Mai Review : ‘માઈ’ વેબ સીરીઝમાં સુપર હીરો તરીકેનું પાત્ર ભજવી રહી છે સાક્ષી તંવર’, વાંચો સસ્પેન્સ થ્રિલરનું સંપૂર્ણ રિવ્યુ

કલાકાર: સાક્ષી તંવર, રાયમા સેન, વિવેક મુશ્રાન

ક્યાં જોવું – Netflix

રેટિંગ: 3.5

નેટફ્લિક્સ (Netflix) પર રિલીઝ થયેલી વેબ સિરીઝ ‘માય’ એક માતાના સંઘર્ષની વાર્તા છે. સાક્ષી તંવરની આ વેબ સિરીઝના ટ્રેલર લૉન્ચ થયા બાદ દર્શકોએ તેની સરખામણી દિવંગત અભિનેત્રી શ્રીદેવીની ફિલ્મ ‘મોમ’ સાથે કરી હતી. જોકે સાક્ષી (Mai)ની આ વેબ સિરીઝ સાવ અલગ વાર્તા કહે છે. જે માતા પોતાના બાળક માટે બધું ખર્ચવા તૈયાર હોય છે, એ જ માતા (Sakshi Tanwar) સમય આવવા પર દુર્ગાનું રૂપ ધારણ કરીને પોતાના બાળકને દુઃખ પહોંચાડનારા લોકોને પાઠ શીખવવામાં શરમાતી નથી. તેનો અનુભવ આપણને આ વેબ સિરીઝ સાથે પણ થાય છે.

વાર્તા:

આ શીલની વાર્તા છે, જે ડૉક્ટર નથી, પરંતુ નર્સ હોવા છતાં, તે આસપાસના જરૂરિયાતમંદ લોકોની સારવાર પણ કરે છે. શીલ, જે તેના પતિ અને મૂંગી પુત્રી (Wamika Gabbi) સાથે રહે છે. તે તેના જીવનમાં ખુશ છે પરંતુ અચાનક તેની દુનિયા અટકી જાય છે. જ્યારે શીલની પુત્રીનું ટ્રક અકસ્માતમાં મૃત્યુ થાય છે. જો કે, શીલને તેની આસપાસની ઘટનાઓ પરથી ખ્યાલ આવે છે કે, તેની પુત્રીનું મૃત્યુ કોઈ સામાન્ય અકસ્માત નથી પરંતુ કોઈનું ઈરાદાપૂર્વકનું કાવતરું છે. જ્યારે શીલની આ શંકા વિશ્વાસમાં પરિવર્તિત થાય છે, ત્યારે આપણને આ વેબ સિરીઝમાં આ સંઘર્ષની વાર્તા જોવા મળે છે. તેની પુત્રીની મુશ્કેલીઓ અને તે તેના હત્યારા સુધી કેવી રીતે પહોંચે છે તે જાણવા મળે છે.

અભિનય:

આ વેબ સિરીઝની સુપરહીરો સાક્ષી તંવર છે. માતાની વેદના, પરિવાર તરફથી મદદ ન મળતાં તે અનુભવાતી લાચારી, દીકરીના હત્યારાને પાઠ ભણાવવાનો માથું ઊંચકાયેલો જુસ્સો, દીકરીના વેર માટે કંઈ પણ કરી છૂટવાની ભાવના, સાક્ષીએ પ્રેક્ષકો સામે ભારે ઉત્સાહ સાથે રજૂ કરી હતી. તેણે ફરી એકવાર સાબિત કર્યું છે કે, તે એક અદભૂત અભિનેત્રી છે. સાક્ષી સાથે, રાયમા સેન, વિવેક મુશ્રાન અને બાકીના કલાકારોએ પણ તેમની ભૂમિકાઓને સંપૂર્ણ ન્યાય આપ્યો છે.

શા માટે જોવી:

આ એક રસપ્રદ સસ્પેન્સ થ્રિલર છે. કલાકારોના અભિનય અને વાર્તા માટે આ શ્રેણી અવશ્ય જોવી જોઈએ. આ વાર્તામાં કોઈ ખેલ નથી પરંતુ તેમ છતાં આ વાર્તા દર્શકોને પોતાની સાથે જોડી રાખે છે.

શા માટે જોવી નહીં:

આ સિરીઝ કોમેડી સિરીઝ નથી. 6 એપિસોડની આ શ્રેણીમાં અમુક સમયે એવું લાગે છે કે, વાર્તાને ખેંચવામાં આવી રહી છે. જો કોઈને સસ્પેન્સ થ્રિલરમાં રસ નથી, તો તે આ શ્રેણીને છોડી શકે છે.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-