Big News: વિવાદો વચ્ચે શિલ્પા શેટ્ટી કરશે નવી શરૂઆત, OTT પર ધૂમ મચાવવા તૈયાર અભિનેત્રી
બોલિવૂડ અભિનેત્રી શિલ્પા શેટ્ટી વર્ષોથી તેના ચાહકોના દિલ પર રાજ કરી રહી છે. હવે શિલ્પાના ચાહકો માટે એક ખુશખબર આવી છે. શિલ્પા જલ્દી જ મોટી વેબ સિરીઝમાં જોવા મળી શકે છે.
શિલ્પા શેટ્ટી (Shilpa Shetty) લાંબા સમયથી વિવાદોમાં ઘેરાયેલી છે. શિલ્પાના પતિ રાજ કુન્દ્રા (Raj Kundra) લાંબા સમયથી જેલમાં છે. રાજની અશ્લીલ ફિલ્મો બનાવવા બદલ ધરપકડ કરવામાં આવી હતી. આવી સ્થિતિમાં પતિ જેલમાં હોવાને કારણે શિલ્પા પણ હેડલાઇન્સમાં છે. દરમિયાન, સમાચાર આવી રહ્યા છે કે શિલ્પા તેની કારકિર્દીની નવી શરૂઆત કરવા જઈ રહી છે.
વાસ્તવમાં શિલ્પા શેટ્ટી OTT પર ડેબ્યૂ કરવા જઈ રહી છે. ઘણા બોલિવૂડ સ્ટાર્સ લાંબા સમયથી OTT ડેબ્યૂ કરી રહ્યા છે. આ લીસ્ટમાં સુષ્મિતા સેન પછી શાહિદ કપૂર, માધુરી દીક્ષિત, સોનાક્ષી સિન્હા, જુહી ચાવલાના નામ સામેલ છે. પરંતુ હવે આ યાદીમાં શિલ્પા શેટ્ટી કુંદ્રાનું (Shilpa Shetty Kundra) નામ પણ સામેલ થવા જઈ રહ્યું છે.
શિલ્પા ઓટીટી પર ડેબ્યૂ કરશે
ખાનગી સમાચાર સંસ્થાના અહેવાલો અનુસાર, હવે શિલ્પાના ચાહકો ખૂબ ઉત્સાહિત થઈ શકે છે. શિલ્પા ઓટીટી પર પગ મૂકવા માટે તૈયાર છે. શિલ્પા શેટ્ટીએ પણ ઓટીટી પર ડેબ્યૂ કરવાની તમામ તૈયારીઓ કરી લીધી છે.
રિપોર્ટ અનુસાર, શિલ્પાનો OTT ડેબ્યુ પ્રોજેક્ટ મહિલા લીડ સેન્ટ્રીક પ્રોજેક્ટ હશે. એવું કહેવામાં આવી રહ્યું છે કે અભિનેત્રીનો આ રોલ લગભગ સુષ્મિતા સેનની આર્યા જેવો હોઇ શકે છે. અભિનેત્રી સાથે સિરીઝને લઈને લગભગ અંતિમ વાતચીત ચાલી રહી છે. હવે માત્ર રાહ જોવાઈ રહી છે કે અભિનેત્રી ક્યારે તેના નવા સફરની જાહેરાત કરશે. તે જ સમયે, શિલ્પા શેટ્ટીના ચાહકો તેની નવી શરૂઆતના સમાચારથી ખૂબ ખુશ છે.
શિલ્પાનું કામ
બીજી બાજુ, જો આપણે શિલ્પાના વર્ક ફ્રન્ટ વિશે વાત કરીએ, તો તાજેતરમાં ફેન્સે પ્રિયદર્શનની ફિલ્મ ‘હંગામા 2’માં શિલ્પા શિલ્પાને જોઈ. વર્ષો બાદ શિલ્પાએ આ ફિલ્મથી કમબેક કર્યું. જોકે હંગામા 2 બહુ ખાસ કરી શકી નથી. ફિલ્મમાં શિલ્પા સાથે પરેશ રાવલ, આશુતોષ રાણા, મીજાન જાફરી, જોની લીવર જેવા સ્ટાર્સ હતા.
આ સિવાય શિલ્પા શેટ્ટી ડાન્સિંગ રિયાલિટી શો સુપર ડાન્સર 4 ને પણ જજ કરી રહી છે. ફેન્સ શિલ્પાને આ શોમાં જજ તરીકે ખૂબ પસંદ કરે છે. તે જ સમયે, છેલ્લા કેટલાક મહિનાઓ તેમના અંગત જીવનમાં ખૂબ ખરાબ રહ્યા છે. તેના પતિ જેલમાં ગયા પછી, શિલ્પાએ પોતાની જાતને થોડા સમય માટે સુપર ડાન્સરથી દૂર કરી હતી.