Rapper MC TodFod Passed Away: રણવીર સિંહ સ્ટારર ‘ગલી બોય’ ફેમ ધર્મેશ પરમારનું નિધન, ગુજરાતી રેપ માટે ખૂબ જ પ્રખ્યાત હતા

Rapper MC TodFod Passed Away : MC ટોડફોડ તરીકે જાણીતા રેપર ધર્મેશ પરમાર (Dharmesh Parmar)નું નિધન થયું છે. તે 24 વર્ષનો હતો. ધર્મેશ મુંબઈના સ્ટ્રીટ રેપર્સ સમુદાયનું એક જાણીતું નામ હતું. MC Toddhod તેમના ગુજરાતી રેપ માટે ખૂબ જ પ્રખ્યાત હતા. થોડા વર્ષો પહેલા ધર્મેશે રણવીર સિંહની ફિલ્મ ગલી બોય (Gully Boy)ના સાઉન્ડટ્રેક માટે પોતાનો અવાજ આપ્યો હતો. તે સ્વદેશી નામના સિંગિંગ બેન્ડનો ભાગ હતો. બેન્ડે તેમના મૃત્યુની પુષ્ટિ કરી છે. એવું કહેવામાં આવી રહ્યું છે કે MC એટલે કે ધર્મેશ પરમારનું કાર અકસ્માતમાં મોત થયું છે. જો કે હજુ સુધી આ અંગે કોઈ સત્તાવાર પુષ્ટિ કરવામાં આવી નથી.

આજે એટલે કે સોમવાર 21 જુલાઈએ એમસી ટોડ ફોડના અંતિમ સંસ્કાર થવાના છે. આ વિશે માહિતી આપતાં તેમના બેન્ડ સ્વદેશીએ તેમના ઇન્સ્ટાગ્રામ એકાઉન્ટ પર એક પોસ્ટ શેયર કરી છે અને આ સાથે તેણે રેપર એમસી ટોડને પણ તેમની ખાસ શૈલીમાં શ્રદ્ધાંજલિ આપી છે. તાજેતરમાં યોજાયેલા ‘સ્વદેશી મેળા’માં એમ.સી. તોડફોડ દ્વારા કરવામાં આવેલ પ્રદર્શનનો વીડિયો પોસ્ટ કરીને તેમને આ શ્રદ્ધાંજલિ આપવામાં આવી છે. આ પ્રદર્શન તેનું છેલ્લું પ્રદર્શન સાબિત થયું.

રેપર રફ્તારે શ્રદ્ધાંજલિ આપી

લોકપ્રિય રેપર રફ્તારે સ્વદેશીને આપેલી આ શ્રદ્ધાંજલિ સાથે કોમેન્ટ કરી છે. રફ્તાર એ હકીકત પર દુઃખ વ્યક્ત કર્યું કે આ પ્રતિભાશાળી ગાયક ખૂબ જ જલ્દી આ દુનિયા છોડી ગયો. તેમનું એક આલ્બમ ‘ટ્રુથ એન્ડ બાસ’ 8 માર્ચે રિલીઝ થયું હતું. ધર્મેશ પરમારે તેમની કારકિર્દીમાં ઘણા આંતરરાષ્ટ્રીય પરફોર્મન્સ પણ આપ્યા. જો કે તે સોશિયલ મીડિયા પર બહુ એક્ટિવ ન હતો, પરંતુ તેના ગીતો લોકોને પસંદ આવ્યા હતા.

 રાજીવ દીક્ષિતને આઈડલ માનતો

મુંબઈની BDD ચાલમાં રહેતા MC Toddhodની વિચારસરણી એકદમ અલગ હતી. તેના વિચારોને કારણે જ તેણે રૈપ કરવાનું વિચાર્યું. તેમની રેપિંગ સ્ટાઈલને ‘કોન્સિયસ રેપિંગ સ્ટાઈલ’ કહેવામાં આવે છે કારણ કે તેમના ગીતો લોકોની વિચારસરણી પર આધારિત હતા. તેમનો પરિવાર તેમને ક્રાંતિકારી રેપર માનતો હતો. ધર્મેશ રાજીવ દીક્ષિતને પોતાનો આદર્શ માનતો હતો અને તેમની વાત સાંભળીને તેણે ‘સ્વદેશી’ બેન્ડની શરૂઆત કરી હતી.

આ પણ વાંચો : જાણો IPL 2022 પહેલા સૌથી સફળ ટીમ કઈ? છેલ્લી 14 સિઝનમાં માત્ર 6 ટીમોએ ટાઈટલ જીત્યું, 2નો દબદબો રહ્યો