T20 World Cup 2021: ‘મૌકા-મૌકા’ એડ વાળો છોકરો એન્જીનીયર છે, શાહરુખ-સલમાન સાથે અભિનય કરી ચૂક્યો છે, જાણો પૂરી ડીટેઇલ
જ્યારે પણ ભારત અને પાકિસ્તાન (India vs Pakistan) ક્રિકેટ ટીમો વચ્ચે મેચ થાય છે, ત્યારે આ મેચ પહેલા જાહેરાતો ટીવી પર ધમાલ મચાવવાનું શરૂ કરે છે.
જ્યારે પણ ભારત અને પાકિસ્તાન (India vs Pakistan) વચ્ચે ક્રિકેટ મેચ થાય છે ત્યારે તેની ચર્ચા દરેક જગ્યાએ થાય છે. મેદાનની બહારથી લઇને મેદાનની અંદર સુધી માહોલ ગરમ રહે છે. આ ટક્કરની હાજરી ટીવી વિજ્ઞાપનોમાં પણ જોવા મળે છે, જેમાં સૌથી પ્રસિદ્ધ વિજ્ઞાપનોમાંની એક 'મૌકા-મૌકા' છે. 2015 માં વર્લ્ડકપ (T20 World Cup 2021) દરમિયાન ટીવી પર પહેલી વખત આ જાહેરાત જોવા મળી હતી અને ત્યાર બાદ જ્યારે પણ ભારત અને પાકિસ્તાન ક્રિકેટ ટીમો ટકરાશે ત્યારે આ જાહેરાત આવે છે. ટેગલાઇન મૌકા-મૌકા (Mauka Mauka) સામાન્ય હોવા સાથે તેની વધુ એક વસ્તુ સામાન્ય છે અને તે છે પાકિસ્તાની ચાહક બનેલો અભિનેતા. તે વાસ્તવમાં ભારતીય છે અને તેનું નામ વિશાલ મલ્હોત્રા છે. અમે તમને તેમના વિશે વધુ વિગતવાર જણાવવા જઈ રહ્યા છીએ.
વિશાલ મલ્હોત્રા (Vishal Malhotra) દિલ્હીનો રહેવાસી છે. જ્યારે તે પહેલી વખત આ જાહેરાતમાં દેખાયો ત્યારે તે 25 વર્ષનો હતો અને હવે તે 32 વર્ષનો થઇ ચૂક્યો છે. અભિનયમાં હાથ અજમાવતા પહેલા, મલ્હોત્રાએ એસેન્ચર માટે પણ કામ કર્યું હતું. તે એન્જીનિયર હતો. તેણે એક વર્ષ સુધી આ કંપનીમાં સેવા આપી છે.
નોકરી છોડ્યા બાદ અભિનયમાં આવેલા મલ્હોત્રાએ શાહરૂખ ખાન સાથે લક્સ સાબુની જાહેરાતમાં કામ કર્યું હતું. આ ઉપરાંત, તે સોની, કેએફસી અને પ્રિયા ગોલ્ડ બિસ્કિટની જાહેરાતોમાં પણ દેખાયો છે.
એડ ફિલ્મમાં કામ કરવા ઉપરાંત મલ્હોત્રાએ ફિલ્મોમાં પણ કામ કર્યું છે. તેણે રાગિણી એમએમએસ 2 અને 1920 લંડન જેવી ફિલ્મોમાં પોતાનો અભિનય બતાવ્યો છે.
મૌકા-મૌકા દ્વારા એડમાં આવ્યા પછી તે પ્રખ્યાત બન્યો. તે એટલો પ્રખ્યાત થયો કે તેણે એક દિવસમાં 80 સેલ્ફી લેવાનું શરૂ કર્યું. તે પ્રથમ એડમાં દેખાયો પરંતુ બીજામાં દેખાયો નહીં કારણ કે તે તેનો એકમાત્ર કરાર હતો. પરંતુ કંપનીએ તેને લોકપ્રિયતા જોઈને ત્રીજી એડમાં પાછો બોલાવ્યો હતો. તેણે પ્રથમ એડ એટલા માટે લીધી કારણ કે તેને એક દિવસમાં 20 થી 25 હજાર રૂપિયા કમાવાની તક હતી.
જ્યારે તે મુંબઈમાં આ જાહેરાતનું શૂટિંગ કરી રહ્યો હતો, ત્યારે એક પોલીસકર્મી તેને કરાંચીનો રહેવાસી સમજી લીધો હતો. તેણે પોતે એક ઇન્ટરવ્યુમાં આ વાત કહી હતી. મલ્હોત્રાએ ટીવી સિરિયલ 'યે પ્યાર નહીં તો ક્યા હૈ'માં પણ કામ કર્યું છે.