Tv9 Exclusive KBC 13: જીતેલી રકમને આ રીતે ખર્ચ કરશે જ્ઞાન રાજ, જાણો આ પહેલા સ્પર્ધકના શું છે સપના

‘કૌન બનેગા કરોડપતિ સિઝન 13’ ના (Kaun Banega Crorepati 13) પ્રથમ સ્પર્ધક ઝારખંડના (Jharkhand) જ્ઞાન રાજે શોના હોસ્ટ અમિતાભ બચ્ચનને (Amitabh Bachchan) પોતાની ધારદાર બુદ્ધિથી પ્રભાવિત કરીને ત્રણ લાખ વીસ હજાર રૂપિયા જીત્યા હતા. Tv9 Bharatvarsh સાથે ખાસ વાતચીતમાં જ્ઞાન રાજે કહ્યું કે તે ઈનામની રકમ કેવી રીતે ખર્ચ કરશે. જ્ઞાન રાજ (Gyan Raj) એક ખાનગી શાળામાં શિક્ષક તરીકે કાર્યરત છે. તેઓ માને છે કે ખાનગી શાળાઓમાં સરકારી શાળાઓની સરખામણીમાં પગાર ઘણો ઓછો છે. એટલા માટે તે ઈનામમાં મળેલા પૈસાને કુશળતાપૂર્વક ખર્ચવા માંગે છે.

જ્ઞાન રાજની નાની બહેન મેડિકલનો અભ્યાસ કરી રહી છે. જ્ઞાન રાજ તેમના દ્વારા મેળવેલા નાણાંનો અમુક હિસ્સો તેના શિક્ષણ માટે ખર્ચવા માંગે છે. આ સિવાય જ્ઞાન રાજ પોતાની શાળામાં ભણતા બાળકોને કેટલીક સારી સુવિધાઓ આપવા પર ધ્યાન કેન્દ્રિત કરવા માંગે છે. જ્ઞાન રાજના પિતા, જે તેની માતા અને બહેન સાથે મુંબઈ આવ્યા હતા, શો શરૂ થયો ત્યાં સુધી તેઓ તેમના પુત્રની KBC માં ભાગ લેવાની વાતથી અજાણ હતા. ખરેખર જ્ઞાન રાજ તેમને સરપ્રાઈઝ આપવા માંગતો હતો. તેથી જ્યારે એપિસોડ શરૂ થયો ત્યારે તેના પિતાને અમિતાભ બચ્ચનની સામે તેમના પુત્રને બેઠેલો જોઈને આશ્ચર્ય થયું.

અમિતાભ બચ્ચનના ફેન બન્યા

જ્ઞાન રાજ, પોતાનો અનુભવ કહેતી વખતે, ‘કૌન બનેગા કરોડપતિ’ના હોસ્ટ અમિતાભ બચ્ચનની પ્રશંસા કરે છે. સેટ પર જતાની સાથે જ અમિતાભ બચ્ચનની સામે જવાનો વિચાર કરીને તેઓ ખૂબ જ નર્વસ થઈ ગયા. પરંતુ જ્યારે તેઓ અમિતાભ બચ્ચનની સામે હોટ સીટ પર બેઠા ત્યારે બિગ બીએ ખુદ તેમના શબ્દોથી તેમનો ડર દૂર કર્યો. આટલો મોટો સુપરસ્ટાર હોવા છતાં, લોકો સાથે વાત કરતી વખતે સામેનાને પોતાના બનાવી દેવાની અમિતાભની આ શૈલી જ્ઞાન રાજને ખુબ ગમી.

જ્ઞાન રાજના સપના અલગ છે

સ્પર્ધક જ્ઞાન રાજ સાથે તેની બહેન અને માતાને પણ અમિતાભ બચ્ચનને મળવાની તક મળી. માત્ર ઝારખંડ જ નહીં, પરંતુ સમગ્ર દેશના જરૂરિયાતમંદ બાળકો સાથે જોડાવાનું અને તેમને જ્ઞાન શીખવવું રાજનું સપનું છે. સોશિયલ મીડિયા દ્વારા તે તે બાળકોને મળવા અને તેમને માર્ગદર્શન આપવા માંગે છે. તેઓએ આ બધું તેમના ગામમાં રહીને કરવાનું છે. એન્જિનિયર હોવા છતાં રાજ શિક્ષણ ક્ષેત્રે કંઇક કરવાની આકાંક્ષા રાખે છે.

આ પણ વાંચો: સલમાન ખાનને એરપોર્ટ પર રોકનાર ASI સોમનાથ મોહંતીની મુશ્કેલીઓ વધી, જાણો કેમ થઈ આ કાર્યવાહી

આ પણ વાંચો: Exclusive: BMC ની ચૂંટણીમાં સોનુ સૂદ કોંગેસનો પકડશે હાથ? અભિનેતાએ TV9 ને જણાવ્યું સત્ય