રિતેશ દેશમુખનું ઓટીટી ડેબ્યૂ, તમન્ના ભાટિયા સાથે Plan A Plan B માં કરશે ધમાલ

Web Series:  કોવિડ રોગચાળાને કારણે જ્યા એક તરફ થિયેટરો બંધ થયા હતા, ત્યાંજ આ સમયગાળા દરમિયાન ઓટીટી પ્લેટફોર્મ્સને ખૂબ સારો પ્રતિસાદ મળ્યો હતો. ઘણા સ્ટાર્સે ઓટીટી તરફ પોતાનું વલણ અપનાવ્યું છે. હવે રિતેશ દેશમુખ (Riteish Deshmukh) પણ આ યાદીમાં જોડાઈ ગયા છે. રિતેશ ટૂંક સમયમાં ફિલ્મ પ્લાન એ પ્લાન બી (Plan A Plan B) માં જોવા મળશે જે નેટફ્લિક્સ પર રિલીઝ થશે. આ ફિલ્મમાં રિતેશ સાથે તમન્ના ભાટિયા (Tamannaah Bhatia) મુખ્ય ભૂમિકામાં છે. શશાંક ઘોષ (Shashanka Ghosh) ફિલ્મનું નિર્દેશન કરી રહ્યા છે.

તમને જણાવી દઈએ કે શશાંક હાલમાં કાર્તિક આર્યન (Kartik Aaryan) ની ફિલ્મ ફ્રેડી (Freddy) નું નિર્દેશન કરી રહ્યા છે. શશાંકે અગાઉ વીરે દી વેડિંગ (Veere Di Wedding) અને ખુબસુરત (Khoobsurat) જેવી ફિલ્મો બનાવી છે. પ્લાન એ અને પ્લાન બી ની વાર્તા રજત અરોરા (Rajat Arora) એ લખી છે જેણે અગાઉ વન્સ અપોન ટાઈમ ઈન મુંબઈ, ડર્ટી પિક્ચર, કિક અને ગબ્બર ઈઝ બેક જેવી ફિલ્મો માટે વાર્તાઓ લખી છે. આ ફિલ્મ દ્વારા રજત એક લેખક તેમજ નિર્માતા તરીકે કામ કરવા જઈ રહ્યો છે.

ફિલ્મમાં રિતેશ અને તમન્ના ઉપરાંત પૂનમ ઢિલ્લોન અને કુશા કપિલા પણ ફિલ્મમાં મહત્વની ભૂમિકા ભજવી રહ્યા છે. આ ફિલ્મ 190 દેશોમાં નેટફ્લિક્સ પર રિલીઝ થશે. પ્લાન એ અને પ્લાન બી વિશે વાત કરતા શશાંકે કહ્યું, હું Netflix સાથે પ્લાન એ અને પ્લાન બી ની જાહેરાત કરવા માટે ખૂબ જ ઉત્સાહિત છું. તે એક અલગ વાર્તા હશે જેમાં અસામાન્ય પાત્રો એકબીજા સામે ઉભા છે અને સાથે આમાં પ્રેમ પણ અલગ રીતે દર્શાવવામાં આવ્યો છે. હું દર્શકોને આ ફિલ્મ બતાવવા માટે ખૂબ જ ઉત્સાહિત છું અને આશા રાખું છું કે દરેકને તે ગમશે.

આ ફિલ્મ વિશે રિતેશે કહી આ વાત

બીજી બાજુ, રિતેશે આ ફિલ્મ વિશે કહ્યું કે, હું પ્લાન એ અને પ્લાન બી નો ભાગ બનીને ખૂબ જ ખુશ છું, અને સાથે ઉત્સાહિત છું મારા ડિજિટલ ડેબ્યુને લઈને. શશાંક સર સાથે કામ કરવાની ખૂબ જ મજા આવી. મને સૌથી રોમાંચક લાગ્યું તે છે ફિલ્મની સ્ટોરી લાઈન અને આ અનએક્સપેક્ટેડ લવ સ્ટોરીની જર્ની.

શું બોલી તમન્ના

તમન્ના ભાટિયાએ કહ્યું, આ ફિલ્મ મારા માટે ખૂબ જ ખાસ છે. આ ફિલ્મ સાથે સંબંધિત દરેક બાબત, પછી ભલે તેની વાર્તા હોય કે મારું પાત્ર, શરૂઆતથી જ મારું દિલ જીતી લીધું છે. તમન્નાએ તેના પાત્ર વિશે કહ્યું – હું ફિલ્મમાં મેચ મેકરની ભૂમિકા ભજવી રહી છું. હું બીજાઓને પ્રેમ વિશે કહું છું, પણ હું તેનાથી ખુબ દૂર છું. ફિલ્મમાં કામ કરવાની ખૂબ જ મજા આવી હતી અમે બધા સેટ પર ખૂબ મસ્તી કરતા હતા. હું લોકોને આ અલગ વાર્તા બતાવવા માટે ખૂબ જ ઉત્સાહિત છું.

તમને જણાવી દઈએ કે ફિલ્મનું શૂટિંગ પૂરું થઈ ગયું છે અને હવે માત્ર ફિલ્મની રિલીઝની રાહ છે. તમન્ના અને રિતેશ આ ફિલ્મ દ્વારા પ્રથમ વખત સાથે કામ કરી રહ્યા છે.

આ પણ વાંચો :- Good News: સૈફ અલી ખાનના ચાહકોને મળી અનોખી ભેટ, સપ્ટેમ્બરની આ તારીખે OTT પર રિલીઝ થશે ‘ભૂત પોલીસ’

આ પણ વાંચો :- Kareena Kapoor એ માલદીવમાં ઉજવ્યો સૈફ અલી ખાનનો જન્મદિવસ, તૈમુર અને જહાંગીર આ સ્ટાઇલમાં દેખાયા