ગુજરાતી ફિલ્મ Welcome Zingadi આવતીકાલે થશે રિલીઝ, ‘ખિચડી’ સિરિયલથી પ્રખ્યાત બાપુજીનો જોવા મળશે અલગ અંદાજ

ગુજરાતી ફિલ્મો અલગ અલગ વિષયો સાથે રજૂ થઈ રહી છે અને સારી બાબત એ છે કે અલગ અલગ પ્રકારના વિષયોને ખૂબ સરસ રીતે પડદા ઉપર રજૂ કરવામાં આવે છે. સિનિયર સિટિઝનની વેલકમ જિંદગીમાં (Welcome Zindagi) વાત કરવામાં આવી છે. ડિરેક્ટર ભાવેશ ગોરસિયાએ આ ફિલ્મમાં વૃદ્ધાશ્રમ સમાજમાં આશીર્વાદ રૂપ છે કે અભિશાપ રૂપ તે બાબતને હેમંત પારેખ એટલે કે અનંગ દેસાઈના માધ્યમથી રજૂ કરી છે. પોતાના બાળકોને પ્રેમ કરતા માતા-પિતા કેવી રીતે વૃદ્ધાશ્રમમાં શાંતિથી જીવી શકે છે. આ સ્ટોરી ફિલ્મમાં રજૂ કરવામાં આવી છે.

અહીં જુઓ ટ્રેલર

શું છે ફિલ્મની સ્ટોરી

હેમંત પારેખ રિટાયર્ડ બેંક ઓફિસર છે. તેમની પત્નીનું અવસાન થાય છે. અવસાન બાદ 17 વર્ષના દીકરા માટે માતા-પિતા બંને હેમંત પારેખ એટલે કે અનંગ દેસાઈ જ છે. સામાન્ય કુટુબમાં બને છે તેમ દીકરો રોનક (ઉમંગ આચાર્ય) લગ્નલાયક થતા હેમંત પારેખ દીકરાની મનગમતી યુવતી આરોહી (એકતા ડાંગર) સાથે તેના લગ્ન કરે છે અને હેમંત પારેખ પોતાનું નિવૃત જીવન પોતાની વયના મિત્રો સાથે અલગ અલગ પ્રવૃતિઓમાં પસાર કરે છે. પરંતુ વહુ (એકતા ડાંગર) અમીર પરિવારની હોવાથી સસરાને ટોન્ટ મારવાનું ચૂકતી નથી. ત્યાર પછી શું થાય છે તે માટે તો વેલકમ જિંદગી ફિલ્મ જોવી જ રહી. આ સમગ્ર ફિલ્મમાં વૃદ્ધાશ્રમના લોકો કેવી રીતે જોડાય છે તે ફિલ્મમાં બતાવવામાં આવ્યું છે.

આ પણ વાંચો: Gujarati Film Remake: વશ પહેલા આ ગુજરાતી ફિલ્મોની પણ બની છે હિન્દી રિમેક, જુઓ લિસ્ટ

આવતીકાલે રિલીઝ થશે આ ફિલ્મ

આ ફિલ્મમાં વૃદ્ધાશ્રમ માત્ર સ્થળ તરીકે નહીં પરંતુ એક મહત્વના પાત્ર તરીકે રજૂ કરવામાં આવ્યું છે. ફિલ્મ વેલકમ જિંદગીના ગીતો આ ફિલ્મની સ્ટોરીને આગળ વધારવામાં મદદ કરે છે. આ સાથે એક્ટિંગની વાત કરીએ તો ફિલ્મમાં અનંગ દેસાઈ, ઉમંગ આચાર્ય, ભરત ઠક્કર, પ્રશાંત બારોટ, સુનિલ વિશરાણી સહિતના કલાકારોએ તો સારું કામ કર્યું જ છે પરંતુ ફિલ્મની હિરોઈન એકતા એટલે કે આરોહી નેગેટિવ રોલમાં જોવા મળે છે તો બાળ કલાકાર કુંજ પણ સરસ ભૂમિકા ભજવે છે. આ ફિલ્મ આવતીકાલે થિયેટરોમાં રિલીઝ થશે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો