Shilpa Shetty Fraud Case: છેતરપિંડી કેસમાં ફરિયાદ થઇ હોવાનું જાણીને શિલ્પા ચોંકી ઉઠી, કહી દીધું કંઈક આવું

શિલ્પા શેટ્ટી (Shilpa Shetty) અને તેના પતિ રાજ કુન્દ્રા (Raj Kundra) છેલ્લા કેટલાક સમયથી મુશ્કેલ સમયમાંથી પસાર થઈ રહ્યા છે. પોર્ન કન્ટેન્ટ કેસમાં બે મહિનાથી વધુ સમયથી જેલમાં રહેલા રાજ કુન્દ્રા હાલમાં જ જેલમાંથી બહાર આવ્યા છે. હાલમાં જ મુંબઈની બાંદ્રા પોલીસે શિલ્પા શેટ્ટી અને તેના પતિ રાજ કુન્દ્રા વિરુદ્ધ છેતરપિંડી બદલ ફરિયાદ નોંધી છે. નીતિન બારાઈ નામના વ્યક્તિએ કપલ પર 1.51 કરોડની છેતરપિંડીનો આરોપ લગાવ્યો છે. હવે આ મામલે શિલ્પા શેટ્ટીનું નિવેદન પણ સામે આવ્યું છે.

સોશિયલ મીડિયા પર પોતાનું નિવેદન જાહેર કરતા શિલ્પા શેટ્ટીએ લખ્યું હતું કે, હું સવારે જાગી કે તરત જ મને ખબર પડી કે મારી અને રાજ વિરુદ્ધ FIR દાખલ કરવામાં આવી છે. મને આનાથી આશ્ચર્ય થાય છે. હું ઉલ્લેખ કરવા માંગુ છું કે SFL ફિટનેસ એ એક વેન્ચર છે. જે કાશિફ ખાન દ્વારા ચલાવવામાં આવ્યું હતું.

તેણે આ નામથી દેશભરમાં ફિટનેસ જીમ ખોલવાના અધિકારો લીધા હતા. તે તમામની જવાબદારી તેની પાસે હતી. અમને ન તો તેમના કોઈ વ્યવહાર વિશે ખબર છે અને ન તો અમે તેમની પાસેથી કોઈ પૈસા લીધા છે.

શિલ્પા શેટ્ટીએ આગળ લખ્યું – બધી ફ્રેન્ચાઈઝી માત્ર કાશિફ સાથે જ ડીલ કરે છે. આ કંપની 2014 માં બંધ થઈ ગઈ હતી અને તેની સંપૂર્ણ સંભાળ કાશિફ ખાન પાસે હતી. મેં મારા જીવનના 28 વર્ષ સખત મહેનત કરી છે પરંતુ જ્યારે મારું નામ અને પ્રતિષ્ઠા ખૂબ જ સરળતાથી નુકસાન થાય છે ત્યારે મને ખૂબ જ દુઃખ થાય છે. હું કાયદાનું પાલન કરતી આદરણીય નાગરિક છું અને મારા અધિકારોનું રક્ષણ થવું જોઈએ.

નીતિન બારાઈ નામના વ્યક્તિએ શિલ્પા શેટ્ટી અને તેના પતિ રાજ કુન્દ્રા વિરુદ્ધ ફરિયાદ નોંધાવી છે અને આરોપ લગાવ્યો છે કે શિલ્પા અને રાજે ફિટનેસ કંપની SFL દ્વારા 2014-15માં નીતિનને 1.51 કરોડની છેતરપિંડી કરી હતી. બારાઈએ પોલીસને જણાવ્યું કે તેને કહેવામાં આવ્યું હતું કે જો તે તેની કંપનીની ફ્રેન્ચાઈઝી લઈને સ્પા અને જીમ ખોલે તો ઘણો ફાયદો થશે.

બારાઈએ આ પછી 1 કરોડ 59 લાખ રૂપિયાથી વધુનું રોકાણ કર્યું. આ પછી આરોપીઓએ બારાઈના પૈસા પોતાના ફાયદા માટે વાપર્યા અને જ્યારે તેઓએ પૈસા પરત કરવાની માંગ કરી તો તેઓએ ધમકીઓ આપવાનું શરૂ કર્યું હતું.

ફરિયાદ બાદ કહેવામાં આવી રહ્યું છે કે આ મામલે શિલ્પા શેટ્ટી અને રાજ કુન્દ્રાની પૂછપરછ કરવામાં આવી શકે છે. જણાવી દઈએ કે રાજ કુન્દ્રાની મુંબઈ ક્રાઈમ બ્રાન્ચે 19 જુલાઈએ પોર્ન ફિલ્મો બનાવવા બદલ ધરપકડ કરી હતી. આ પછી મુંબઈ ક્રાઈમ બ્રાન્ચે રાજ કુન્દ્રા વિરુદ્ધ કોર્ટમાં 1500 પાનાની ચાર્જશીટ દાખલ કરી હતી. રાજ કુન્દ્રા લગભગ 62 દિવસ બાદ જેલમાંથી જામીન પર છૂટ્યા હતા. રાજ કુન્દ્રા પર અશ્લીલ કન્ટેન્ટ બનાવવાનો અને તેને હોટશોટ નામની એપ પર અપલોડ કરવાનો તેમજ ઘણી સંઘર્ષશીલ અભિનેત્રીઓને બ્લેકમેલ કરવાનો આરોપ છે.

આ પણ વાંચો : Viral Video : દુલ્હને હરિયાણવી સ્ટાઈલમાં કર્યો જબરદસ્ત ડાન્સ, વીડિયો જોઈને તમે પણ કરવા લાગશો ડાન્સ

આ પણ વાંચો : Ahmedabad: દૂધેશ્વર સફાઈ કામદાર આવાસની હાલત કફોડી, ત્રણ મહિનાથી ઉભરાય છે ગટર, બીમારીનો ભય