Jailer Star cast Fees : સાઉથના સુપર સ્ટાર રજનીકાંતે Jailer માટે કેટલી લીધી ફી ? આ સ્ટાર્સે પણ ફિલ્મમાં પાત્ર માટે કરોડો લીધા

સાઉથ થલાઈવા એક્ટર રજનીકાંતની ફિલ્મ જેલર માત્ર દેશમાં જ નહીં વિદેશમાં પણ સિનેમાઘરોમાં રિલીઝ થઈ છે. દર્શકો આ ફિલ્મ પર પ્રેમ વરસાવી રહ્યા છે. દેશના ઘણા ભાગોમાં, લોકો વહેલી સવારે ઢોલના તાલે નાચતા અને ગાતા તેમના પ્રિય સ્ટારની આ ફિલ્મનું સ્વાગત કરતા જોવા મળ્યા હતા. દર્શકો લગભગ બે વર્ષ પછી રજનીકાંતના ભવ્ય કમબેકની ઉજવણી કરી રહ્યા છે.

ફિલ્મ જેલરના એડવાન્સ બુકિંગને જોતા ટિકિટ વિન્ડો અને બુકિંગ એપ પર પણ ટિકિટ માટે ધસારો ચાલી રહ્યો છે. તો ઘણી જગ્યાએ ફ્રી ટિકિટનું વિતરણ કરવામાં આવ્યું હોવાના સમાચાર છે. આ ફિલ્મ દર્શકોને પસંદ આવી રહી છે. તેમના મતે જેલર પૈસા વસૂલ ફિલ્મ છે. દર્શકોના પૈસા વસૂલવામાં આવી રહ્યા છે, પરંતુ શું તમે જાણો છો કે ફિલ્મ જેલરમાં કામ કરવા માટે આ સ્ટાર્સે મોટી રકમમાં ફિલ્મ સાઈન કરી છે. જો નહીં, તો ચાલો જાણીએ કે કયા સ્ટારે નિર્માતા એ કેટલી ફી લીધી છે.

જેલર માટે રજનીકાંતે કેટલી લીધી ફી ?

મીડિયા રિપોર્ટ્સ અનુસાર ફિલ્મ જેલરનું કુલ બજેટ 225 કરોડની આસપાસ છે. ફિલ્મમાં થલાઈવા પોલીસ ઓફિસરની ભૂમિકામાં છે. જેણે ફિલ્મમાં ઘણા બધા એક્શન સીન કર્યા છે. રિપોર્ટ્સનું માનીએ તો રજનીકાંતે ફિલ્મના બજેટના 48 ટકા એટલે કે આશરે રૂ. 110 કરોડ લીધા છે. રકમની દ્રષ્ટિએ, તે ખૂબ મોટી રકમ છે.

આ સિવાય સાઉથના સુપરસ્ટાર મોહનલાલે ફિલ્મમાં કેમિયો કરવા માટે 8 કરોડ રૂપિયા લીધા છે. ફિલ્મમાં મોહનલાલનું પાત્ર કેમિયોનું હોઈ શકે છે. પરંતુ તે મહત્વની ભૂમિકામાં છે. જ્યારે શિવા રાજકુમારને 4 કરોડ, અભિનેતા જેકી શ્રોફ અને તમન્ના ભાટિયાને પણ 4 કરોડ ચૂકવવામાં આવ્યા છે. રજનીકાંત, મોહનલાલ અને કન્નડ સુપરસ્ટાર શિવા રાજકુમાર બધાએ પોતપોતાના દેખાવથી દર્શકોના દિલ જીતી લીધા છે. તો બીજી તરફ તમન્નાના સિઝલિંગ પરફોર્મન્સે લોકોને ડાન્સ કરવા મજબૂર કરી દીધા છે.

(video credit- Sun TV)

બોલિવુડ ફિલ્મો સાથે ટક્કર છત્તા જબરદસ્ત કમાણી

મોટા પડદા પર ગદર 2 અને OMG 2 સાથે જેલરની સીધી ટક્કર છે, પરંતુ એડવાન્સ બુકિંગમાં આ ફિલ્મ આગળ રહી હતી તેમજ રજનીકાંતનો સાઉથમાં ક્રેઝ એવો છે કે દક્ષિણ ભારતના ઘણા શહેરોમાં કંપનીઓએ તેમના કર્મચારીઓને 10 ઓગસ્ટે ઓફિસોમાં રજા જાહેર કરી દીધી હતી, જેથી તેઓ જઈને ફિલ્મ જોઈ શકે.