Ormax Stars India Loves : કરીના, અનુષ્કા, પ્રિયંકાને પછાડીને કિયારા વધી ગઈ આગળ, જાણો Top 10 પ્રિય અભિનેત્રીઓ

દરરોજ નવી ઊંચાઈઓને સ્પર્શતા કિયારા અડવાણી (Kiara Advani) ભારતની સૌથી લોકપ્રિય અને મનપસંદ અભિનેત્રીઓમાંથી એક તરીકે ઉભરી આવી છે. કિયારાએ એક સર્વેમાં આ મુકામ હાંસલ કર્યો છે. કિયારા અડવાણીએ ભારતની સૌથી મનપસંદ અભિનેત્રીઓની ફૈબ ફોર લીગમાં સ્થાન મેળવ્યું, જેમાં આલિયા ભટ્ટ, દીપિકા પાદુકોણ અને કેટરિના કૈફનો સમાવેશ થાય છે. કિયારાને આ યાદીમાં ચોથું સ્થાન મળ્યું છે.

કિયારાએ ગયા મહિને રિલીઝ થયેલી ફિલ્મ ‘શેરશાહ’માં ડિમ્પલ ચીમા તરીકે પાત્ર ભજવ્યું હતું, કિયારાને તેના મોહક અને પ્રભાવશાળી અભિનય માટે અભૂતપૂર્વ પ્રશંસા અને સફળતા મળી હતી. આ સફળતા પછી, કિયારા અડવાણીએ આલિયા ભટ્ટ, દીપિકા પાદુકોણ, કેટરિના કૈફ સહિત ‘ઓર્મેક્સ સ્ટાર્સ ઇન્ડિયા લવ્સ’ની યાદીમાં ચોથું સ્થાન મેળવ્યું. તે જ સમયે, કૃતિ સેનન આ યાદીમાં પાંચમા સ્થાને છે. ખૂબ જ ટૂંકા ગાળામાં, કિયારા અડવાણીએ હિટ અને વૈવિધ્યસભર પ્રદર્શન સાથે મોટા સ્ટાર તરીકે પોતાનું સ્થાન બનાવ્યું છે. આ યાદીમાં કિયારાએ પ્રિયંકા ચોપરા અને કરીના કપૂર ખાનને પણ પાછળ છોડી દીધા છે.

જુઓ કોણ છે ટોપ 10 માં

કિયારાના કાર્યની વિશ્વવ્યાપી પ્રશંસા

તાજેતરમાં, કિયારા અડવાણીએ શાહરૂખ ખાન, અલ્લુ અર્જુન, સલમાન ખાન, ટોમ હિડલસ્ટોન અને સંગ હૂન જેવા આંતરરાષ્ટ્રીય આઇકોન લીગમાં સ્થાન મેળવ્યું છે. આમાં પ્રિયંકા ચોપરા સિવાય એક માત્ર મહિલા સ્ટાર કિયારા છે જે વિશ્વભરમાં સૌથી વધુ પસંદ કરાયેલા કલાકારોમાં આવે છે. આગામી દિવસોમાં, તે ઘણા અપેક્ષિત પ્રોજેક્ટ્સમાં જોવા મળશે.

એમ.એસ.ધોની, કબીર સિંહ, ગુડ ન્યૂઝ, ગિલ્ટી અને શેરશાહ જેવી સુપરહિટ ફિલ્મોમાં સાક્ષી, પ્રીતિ, મોનિકા, નાનકી અને ડિમ્પલ જેવા પ્રતિષ્ઠિત પાત્રો સાથે, કિયારા અડવાણીએ તેની વર્સેટિલિટીના વિવિધ પાસાઓ દર્શકોને બતાવ્યા છે. આવનારા સમયમાં, તે ઘણા રસપ્રદ પ્રોજેક્ટ્સમાં જોવા મળશે. ભૂલ ભુલૈયા 2, જગ જુગ જિયો, શશાંક ખેતાનની આગામી ફિલ્મ એસ શંકરની આરસી 15 જેવી અનેક ફિલ્મથી કિયારા અડવાણી હજુ વધુ ધૂમ મચાવવા તૈયાર છે.

તમને જણાવી દઈએ કે, શેરશાહ ફિલ્મમાં કિયારાએ ખૂબ જ પ્રશંસનીય અભિનય કર્યો હતો. તેના માટે તેને દરેક તરફથી પ્રશંસા મળી હતી. ડિમ્પલ ચીમાના રૂપમાં કિયારાને દર્શકોએ ખૂબ પસંદ કરી હતી. જોકે કેપ્ટન વિક્રમ બત્રાની ગર્લફ્રેન્ડને કોઈએ જોઈ નથી, પરંતુ કિયારાએ બખૂબી તેમનું પાત્ર ભજવ્યું હતું.

આ પણ વાંચો: Bigg Boss Ott: મહિલાઓ વિશેના નિવેદન પર ભડક્યા કરણ જોહર, રાકેશ બાપટની કાઢી ઝાટકણી

આ પણ વાંચો: કેમેરામાં કેદ: આમિર ખાને મુંબઈમાં શરુ કર્યું ‘લાલ સિંહ ચઢ્ઢા’નું શૂટિંગ, કરીના સાથે જોરદાર લુકની તસ્વીરો વાયરલ