આંધ્ર પ્રદેશમાં પૂર પીડિતોની મદદે આવ્યા સુપર સ્ટાર પ્રભાસ, CMRFને આપ્યુ 1 કરોડનું દાન

‘રાધે શ્યામ’ અભિનેતા પ્રભાસ (Prabhas) જનતા માટે તારણહાર તરીકે ઉભરી આવ્યો છે, કારણ કે તેણે આંધ્રપ્રદેશમાં (Andhra Pradesh) પૂર પીડિતોની (Flood victims) મદદ માટે મુખ્યમંત્રી રાહત ફંડમાં 1 કરોડ રૂપિયાનું દાન આપ્યું છે. તાજેતરમાં તિરુપતિ અને તેની આસપાસના વિસ્તારોમાં ભારે વરસાદ થયો છે, જેનાથી ઘણા લોકોને અસર થઈ છે. હૈદરાબાદમાં વિનાશક વરસાદ અને એપ્રિલ 2020 માં લોકડાઉન દરમિયાન પણ, અભિનેતાએ 4.5 કરોડ રૂપિયાનું દાન આપ્યું હતુ, જે તમામ અગ્રણી વ્યક્તિઓ દ્વારા આપવામાં આવેલા દાન કરતાં ઘણું વધારે હતું.

આંધ્રપ્રદેશના ઘણા ભાગોમાં ભારે વરસાદ અને લેન્ડ સ્લાઇડને કારણે ભારે તારાજી સર્જાઈ છે. ભારે વરસાદ અને લેન્ડ સ્લાઇડને કારણે રાજ્યમાં જાનમાલનું ઘણું નુકસાન થયું છે. આવી સ્થિતિમાં, અસરગ્રસ્ત લોકો માટે મદદનો હાથ લંબાવતા, પ્રભાસે એક કરોડ રૂપિયા દાન કરવાનો નિર્ણય કર્યો. પ્રભાસના આ પગલાથી તેના ફેન્સ ઘણા ખુશ છે.

પ્રભાસ પહેલા સાઉથ ફિલ્મ ઈન્ડસ્ટ્રીના ઘણા સ્ટાર્સે આંધ્રપ્રદેશના મુખ્યમંત્રી રાહત ફંડમાં 25-25 લાખ રૂપિયાની રકમ દાનમાં આપી છે. રાધે શ્યામ અભિનેતા પહેલા, સુપરસ્ટાર ચિરંજીવી, તેમના પુત્ર અને સ્ટાર્સ રામ ચરણ, જુનિયર એનટીઆર, મહેશ બાબુ અને અલ્લુ અર્જુન જેવા કલાકારોએ ભારે વરસાદથી અસરગ્રસ્તોને દાન આપ્યું હતું. સાઉથ ફિલ્મ ઈન્ડસ્ટ્રીના કલાકારોને અસરગ્રસ્ત લોકોની મદદ કરવા બદલ તેમના ચાહકોને ખૂબ જ પસંદ આવે છે.

વર્ક ફ્રન્ટની વાત કરીએ તો પ્રભાસ ટૂંક સમયમાં તેની આગામી ફિલ્મ રાધે શ્યામમાં પૂજા હેગડે સાથે રોમાન્સ કરતો જોવા મળશે. આ ફિલ્મ 14 જાન્યુઆરી, 2022 ના રોજ સંક્રાંતિના અવસર પર રિલીઝ થવા જઈ રહી છે. આ ફિલ્મમાં પ્રભાસ એક એવું પાત્ર ભજવી રહ્યો છે જે તેણે પહેલાં ક્યારેય ભજવ્યુ નથી. ખાસ વાત એ છે કે પ્રભાસના ફેન્સ તેની ફિલ્મ જોવા માટે આતુરતાથી રાહ જોઈ રહ્યા છે.

ફિલ્મના બે ગીતો પણ રિલીઝ થયા છે. જ્યાં ‘આશિકી આ ગયી’ ગીતમાં પ્રભાસ અને પૂજાની રોમેન્ટિક લવ સ્ટોરી જોવા મળે છે, તો ‘સોચ લિયા’ ગીત બે તૂટેલા દિલના દર્દની વાર્તા કહે છે. ફિલ્મના ગીતોએ ચાહકોમાં ઉત્સુકતા વધારી દીધી છે. હવે તે આ ફિલ્મની રિલીઝની રાહ જોઈ રહ્યો છે. આ ફિલ્મ સિવાય પ્રભાસની ફિલ્મ ‘આદિપુરુષ’ પણ રિલીઝ થવાની તૈયારીમાં છે. આ ફિલ્મનું શૂટિંગ પૂરું થઈ ગયું છે, પરંતુ તેની રિલીઝ ડેટ હજુ જાહેર કરવામાં આવી નથી.

આ પણ વાાંચો –

સુશાંત સિંહ રાજપુતને યાદ કરીને ભાવુક થઇ સારા અલી ખાન, કેદારનાથને 3 વર્ષ પૂર્ણ થવા પર લખ્યુ- Missing You…

આ પણ વાંચો –

’15 વર્ષ કરો વેક્સીનેશનની ઉંમર, આરોગ્ય કર્મચારીઓને આપો બૂસ્ટર ડોઝ,’ આદિત્ય ઠાકરેએ ઓમિક્રોનના જોખમને જોતા કેન્દ્ર પાસે કરી માંગ