Bigg Boss 16 :’જીતેગી ભાઈ જીતેગી…’, અર્ચના ગૌતમ માટે નોઈડામાં યોજાઈ ટ્રેક્ટર રેલી, જુઓ Video

આજે બિગ બોસ 16નો ગ્રાન્ડ ફિનાલે છે. આજે સોશિયલ મીડિયા પર દરેક જગ્યાએ માત્ર બિગ બોસ જ જોવા મળે છે. શોની ભવ્ય તૈયારીઓ સતત ચાલી રહી છે. ભૂતપૂર્વ સ્પર્ધકોએ પણ બિગ બોસના ઘરની અંદર પોતપોતાના પરફોર્મન્સનું શૂટિંગ કર્યું છે. જેમ કે બધા જાણે છે, બિગ બોસ 16 ના ટોપ 5 સ્પર્ધકો પ્રિયંકા ચહર ચૌધરી, શિવ ઠાકરે, અર્ચના ગૌતમ, એમસી સ્ટેન અને શાલીન ભનોટ છે. દરેક જગ્યાએ માત્ર આ સ્પર્ધકોની જ ચર્ચા થઈ રહી છે.

ચાહકો આજના ગ્રાન્ડ ફિનાલે માટે ખૂબ જ ઉત્સાહિત

સામાન્ય લોકોથી લઈને ટીવી સ્ટાર્સ સુધી દરેક વિજેતાના નામનો અંદાજ લગાવી રહ્યા છે. બિગ બોસના ચાહકો ટ્વિટર પર બિગ બોસ 16 ફિનાલે સતત ટ્રેન્ડ કરી રહ્યાં છે. સ્પર્ધકોની સાથે સામાન્ય લોકો પણ આજના ગ્રાન્ડ ફિનાલે માટે ખૂબ જ ઉત્સાહિત છે. ટોપ 5માં પોતાનું સ્થાન બનાવનારી અર્ચના પણ સતત લાઈમલાઈટમાં રહી છે. મેરઠની અર્ચના ગૌતમને વિજેતા બનાવવા માટે નોઈડામાં ટ્રેક્ટર અને વાહનોમાં રેલીનું આયોજન કરવામાં આવ્યું હતું.

વીડિયો સોશિયલ મીડિયા પર વાયરલ

આ દરમિયાન મોટી સંખ્યામાં લોકો એકઠા થયા હતા અને અર્ચનાની જીતના નારા લગાવ્યા હતા. દરેક લોકોએ ‘જીતેગી ભાઈ જીતેગી, અર્ચના જીતેગી’ ના નારા લગાવતા જોવા મળ્યા હતા. આ દરમિયાન આ વીડિયો સોશિયલ મીડિયા પર જોરદાર વાયરલ થઈ રહ્યો છે. વીડિયોમાં જોઈ શકાય છે કે તેના ચાહકોએ હાથમાં અર્ચનાના મોટા બેનર પકડ્યા છે. યુપીની દીકરીને જીતાડવા માટે દરેક લોકો અર્ચના માટે વોટ માંગી રહ્યા છે.

ફિનાલે ટ્રોફી જીતવાની રેસમાં અર્ચના ગૌતમ

નોઈડાના માયાવતી પાર્કમાં કલાકો સુધી અર્ચનાની જીતના નારા લાગ્યા હતા. આ વીડિયોને શેર કરતી વખતે, અર્ચના દ્વારા ટ્વિટર પર બોલવામાં આવેલ એક ડાયલોગ પણ કેપ્શનમાં લખવામાં આવ્યો છે. ટ્વિટર પર લખ્યું, જેટલું મોટું સપનું, જેટલી મોટી મુશ્કેલીઓ અને એટલી મોટી મુશ્કેલીઓ હશે, તેટલી મોટી તમારી જીત થશે. એમાં કોઈ શંકા નથી કે અર્ચનાએ આ શો એટલી ગંભીરતાથી રમ્યો છે અને આટલી તીવ્રતાથી અન્ય કોઈ સ્પર્ધકે આ રમત રમી નથી.