Release Date: સલમાન ખાન અને આયુષ શર્મા સ્ટારર ‘અંતિમ’ની રિલીઝ ડેટ થઈ જાહેર, જાણો ક્યારે થિયેટરમાં કરશે ધમાલ

ચાહકો હંમેશા બોલિવૂડ અભિનેતા સલમાન ખાન (Salman Khan)ની ફિલ્મોની રિલીઝની રાહ જોતા હોય છે. વર્ષોથી ચાહકોના દિલમાં સલમાન ખાન વસેલા છે. સલમાન ખાનની ફિલ્મ અંતિમ (Antim)ની રિલીઝ ડેટ આજે જાહેર કરવામાં આવી છે.

ફિલ્મમાં સલમાન તેમના બનેવી આયુષ શર્મા (Ayush Sharma) સાથે જોવા મળશે. બંને પહેલીવાર કોઈ ફિલ્મ કરવા જઈ રહ્યા છે. તમને જણાવી દઈએ કે આ ફિલ્મ આવતા મહિને રિલીઝ થવા જઈ રહી છે. ફિલ્મ ‘અંતિમ: ધ ફાઈનલ ટ્રુથ’ (Antim: The Final Truth)નું પોસ્ટર પહેલા જ રિલીઝ કરવામાં આવ્યું છે. આ પોસ્ટરમાં સલમાન અને આયુષ લડતા જોવા મળે છે, ત્યારબાદ ચાહકો તેની રિલીઝ ડેટની રાહ જોઈ રહ્યા હતા, જે હવે પૂરી થઈ ગઈ છે.

સલમાને જાહેર કરી અંતિમની રિલીઝ ડેટ

આજે સલમાન ખાને સોશિયલ મીડિયા પ્લેટફોર્મ દ્વારા ચાહકો સાથે અંતિમની રિલીઝ ડેટ શેર કરી છે. ફિલ્મની રિલીઝ ડેટની જાહેરાત કરતા સલમાન ખાને લખ્યું છે કે #Antim 26.11.2021ના ​​રોજ વિશ્વભરના સિનેમાઘરોમાં રિલીઝ થઈ રહી છે.

છેલ્લા કેટલાક વર્ષોમાં રેસ 3, લવયાત્રી, ભારત, દબંગ 3, કાગઝ, રાધે અને હવે અંતિમ જેવી અનેક ફિલ્મો કર્યા પછી, આ ZEE અને @punitgoenka સાથે એક GR8નો જોડાણ છે. મને ખાતરી છે કે તે આગામી વર્ષોમાં ઝીને વધુ ઉંચાઈ પર લઈ જશે. આ સમાચારથી ચાહકોમાં ખુશીની લહેર છે. તે લાંબા સમયથી સમાચારમાં હતું કે આ ફિલ્મ દિવાળીની આસપાસ રિલીઝ થઈ શકે છે.

મરાઠી ફિલ્મની છે રિમેક

તમને જણાવી દઈએ કે અંતિમ મરાઠી હિટ ફિલ્મ મુલ્શી પેટર્નની હિન્દી રિમેક છે. ‘અંતિમ’ની વાર્તા વિશે વાત કરીએ તો સલમાન ખાન એક પોલીસની ભૂમિકામાં અને આયુષ શર્મા એક ગેંગસ્ટરની ભૂમિકામાં જોવા મળશે. ફિલ્મમાં બંનેનો એક અલગ લુક જોવા મળશે. આ ફિલ્મનું એક ગીત પણ અગાઉ રિલીઝ કરવામાં આવ્યું હતું, જે ખૂબ પસંદ કરવામાં આવ્યું છે.

‘અંતિમ: ધ ફાઇનલ ટ્રુથ’ સિવાય સલમાન ખાન પાસે અત્યારે ઘણી વધુ ફિલ્મો છે, જેમાંથી ‘કભી ઈદ કભી દિવાળી (Kabhi Eid Kabhi Diwali)’, ‘કિક 2’ (Kick 2) અને ‘ટાઈગર 3’ (Tiger 3) જેવી ફિલ્મો સામેલ છે. તાજેતરમાં સલમાન ખાને વિદેશમાં ટાઈગર 3નું શૂટિંગ પૂર્ણ કર્યું છે, હવે તેનું બાકીનું શૂટિંગ મુંબઈમાં પૂર્ણ થશે. આ સાથે દબંગ ખાન બિગ બોસ 15 (Bigg Boss 15) ને હોસ્ટ કરતા પણ જોવા મળે છે.

આ પણ વાંચો :- શું સિદ્ધાર્થ શુક્લાના મૃત્યુ પછી કાયમ માટે મુંબઈ છોડી રહી છે શહેનાઝ ગિલ? જાણો શું છે સત્ય

આ પણ વાંચો :- Drugs Case: શાહરૂખ ખાનના પુત્ર આર્યનને સતીશ માનશિંદે ન અપાવી શક્યા જામીન, હવે આ વકીલ લડશે કેસ