‘ડ્રગ કેસમાં પુત્રની ધરપકડ માટે જેકી ચેને માંગી હતી માફી’, કંગના રનૌતે નામ લીધા વગર આર્યન ખાન કેસમાં સાધ્યું શાહરુખ પર નિશાન
બોલિવૂડ અભિનેત્રી કંગના રનૌત સોશિયલ મીડિયા પર ખૂબ જ સક્રિય રહે છે. કંગના દરરોજ સોશિયલ મીડિયા દ્વારા પોતાની વાત કહેતી રહે છે. હવે ફરી એકવાર અભિનેત્રીની બેબાક શૈલી જોવા મળી છે.
બોલીવુડ સુપરસ્ટાર શાહરુખ ખાન (Shah Rukh Khan)ના પુત્ર આર્યન ખાન (Aryan Khan)ની તાજેતરમાં NCB દ્વારા ડ્રગ્સ કેસમાં ધરપકડ કરવામાં આવી છે. અત્યારે આર્યન 14 દિવસ માટે જેલમાં બંધ છે. આર્યનના વકીલો સતત તેને જામીન અપાવવાનો પ્રયાસ કરી રહ્યા છે.
આવી સ્થિતિમાં રિતિક રોશન (Hrithik Roshan)થી લઈને પૂજા ભટ્ટ (Pooja Bhatt) સુધી તમામ સેલેબ્સ શાહરૂખની તરફેણમાં આવ્યા છે. પરંતુ કંગના રનૌત (kangana ranaut) આ બાબતે અભિનેતાનું નામ લીધા વગર નિશાન બનાવતી જોવા મળે છે. હા, તાજેતરમાં જ્યારે રિતિકે આર્યન ખાનને ટેકો આપ્યો હતો, ત્યારે કંગનાએ તેનો વિરોધ કર્યો હતો, હવે અભિનેત્રી જેકી ચેન (Jackie Chan)નું નામ લઈને શાહરુખને નિશાન બનાવવાનો પ્રયાસ કર્યો છે.
એક સમયે જેકી ચેનના પુત્ર જેસી ચેનની ડ્રગ્સના કેસમાં ધરપકડ કરવામાં આવી હતી, પરંતુ તે પછી જેકીએ આખી દુનિયાની માફી માંગી હતી. આવી સ્થિતિમાં કંગનાએ તાજેતરમાં ઈન્સ્ટાગ્રામ પર આનું ઉદાહરણ આપવાનો પ્રયાસ કર્યો છે.
કંગનાએ શાહરૂખ પર સાધ્યું નિશાન?
પોતાના ઈન્સ્ટાગ્રામ હેન્ડલ પર કંગનાએ એક ફોટો શેર કર્યો છે જેમાં જેકી ચેન અને તેનો દીકરો જોવા મળી રહ્યો છે. એટલું જ નહીં, અભિનેત્રીએ પોસ્ટમાં લખ્યું, ‘જેકી ચેને સત્તાવાર રીતે માફી માંગી હતી, જ્યારે તેમના પુત્રની 2014માં ડ્રગ્સ કેસમાં ધરપકડ કરવામાં આવી હતી.
તેમણે કહ્યું હતું કે ‘મને પુત્રની હરકતોથી શરમ આવે છે, તે મારી નિષ્ફળતા છે અને હું તેને બચાવવા માટે હસ્તક્ષેપ કરીશ નહીં’ અને આ પછી તેના પુત્રને 6 મહિનાની જેલ થઈ અને માફી પણ માગી. અભિનેત્રીએ આ પોસ્ટ શેર કરીને લખ્યું, “#justsaying”.
હવે, આ પોસ્ટ દ્વારા શાહરુખ ખાનનું નામ લીધા વિના કંગનાએ એ કહેવાનો પ્રયાસ કર્યો છે કે કિંગ ખાને આર્યન ખાન કેસ પર પણ માફી માંગવી જોઈએ. આવી સ્થિતિમાં ફરી એકવાર ચાહકોમાં છવાયેલી રહેતી કંગના રનૌતનું આ નિવેદન હેડલાઈન્સમાં આવી ગયું છે.
જેકીએ માંગી હતી માફી
જ્યારે જેકીને લાગ્યું કે તેણે આગળ આવવું જોઈએ, ત્યારે જેકીએ આખી દુનિયાની માફી માંગી હતી. અભિનેતાએ કહ્યું હતું કે મને ખૂબ શરમ આવે છે. તે જ સમયે, તેમના પુત્ર પર નિરાશા વ્યક્ત કરતા, તેમણે સોશિયલ મીડિયા પર લખ્યું, ‘હું મારા પુત્રની હરકતોથી ખૂબ ગુસ્સે છું અને મને શરમ આવે છે. તે સમયે અભિનેતાના ખૂબ વખાણ પણ થયા હતા.
આ પણ વાંચો:-Lakme Fashion Week 2021: શ્રદ્ધા કપૂરે ગ્લેમરસ અવતારમાં વિખેર્યો જલવો, ફોટા જોઈને ચાહકો થયા દિવાના
આ પણ વાંચો:- Aryan Khan Drug Case: આર્યન ખાનની જામીનનો NCB કરશે વિરોધ, શાહરુખ ખાનના ડ્રાઈવર પાસેથી મળી મહત્વની માહિતી