Bigg Boss Ott: મહિલાઓ વિશેના નિવેદન પર ભડક્યા કરણ જોહર, રાકેશ બાપટની કાઢી ઝાટકણી

બિગ બોસ ઓટીટી (Bigg Boss Ott) સન્ડે કા વારમાં, કરણ જોહરે (Karan Johar) શમિતા શેટ્ટી (Shamita Shetty) સાથે રાકેશ બાપટના (Raqesh Bapat) તેના બદલાતા વર્તન અને મહિલાઓ વિશેની તેની ટિપ્પણી પર રાકેશનો ક્લાસ લઇ લીધો.

તમને જણાવી દઈએ કે રાકેશે એક ટાસ્ક દરમિયાન ટિપ્પણી કરી હતી કે પુરુષો સ્ત્રીઓ કરતા વધારે મજબૂત હોય છે. રાકેશના આ નિવેદન પર કરણે તેનો ક્લાસ લીધો અને કહ્યું કે તમારા નિવેદનનો અર્થ એ છે કે તમે મહિલાઓને નબળી માનો છો.

કરણે કહ્યું, ‘તમારે આવી ટિપ્પણી ન કરવી જોઈએ. આપણે એવા સમયમાં જીવી રહ્યા છીએ જ્યાં કોઈ કોઈથી ઓછું નથી.’ રાકેશ પોતાનો ખુલાસો આપતા કહે છે કે મને ખબર છે કે મહિલાઓની શક્તિ શું છે. હું એવા ઘરમાં ઉછર્યો જ્યાં સ્ત્રીઓ વધુ રહે છે.

મૂસે કરણને ટેકો આપ્યો અને કહ્યું કે મેં રાકેશને કહ્યું કે તાકાત જેન્ડરથી આવતી નથી. જોકે, શમિતાએ રાકેશને ટેકો આપ્યો હતો અને કહ્યું હતું કે રાકેશનો તે સમયે અર્થ એવો નહોતો. તેણે વાત એવી રીતે કરી કે લોકોને ગેરસમજ થઇ ગઈ. કરણે અંતમાં એમ પણ કહ્યું કે રાકેશને સમજવો માત્ર મુશ્કેલ જ નહીં પણ નામુમકિન પણ છે.

શમિતાએ શું કહ્યું?

કરણે શમિતાને પૂછ્યું કે શું રાકેશે તેનું દિલ તોડી નાખ્યું છે, ત્યારે શમિતા કહે છે, ‘જો રાકેશ વિચારે છે કે તે મને દુ:ખ આપવા નથી માંગતો અને મારાથી દૂર રહેવા માંગે છે, તો તે ખોટું કરી રહ્યો છે.’

દિવ્યા અગ્રવાલને કારણે અંતર આવી રહ્યું છે?

રાકેશ અને શમિતા શોની શરૂઆતથી એકદમ નજીક હતા. બંને વચ્ચેનો સંબંધ ખૂબ જ મજબૂત અને ગાઢ બની રહ્યો હતો. ચાહકો પણ બંનેની કેમિસ્ટ્રીને પસંદ કરી રહ્યા હતા, પરંતુ પછી અચાનક બંને વચ્ચે અણબનાવ શરૂ થયો અને પછી બંને વચ્ચે લડાઈ વધી. ફેન્સનું કહેવું છે કે આનું કારણ દિવ્યા અગ્રવાલ છે.

ખરેખર શમિતાને દિવ્યા અને રાકેશની જોડી પસંદ નથી. શમિતાને લાગે છે કે હવે રાકેશ તેને છોડીને દિવ્યા સાથે ગાઢ સંબંધ બાંધે છે. અભિનેત્રી એમ પણ માને છે કે દિવ્યા રાકેશને તેની વિરુદ્ધમાં કરી રહી છે અને તેને પોતાની સાઈડમાં કરી રહી છે.

રાકેશના મનમાં સોફ્ટ કોર્નર છે?

તાજેતરમાં, નેહા ભસીન સાથે વાત કરતા શમિતાએ કહ્યું, મને લાગે છે કે રાકેશને દિવ્યા માટે સોફ્ટ કોર્નર છે.

આ પણ વાંચો: રિલેશનશિપ વિશેના સમાચાર પર ટપ્પુ અને બબીતાનો ગુસ્સો સાતમાં આસમાને, બંનેએ લોકોને કહી આ વાત

આ પણ વાંચો: કેમેરામાં કેદ: આમિર ખાને મુંબઈમાં શરુ કર્યું ‘લાલ સિંહ ચઢ્ઢા’નું શૂટિંગ, કરીના સાથે જોરદાર લુકની તસ્વીરો વાયરલ