતાર

પ્રોમો વીડિયોમાં સલમાન ખાન કહી રહ્યો છે કે, “અત્યાર સુધી તમે માત્ર બિગ બોસ કી આંખ જ જોઈ છે. હવે આપણે બિગ બોસના ત્રણ અવતાર જોઈશું. હૃદય…મન મગજ છે…અને શ્વાસ છે.” વીડિયો શેર કરતી વખતે કેપ્શન લખ્યું હતું કે, “આ વખતે બિગ બોસ એક અલગ જ રંગ બતાવશે, જેને જોઈને તમે બધા દંગ રહી જશો.”

આ પ્રોમો વીડિયો ઘણો જોરદાર છે, જેને જોઈને લાગે છે કે બિગ બોસ 17માં દર વખતે કંઈક અલગ થવાનું છે. આ વીડિયોએ સોશિયલ મીડિયા પર ચાહકોની ઉત્સુકતા વધારી દીધી છે. દરેક વ્યક્તિ જાણવા માંગે છે કે શો ક્યારે શરૂ થશે. જોકે, મેકર્સે હજુ તારીખ જાહેર કરી નથી.

બિગ બોસ 16 ના વિજેતા

બિગ બોસ ટીવી જગતનો ખૂબ જ લોકપ્રિય રિયાલિટી શો છે. ચાહકોને આ શો ઘણો પસંદ આવી રહ્યો છે. ગયા વર્ષની વાત કરીએ તો, 16મી સીઝનનો ખિતાબ એમસી સ્ટેને જીત્યો હતો, જ્યારે શિવ ઠાકરે રનર અપ હતો.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો